النيسان وما أدراك ما النيسان الفزعة يا جماعة الخير

[رحال نجد]

يا الربع عندي باترول مديل 98 كربريتر مشكلته أنه أول ما أمشي يكتم كتمة شديدة وأحيانا يطفى وإذا دعسست له الدعسة كلها مشى زي الحصان وإذا رفعت رجلي شوي قام يقطع والله ياجماعة الموتر جاب لي الصمرقع:hot: غيرت له بواجي وأسلاك وصفاية وفلتر هواء ولا كأني سويت شيئ وديته لواحد وزن لي الديلكو بالجهاز صفا الموتر نص يوم ورجع ثانية آخرته البارح طالع للنفود ماغير يمشي ويغرز تكفون يا الربع اللي يعرف له طب لا يبخل علي الله يجزاكم الجنة ووالديكم وجميع المسلمين .

[ابو طلال8666]

والله ياخوي شي يقهر لكن انشاءالله يبي يضبط ود موترك لم واحد يفهم با الكربريتر ويرجع الموتر طبيعي

[رحال نجد]

والله انك صادق أخوي أبو طلال الموتر دبل تسبدي بالحيل

[ساري 111]

وديته لواحد وزن لي الديلكو بالجهاز صف الموتر نص يوم ورجع ثانية


المشكله بالديلكو اكيد ركز عليه باقي الامور شكله مضبوطه لانه يوم وزنه ضبط الموتر ..

[ac_khaled]

السلام عليكم ورحمة الله وبركاته

الله يعينك

يا أخوي اللي يبدو لي من شرحك للموضوع أن المشكلة كاربوريتر فقط

والنيسان عموما اذا انفك كربوريتره على يد غير فاهم به قليل يصلح

على كل حال مشاكل التقطيع والتكتيم كثيره منها أو اكبرها زي ما اسلفت هو الكاربوريتر


( الإبرة - ليات - منظم الهواء - فلتر الهواء ...... الخ )

يجي بعدها الأشياء اللي صلحتها انت من بواجي واسلاكها وتصفية المكينة وهي الديلكو وتصفيته

لكن أخي الكريم إذا الماكينة صافية والموتر واقف يعني ما فيها شئ

اختبار بسيط للكهرب هو انك تحط يدك عند الشكمان والسيارة شغالة اذا كان هواء الشكمان

مستمر على نسق واحد فالكهرب تمام أما اذا كان متقطع ولو بشكل خفيف فهناك مشكلة بالكهرباء

طولت عليك بس ابيلك الفايدة

ابوخالد

[adil33]

اوزن الديلكو بنفسك راح تلاقيه متجه للوسط اقر ب من نهايته لليمين حله بمفتاح 13 ورده يمين شوي الين تشوف انه الكتمه الي بالشكمان راحت وارجع شد عليه زين عشان ما يرجع يرخي مع المشي والقومه

[رحال نجد]

بيض الله وجيهكم يا أخوان على التفاعل
صاحب الورشة اللي رحت له رجال سعودي وفااااااهم في الكهرباء بالحيل بس قال لي كلام ودي أستشيركم فيه قال : غير الكويل يمكن الكهرباء ضعيفة وإذا مانفع تعال أركب لك كربريتر حق التايوتا بقيمنة 1700 ريال وإن شاء الله يظبط وش رايكم يالربع بسالفة الكربريتر هذي ؟

[رحال نجد]

سبحان الله وبحمده سبحان الله العظيم

[ac_khaled]

والله الكويل والبويبينه ممكن يساهم في التكتيم

بس الترهيم ما عندي خبر فيه

لكن اسأل ناس طبقوا الترهيم قبل وانشاء الله يفيدونك الإخوان اكثر


ابوخالد

[abu fares]

الله يكون بعونك

[ساري 111]

غير الكويل يمكن الكهرباء ضعيفة وإذا وإذا مانفع تعال أركب لك كربريتر حق التايوتا بقيمنة 1700 ريال

مالك ومال الخساير ومهب رخيص عشان تقول خل نجرب ان فاد ولا ماضر

انت قلت انك وزنت الديلكو وضبط فتره ورجع انا اشوف انك تروح توزنه ثانيه يمكنه حل اوارتخى

وياليت لو تروح لواحد ثاني يوزنه غير الاول

اذا الشباب يعرفون احد فاهم بوزن الديلكو ليتهم مايبخلون عليك

[برايدوي عنيد]

هلابك اخووي ....

مثل ماقال اخونا adil33 جرب وشف هذا شي ..

الشي الثاني وين مكانك ؟ لعلنا ندلك على احد راعي خبره بالمشكله

وجرب لايصير من الكنداسه (تاكد منه )

تقبل مروري ............

[satam1389]

اخي العزيز هذه المشكلة كانت عندي بسيارتي
ولا خليت شي الا سويته الى درجة اني خليت من جاء يبي يتعلم يتعلم وفي الاخير جيت فلبيني متخصص كلبريترات نياسين وضبطه لي وطلع 100%
اذا انت في الرياض دليتك عليه

[النجم السيار]

إذا كانت هذه الحالة التي ذكرت انا سمعت بها كثير وهي :
افحص رمان الديلكو ( ترى عمود الديلكو خاق )

[رحال نجد]

أخوي ساري 111 شورك وهداية الله


الأخ سطام 1389 أنا في الرياض وين مكان خويك الفلبيني الله يجزاك خير ويفرج عنك

الأخ بريداوي عنيد أنا مركب دبة يوكن بدل الدبة الأصلية ولا نستغني عن خدماتك الله يحفظك

[رحال نجد]

أخوي سطام الله يحفظك وين مكان خويك الفلبيني

[ابوصالح77]

هلا بك أخوي
قبل المخاسير :
إشر لك بخاخ إل سي دلكو حق الكربيترات وفك القربة وبخ فيه إشوي وإدعس بنزين وكررها كم مرة