محتاج كهربائي للقفل المركزي للسوبربان مايفتح إلاباب السواق

[ابوهيون]

القفل المركزي معد يشتغل بس يفتح للسواق سواء بالرموت او بالضغط على الزر يدوي اما بقية الابواب والشنطه خربان اللي يعرف مهندس لايبخل علينا ودمتم في رعاية االله

[ابوهيون]

مافيه كهربائي يحل لنا المشكله

[ابوهيون]

رحت لمهندسين ويقولون غير جميع القفول الخربانه وعرفت ان ماعندهم سالفه

[ذيب العيص]

لو انك قريب المدينه ادلك على كهربائي ممتاز .....

[ابوهيون]

انت ماقصرت بس انا في الرياض بارك الله فيك

[سهم قيادي]

فيه ورشه جهينه في الصناعيه القديمه تقاطع اربعة وعشرين مع الجمعية على الاربعه وعشرين اقرب مالها شارع الامير سلمان سابقا شارع المدينه حاليا تفتح شرق يمنيه جيدين

[ابوهيون]

ماقصرت اخوي بس اذا فيه احد مرت عليه ذا الشغله نبي اهل الخبره عشان مايفككون البيبان ويحوسون على الفاضي

[المشراق]

أخي الكريم إذا انت قريب من السويدي تروح لشارع البلد الأمين (شمال النفق ) بعد الإشارة وانت متجه شرق مركز الرياض على يدك اليسار بجوار مخابز الخيلاء فيه فلبيني اسمه (ههههههههههههههه ) قطو قله مرسلني 777 وإن شاء الله يفيدك او تروح لصالح الجابري شرق الصناعية شارع الأميرسلمان بعد الإشارة الثانية وانت متجه شرق تلف يمين ثم يسار تجد الورشه مقابلة لك (يمين شوي وجهها غرب ) بإسمه واتمنى لك التوفيق

[ابوهيون]

جزاك الله خير اذا عندك جواله ارسله لي على الخاص لاني بعيد عنه

[ابوهيون]

المشراق (ابوعبدالعزيز) وصلت الارقام وجزاك الله خيرا وتقبل الله منا ومنكم الشهر الكريم

[aziz2727]

والله وانا اخوك فيه واحد من الربع معه تاهو وعنده نفس المشكله
وطبعاً السيارة تحت الضمان ودها للعيسى الي على الدائر الشمالي وزينو له القفل بدون مقابل لانه تحت الضمان

[دحيم الفزعة]

السلام عليكم
اخوي اذا عندك السنتر لوك خربان و ما عندك مشكله تشتري القطع من الوكاله خذهن
اما لو السعر مو عاجبك يركبونه لك محلات الزينه القطعه من عندهم مع تركيبها ب 40 الى 50 ريال لكل باب

تحياتي ====

[ابوهيون]

الحمدلله مريت الغرابي وكنت خابر كهربائي من زمان ودلني على المعلم حقه وفك الفيوزات وفك الكتاوت الخاص في القفل المركزي ونظفه واشتغلت ماشاء الله والحقيقه وديتها لست ورش وانتظار وضياع وقت على الفاضي وذا اليمني في 5دقايق حدد العطل وصلحه ولله الحمد وطلب مني 100 وهو يستاهل وعطيته 50 ولا تكلم ابد عزالله انه ماقصر وعلى فكره كل الورش اللي مريتها مشهوره ولها سمعه طبعا صاروا في نظري اكبر ؟؟؟؟؟؟؟؟؟؟؟؟؟

[ابو ناصر999]

الحمدلله مريت الغرابي وكنت خابر كهربائي من زمان ودلني على المعلم حقه وفك الفيوزات وفك الكتاوت الخاص في القفل المركزي ونظفه واشتغلت ماشاء الله والحقيقه وديتها لست ورش وانتظار وضياع وقت على الفاضي وذا اليمني في 5دقايق حدد العطل وصلحه ولله الحمد وطلب مني 100 وهو يستاهل وعطيته 50 ولا تكلم ابد عزالله انه ماقصر وعلى فكره كل الورش اللي مريتها مشهوره ولها سمعه طبعا صاروا في نظري اكبر ؟؟؟؟؟؟؟؟؟؟؟؟؟
\ ابو هيون ماعليك امر ياليت اتوصفلي محلهم لأن عندي باب الراكب القفل متعطل ..