الفزعة يأهل الخبرة ..

[ضب نجد]

بسم الله الرحمن الرحيم
السلام عليكم ورحمة الله وبركاتة

طيري اليوم حذف ريشة من الريش الجديد .. :(
أرجو من لديهم الخبرة يفيدوننا بالعلاج ..

والسلام عليكم ورحمة الله وبركاتة,,

[فزاعـ]

يفيدونك الاخوان انشالله
بس على خبرتي
ان الريشه اللي حذفها الطير
راح تطلع له ريشه جديده اخرى باذن الله
بس مو متاكد :(

[جلاد الحباري]

الطير اللي عندك نسميه حنا مخالف واذا حذف الطير الريش وماهو بحله يكون عنده مشكله كبيرة يمكن يكون نقص فيتامين انصحك تفحصه وتتاكد واذا قالك مافيه الا العافيه عطه فيتامين للريش واأكرمه بالعلف ودائما الطيور اللي تخالف في حذف الريش وهي طبيعية يكون عندها نزول في الوزن بشكل كبير وبعدها اذا رفعتها تبدى تحذف والله يوفقك

[عمرالعامر]

ماعلية أخلاف انشاالله عنة نقص ومن وجهة نظري ومن باب تجربة عطة اكبود دجاج لمدة3ـــــ5أيام وسوف

يتم تعويظ نقص الفيتامينات عندة الموثرة لحذف الريش

[ضب نجد]

أخوي شرياص ..
أنا معك بأن الطير لاحذف ريش ه تطلع غيرة ..
بس طيري كمل مابقيلة إلا الموس والنايفه .. ثم رجع يحذف من الدواغر ..
والريش الي حذفه هي الثانية وواضح أنه جديدة .. وتكون متأآكله من عند منبت الريش وفيها أثر دم قليل ..

[ضب نجد]

أخوي جلاد الحباري ..

مشكور على الرد والله يجزاك خير ,,
لاكن أبسئل الفيتامين .. وين ألقاة ..

[ضب نجد]

أخوي عمر العامر ..

مشكور ماقصرة ووالله أنك ريحت قلبي يوم قلت مافيه الأ العافية ,,
لاني الصراحه ماصدقت علالله يبني .. إلا بدا يهدم من جديد,,

أنشاء الله بجرب الكبود .. والشفاء بيد الله ..

[بو هاشم]

بسم الله الرحمن الرحيم
السلام عليكم ورحمة الله وبركاته
اخوي ضب نجد
ابيك طول بالك علي ولا تاخذني على اسئلتي
اول شي انت متاكد انه الريشه جديده
وانه من العشر الاولى
اذا كنت متاكد منه من العشر وجديده هذا نقص فيتامينات واملاح
واذا كانت مو من العشر الاولى يعني من الدواغر ترى طبيعي انا عندي طير اخر شي يحذفها الدواغر والذنيبه
وثاني شي كم مره قرنس هذا الطير عندك يعني انت عارف جدول الريش عنده لان لكل قاعده شواذ
وأسف للأطاله والفلسفه الزايده
والسلام ختام

[ابوناصر السهلي]

الله لايهينه

[دعاس]

ماعليه الا العافيه اكيد الطير نقص عليه العلف
ومن الطبيعي تكسر عنده بعض الخلايا الخاصه بالريش
عطه فيتا مينات تحصلها عن البيطري اسمها ب12 لونها ابيض واصفر
وكذلك حبوب زيت كبد الحوت تحصلها بالصيدليه
لونها اصفر شفاف
وباذن الله يتشافا
واذا الطير وقت الهدد زت الغواطي احتمال من اول معه نقص فيتامينات وتجي الريشه مقصفه وذبلانه وداخلها دم ما هو دهن
بس ان شاء الله ماعليه شي
ابونواف

[مهاوش]

بسم الله الرحمن الرحيم

السلام عليكم ورحمة الله وبركاتة


طيري اليوم حذف ريشة من الريش الجديد .. :(
أرجو من لديهم الخبرة يفيدوننا بالعلاج ..


والسلام عليكم ورحمة الله وبركاتة,,




السلام وعليكم ورحمتة الله وبركاتة


اذا الريشه التي حاذفها من الداغر فهاذا نقص فيتامين اما اذا حاذف من الريش الذي عليه الكلام من الموس الي السابعة وانت تقول انه عليه موس ونايفة والريش الذي يحذفها بآخرها دم ومثلمه فهاذا مرض ويسمى سويرج اي ريشة جديده قبل لا تعصب بتقريبا 15 يوم يحذفها الله يعوضك
وإن شاء الله ان يكون الحذف من الداغر

[((السنياري))]

شنهي الريشه الي حذفها؟

[قنيص غير]

يفيدونك الاخوان انشالله

[770]

السلام عليكم ...... اولاّ اهنأكم بقرب شهر رمضان المبارك وأسئل الله أن يوفقني وإياكم على طاعته.
اخوي ضب نجد كلام (بوهاشم صحيح) لازم تتأكد الريش الي حذف طيرك جديدة موشرط ان اخر ريش يحذفه الطير النايفه والموس. عندي طير تام الموس وبعده حذف من الذنيبة والدواغر. لآ تقلق.........

[ضب نجد]

أول شي أقوله لكم .. رمضان مبارك ..
ثاني شي أشكرالجميع كلن بأسمه
على التفاعل معي والمساعدة ,,
ثالث شي الريشه الي جدع الطير هي من الريش الي بعد السبع على طول ..


والسلام عليكم ,,

[أبوفرحان]

يفيدونك الاخوان

[بواردي0مكشات]

(السلامـ عليكمـ ورحمة الله وبركاته)

طيرك ياطويل العمر فيه حكه بالجناح وتوجعه همن
يجدع الريشه الجديده وكان عندي شيهانه مثل طيرك
وهذا بدون علاج_ يطيب انشاء الله
والسلامـ خير الختامـ

[الطبشي]

ماعليه الا العافيه
والريشه الي حذفها من اي ريش
وحاول انك تشوف لك فيتا مينات
وتعطيه مع العلف
000000000000000

[ضب نجد]

بواردي مكشات ..
أشكرك على الرد ولإفادة .. وأبشرك جدع بس ريشتين من الجديد وعقبه ماجدع إلا يومك ..
..


الطبشي ..
أشكرك على الرد ورفع الهمه ..
وبانسبه للريشه هي من الريش الي بعد السبع على طول ..

[قناص الهمله]

يفيدونك الاخوان

[سطام ابو سعود]

يا عمار يااربد شوقتنا اخوي ابونواف الطربه كلامك كله سليم يادكتور
بايات

[جلاد الحباري]

اسف على التأخير اخوي بس اللي انا متاكد منه ان الريشه اللي حذفها الطير من الغواطي وهذا شي طبيعي وطيرك ماعليه مشكله ولا عليه خلاف تطمن وترى زيت كبد الحوت اللي يباع في الصيدلية طيب حتى لو ان الطير مافيه شي فيه جميع انواع الفيتامينات ومقاومة الامراض وتحسين الريش ويحافظ على صحة الطير بأذن الله ويوجد زيت ويوجد حبوب وكلها طيبه وبالنسبة للحبوب افضل لانها وزنتها حبة وحدة كل يوم وبالنسبة للزيت لازم يكون نسبه بسيطة تحط في ثنداة الفرية عن طريق التشبيع بواسطة ابره تترك خمس دقائق ومن ثم تعطى للطير لمدة اسبوع او عشرة ايام ومن ثم يطوف اسبوع او عشرة ايام ومن ثم يعطى وهكذا وبالتوفيق