الفزعه ياااهل القصيم تكفوون

[الحربي مشاري]

انا موتري سوبر سفاري92 وابي ادخله الورشه

بصلحه تريبط وماتريبط من داااخل وبرااا
اي ورشه تنصوووحي به ويااريت بصناعية عنيزه

[ابوصالح77]

هلا بك أخوي
بعنيزة ما أدري
لكن فيه بريدة موسى السيف بالشارع التجاري (جبر الخواطر )
يربط أسفل السيارة وميزته عنده مكابس للربلات ويرهم لك مساعد دركسون
وسعره معقول نوعاُ ما .
إذا كانك رايق الشيء الخفيف إشتغل فيه أنت والصعب بالورشة .

[الحربي مشاري]

مشكووووووووووور ماااااقصررررررررررررت

[قدر مكتوب]

تبي نصحية اخوك , ماحك جلدك غير ظفرك

شيك عليه انت بنفسك بالتالي :

1- روح لاقرب ميزان تثق فيه ويفضل ممن يملك عماله فلبينيه حيث انهم ادق بالعمل وقول لهم انفضو اسفل السياره

طبعا انت ركز على رباطات الموترمن تحت لو فيها شي خربان

ثم انتقل الى كراسي البودي مع الشاصي شيك عليها او دبلها بربل اذا هي خربانه , والباترول بالاخص دوم تصير خربانه خصوصا في موديل في التيسعينات

شيك على الركب والمساعدات والمقصات والياي

جلد عمود التوازن

اذا فيه اصوات اسفل الموتر حاول تتبعها انت والعمال , طلعهم معاك بالموتر وخليهم يتتبعو الصوت معاك


اكبس الاذرعه اذا تحتاج كبس

اذا خلصت هنا تكون شيكت على بطن الموتر

انتقل للخطوة الاخرى ,

جب معاك كم مفك وروح للبيت وفك مراتب الموتر كاملة واعسلها واغسل ارضية الموتر ثم ارجع ركبها بعد كم يوم من لطعه المراتب بالشمس وتاكد من شدها والتشييك على المراتب والارضية

هنا يكون مابقى عندك الا الديكور وهذا روح لاقرب كهربائي وقوله هذا 100 ريال يالذيب ازبط لي الموتر ولو تبي نصيحتي مر على محلات ادوات البناء وخذ منهم سفنج خامه كويسة وبلاستيك الخفيف , واتجة للكهربائي وخليه يفك الطبلون ويربطه لك من جديد ولو حصلت شي مكسور خليه يضمنه او يلحمه ويركب وردات على اغلب المسامير ويشد

وخليه بعدها يفك ديكور كل باب وخذ السفنج وفص على ديكور الباب من داخل يعني تحشي ديكور الباب من داخل , بعد تفصيل الاسفنج لصق اطرافة مع شدة قليلا بالباتيكس وبعدها قص البلاستيك بحجم اطول من كل طرف من السفنج ولصق اطرافة بسيلكون , اترك الديكور قليلا ليمسك الشمع ثم شد مسامير الباب من داخل وتاكد من مكاين القزاز وكل شي داخل بشده بشكل كويس ثم ارجع وركب الديكور

هنا تكون ربطت كل ديكور الوتر وبسعر مميز

قبل الاخير شيك على كلبسات الشبك والاركان وشد مساير الصدامات بالبيت

كذا تكون مريت على اغلب الموتر واشتغلت بنفسك ولا كلفت نفسك الكثير , والتكلفة راح تكون تقريبا 500 ريال بالكثير شغل يد

ولو مريت على النويصر بالرياض او غيره من ورش التربيط ماراح يكلمك باقل من 2000 ريال بس شغل يد وبكذا تكون وفرت على نفسك الكثير


بالتوفيق اخوي واعذرني لو نسيت شي .

[حراليدين]

كلام جميل أخوي
بارك الله فيك

[عبدالرحمن السالم]

ماقصرو الاخوان خصوصاُ قدر مكتوب اذا انت والله تبي تشتغل بنفسك وتضمن شغلك
موفق خير يالغالي

[الحربي مشاري]

الله يعطيك العااااااااااافيه ماقصرت اخوووي

[النجم السيار]

ورشة الحفيتي بالصناعية مقابل محلات الاديترات فيها هندي ممتاز

[الحربي مشاري]

مشكور والله يععافيك

ومراح ابدا الشغل الا في منتصف رمضان

اللله يعافيكم كلكم

[paper]

مشكور
.........................