عندي مشكله وهي تقطيع في سفاري 2003

[ابوالشيهانه.]

اخواني السلام عليكم ورحمة الله بركاته
انا عندي مشكله وهي تقطيع في السياره سفاري 2003/4800 من فتره ورحت للوكاله وقالو لي
غيربواجي وصفايه وغيرت وبعدها بكم يوم رجع التقطيع وقالو لي غير طرمبة بنزين وبعدها بكم يوم رجع التقطيع وبعدها رفعت عليهم شكوى الصيانه بعدم معرفت العطل وخسارة القطع ورحت فحصت
عند محل كمبيوتر وقال لي عندك عدد ثلاث كويلات 2-3-5 عطلانه ورحت للوكاله وقلت لهم شوف الفحص وبعدها قالو لي غيرها على حسابك وغيرتها 6 كويلات وسافرت الى الاردن وبصراحه ماعجبني
ممشى السياره مع الطريق لان لاوصلت سرعة 140 مايقبل الزياده واذا فيه طلوع يخف عزم الموترويخذ
الغيار القير من 5 الى 4 وبعض الاحيان الى 3 ومعليش على الاطاله بصراحه جنني العطل افيدددددددددددوني جزاكم الله الف خير لو فيه محل كميوتر
ممتاز ماهي مشكله باي مدينه او خبـيـر نروح له

[راعي الطلعات]

شيك على الحساس تبع فلتر الهواء هل هو نظيف او عليه غبار

بس انتبه له تراه فعلاً حساس وقيمته 1300ريال ان ما خاب ضني

هذا ان كان التقطيع في نصف الطريق

طبعاً انا معي باترول 99 بخاخ

[رجه]

والله ماعرفه ان شالله الاخوان يفيدونك

[ابوالشيهانه.]

وين اهل النيسان

[مقناص الكويت]

شف اخوي ان شاء لله تحصـــل حل حق سيارتك بس قبل كانت مشكلتك نفسه عند اخوي

وراح الوكاله وقالو له البله كله بالكبيوتر وبدله وصارت 100% وانت يوم صلحته عند الوكاله ولا

محل عادي ..؟؟

[ابوالشيهانه.]

مقناص الكويت
يعطيك العافيه بغيت محل فحص كمبيوتر في الكويت وين انا ان شالله طالع للكويت

[مقناص الكويت]

مقناص الكويت
يعطيك العافيه بغيت محل فحص كمبيوتر في الكويت وين انا ان شالله طالع للكويت

ولله ياخوك في واجد بالكويت بالشويخ وانا اقول لو تجي الكويت تروح الوكاله ترى فاهمين

يجيكلك ويقولك شنو السبب ويصلحولك وتقدر تاكد منهم شنو الخربان وتروح تصلحه

بس ديربلك من النصابين ولاتروح حق السوري دورلك بكستاني وانا ولله ماعرف محل معين ولله يوفقك

[محمد الغيثي]

يفيدونك الشباب

[ابوصالح77]

جرب بخ فيه من بخاخ إل سي دلكو وإنشاء الله يزين

[ابوالشيهانه.]

جرب بخ فيه من بخاخ إل سي دلكو وإنشاء الله يزين
كيف اخوي ابوصالح بخ وين بخ شنو يعني وضح

[ابوالشيهانه.]

وين اهل النيسان

[_دربيل_999]

أخي الكريم..
نبارك لك اشهر الكريم..
شيك على موصلات الهواء الداخلة لبيت النار دائماٌ تسبب ضعف العزم والتفتفة..شق صغير جداً قادر على إضعاف عوم السيارة..

وفقك الله..

الروقي

[صباح القايله]

اخوي عنك ابو صالح التركي بالرياض
والخضير والعثيم بالقصيم والعثيم كهربائي
وكلهم ممتازين تبي ارقامهم علمن

[ابوالشيهانه.]

اخوي عنك ابو صالح التركي بالرياض
والخضير والعثيم بالقصيم والعثيم كهربائي
وكلهم ممتازين تبي ارقامهم علمن
عطيك العافيه الرسلي الرقم

[ابراهيم الريس]

السلام عليكم
ياجماعة ياكثر مشاكل الباترول 500 حساس و1000 كويل
حقيقة تايوتا وبس رغم أني راعي فتك ويدي على قلبي كلما جيت اشغل الله يستر

[ولد عنيزة]

انا عندي نفس المشكله فتك موديل 2002
قالوا لي غير بواجي وغيرته ولافيه فايده

[مدير الكدري]

المشكله كله في الكتوت تحت الدرقسون داخل السياره في واحد من الكتاوت ازرق غيره

[بندوري عبود]

يا خوي خرابك عندي وسهل غير السلك غير السلك الي يروح الى الديلكو

[mhajer666]

السلام عليكم
سؤال بسيط
هل غيرت الفلتر تبع الهواء ؟
لانه Mass Air Flow تبعه حساس مره
اذا انك غيرته من المحلات الخارجيه رجع القديم وتشوف العزم
ولا تشتريه الا من الوكاله
واذا بالرياض كلمني عالخاص

[كديان]

انا عندي نفس المشكله فتك موديل 2002
قالوا لي غير بواجي وغيرته ولافيه فايده
مر على يوسف الخضير بتشاليح بريدة او العثيم بصناعية الرواف و راح يضبط موترك باذن الله
بواجي الفتك الاصلية الليزر تمشي 200الف كيلو بالراحة
يعني اذا القديمات موجودات فانصحك تحتفط بهن
حقات شد البلد اضمن من حق السوق الجديد