سرعة الجيب

[ابوحميد122]

السلام عليكم
سيارتي جيب لاندكروزر موديل 99 خليجي 8 سلندر
تخبرون العداد ( 200 )
ولما اسرع واوصل السرعه 120 واشغل القارمن تظهر السرعه 100كيلو متر في الساعه ما الحل
هل هو طبيعي او ان فيه مشكله ؟
ارجو التوضيح ؟

ولما اوصلها للشرطه اللي قبل ( 140 ) يظهر بالقارمن السرعه ( 120 ) ...

( عجبا ً )

[_دربيل_999]

طبيعي اخوي حتى سياراتنا تظهر نفس القراءة..

وفقك الله..

[ابوحميد122]

بارك الله فيك

[ابوفواز1000]

طبيعي جدا في الياباني عداد السرعه مايكون دقيق ابدا اما الالماني والامريكي من واقع تجربه بعض السيارات زي القارمن بضبط
في شيء مهم اذا كنت مغير الجنوط او الكفرات غير مقاس الوكاله يفرق معك العداد كثير
انا معي باترول وكان عداد السرعه على 140 والقارمن 120 ويوم غيرت الجنوط وركبت كفرات ارفع من المقاس السابق صرت امشي 140 ويطلع في القارمن 135
اتمنى اني اكون افدتك

[ابوحميد122]

مشكور اخوي فواز
كيف اغير مقاس الجنوط
الجنوط عندي مقاس 16 وعرض الكفرات 275/70
يعني اخلي مقاس الجنوط 17 معنى كلامك

او اغير حجم الكفرات

ارجو التوااااااصل

وتقبل فائق التحيه

[ابوفواز1000]

مشكور اخوي فواز
كيف اغير مقاس الجنوط
الجنوط عندي مقاس 16 وعرض الكفرات 275/70
يعني اخلي مقاس الجنوط 17 معنى كلامك

او اغير حجم الكفرات

ارجو التوااااااصل

وتقبل فائق التحيه

اخوي ابوحميد اذا ركبت كفرات ارتفاعها اكبر اقصد( ارتفاعها عن الارض) راح يقل الفرق في السرعه بين القارمن والعداد العرض ماله دخل في الممشى يمكن اذا زاد العرض تحس بثقل خفيف في السياره
ابي اقولك تجربتي كانت كفرات الموتر 245/85 جنط16 وركبت225/95 نفس الجنط16 ماغيرته غيرت الارتفاع من 85 الى 95 وتغير العداد صار الفرق بسيط بين القارمن والعداد حتى العرض تغير من 245 الى 225 بس زي ما قلت ماله دخل في السرعه
اما الgxr ان والله ما اعرف مقاسات الكفرات يعني مثلا هل فيه مقاس 275/80 جنط16 او 275/85 جنط16 اذا فيه هذه المقاسات اقولك ركب كفرات اما اذا مافيه يلزم تغير الجنوط الى مقاس 17 اكبرمن السابق بس ممكن تحس بثقل خفيف في الموتر لان 16 اريح للموتر
لاكن على كل حال لاتوجد مشكله عندك شيء طبيعي مايحتاج تغير شيء الله يعطيك خيره ويكفيك شره

[ابوحميد122]

اخي ابو فواز

مشكور وبارك الله فيك

والله يوفقك

استفدت منك كثيرا

تقبل فائق التحية

[ابوحميد122]

اخي دورت كفرات
لقيت مقاس 265/75 جنط 16 هل ينفعن

او لا بد من 275/ 75

والله يحفظك

[ابوفواز1000]

اخي دورت كفرات
لقيت مقاس 265/75 جنط 16 هل ينفعن

او لا بد من 275/ 75

والله يحفظك

والله با ابوحميد ما اظن انهن ينفعن لان ارتفاعهن 75 وكفرات موترك الحين 70 الفرق بسيط اقل شي خذ ارتفاعهن 80 يكون الفرق قليل جدا بين القارمن والعداد
اما بالنسبه للعرض 265 او275 على حسب الجنط يمكن يطلع شكلهن غلط اذا كانت الكفرات نحيفات شوي والجنط عريض
واي خدمه يا ابوحميد ابشر بعزك
الله يوفقك

[ابو طلال8666]

طبيعي قراءة عداد حتى بالبالون 900 يالله تحس ان ممشاك قرب من القارمن

[ابوحميد122]

اخي ابو طلال بارك الله فيك

مشكور على ردك ,,


وفقك الله

[ابوحميد122]

اخي ابو فواز ,,,
مشكور ما قصرت اتعبتك معي ,

لاكن هل تخبرلي نوع كفرات مثل ما قريت ان افضل نوع هو ماشلان

او ان هناك انواع افضل منها ,

علما انني حق نفود وحماد وحق سفريات

والحمد لله قبل يوم جاي من حقل انا والعائله

وتخبر مركب بالسيارة كفرات برجستون

تخبر برجستن ثقيلات واي حصا او اي حفر صغيره بالزفلت تحسبها تقلنك ما خذلك جبل ,
ههههههههههه


تقبل فائق التحيه والتقدير

[ابوفواز1000]

والله يا اخوي المشلان يعتبر من افضل الكفرات بس عيبه سعره الغالي
والبرجستون من الانواع الممتازه واللتي تعيش فتره طويله ولاكن انه قاسي مره في الرمل لازم تنزل الهوا كثير
بعد هذه الانواع يجي الدنلوب فهو لين ممتاز وسعره معقول ويصلح لجميع الطرقات هذه الانواع هي الافضل حسب تجربتي المتواضعه

الله يوفقك للخير...........

[ابوحميد122]

الجميع ان شاء الله


تقبل تحياتي يا ابو فواز

[سهم قيادي]

عندي في الومينا يفرق تقريبا 3 كيلو
ركب كفرات بالون تتعدى القرمن والله يعينك على ساهر واخوانه

[ابوحميد122]

سهم قيادي

بارك الله فيك على ردك

تقبل فائق التحية

[ساري 111]

ه



سؤال // كد غيرت ترس الساعه ؟؟

ترس الساعه الي في القير وسعره 35
يجي ارقام اذا فكيت الترس
تأكد من الرقم 11-31 او 12-32 لانه
اذا غيرت الرقم تتغير القرأه ياناقص يازايد
تنضف الترس وتحصل الرقم بتحتي الترس

[ابوحميد122]

اخي ساري
من اللي يركب الترس هل هو الكهربائي او الميكانيكي

انا شاري الجيب تقريبا لي 5 سنوات

ما عمري غيرته ومن اول ما شريته وهو كذا

السرعه زي ذواااااان

اجرب واردلك يا اخي ساري

ووفقك الله لطاعته

وبلغنا وقارئ هذه السطور رمضان

ونحن وهو في اتم الصحه والعاااااااااافيه

الى لقاء قريب ان شاء الله

والسلام عليكم ورحمة الله وبركاته