ماهو أفضل ورشة تركيب بواجي ببريدة ؟

[طير المحبه]

سلام عليكم ..

ياجماعة الموتر أحس فيه تقطيع .. و باغير البواجي .. بس مادري هل أركب بواجي كابرس [ اس اس ] ليز ولا بواجي البلد ؟ وأبي أفضل ورشة تركيب بواجي !!
وكم تسوى بواجي الكابرس وبواجي البلد ؟!
الموتر هايلكس 2003

[طير المحبه]

سبحان الله وبحمده !!

[rpk]

اي مكانيكي يركبها لك واذا كانت تركب حقت الكابرس ركبها لانها تجي زي الدبوس وافضل في الشراره واطول عمر

[ولدحمد]

نصيحه لك يابعدي واسال مجرب البواجي مايبي لها شي وتركيبها سهل جدا وبالنسبه للنوع ركب بواجي كامري راسين ولا تركب حقات كابرس لانها تبي كهرب زياده وانتي كهربك الكتروني يعني حقات الكامري 100% للهايلكس انا مركبهن ع موتري الي قبل وربي ماحسيت بشي وتعطي اداء افضل للسياره وتوكل ع الله

[ابوصالح77]

شغلك سهلة جداً
مر أي كهربائي أو ميكانيكي (فاهم) وركبهن
مايحتاج تدور كهربائي مشهور لأن شغلتها سهلة ومعروفة وما رايح يستقبلك ويوجع رأسه بيحولك لأقرب واحد .
مرة صار لي موقف مع كهربائي مشهور بالشارع التجاري إسمه شانول
إشتريت سيارة مخزنة وصار فيها تقطيع وتفتفة ، رحت يم شانول وقال يبغى لها وقت لأني مزحوم لكن جب لي (بواجي وأسلاك بواجي وأغراض أخرى ) ومريت بعد فتره وما حصلت السيارة قلت وين السيارة قال لي : وديتها للورشة هذي (طبعاً ابوهنود) يركبون البواجي وأسلاكها . قلت : ليش وانا جايبها لك ، قال : هذي شغلات بسيطة ما نشتغلها .
قلت في نفسي : هذي شغلات تتعب ولا تاكلون فيها عيش لأنها معروفة .

[نديم القهوة]

الله يسر امرك

[طير المحبه]

جزاكم الله خير

[محمدين عتريس]

يمكن الشركه افضل

يابوي الله لايهينك يركبهن اي واحد بعشرين ريال

[دل البحار]

أقرب بنشري يركبها لك افضل من الورش والدليل على ذلك رح اي بنشر وقله ابي منك بواجي مستعمله يطلع كراتين اشكال وانواع
البنشري خبره في البواجي

[دحيم الفزعة]

هههههههه
اخوي اجل لو معك سياره قديمه وبتجددها بويه وكهرباء وميكانيكا بتفتح منتدى باسم سيارتك علشان تشاور ؟
تقبل مروري حبيت امزح معك

تحياتي ====