جرير
06/07/2005, 12:07 PM
هاذي بويتات قلتها محاوله مني امل تقبلها ولا تزعلون تراي في المره الاول صراحه غرزت بعد النقد الذي حصل خاصه الحضري وخويه وقعدت شهر مغرز لولا الاخوان دفونا جزاهم الله خير وطلعنا من الطعس لكن الغشيم لازم يغرز مره ثانيه عشان يتعلم خاصه اذا سيارته هـه هـه لك عليها والسواق عليمي
راكب اللي ياركبته ماتمله=من صنيع الفنص مشهور الصلابه
دافعين به من رصيد البنك كله=حاطن به ما توفر في حسابه
ترخص الاموال يا قمنا نتله=ما نهاب الدرب مع حضرة جنابه
مانبي طرطوس ولا للمحله=ولا نبي لبنان لو سالت شعابه
الهدف معروف وكل منا يدله= نبي يم الهضب ممر السحابه
في شعيب محلا شمسه وضله= ان بغيت الطلح ولا في هضابه
مربتن لام للخرانق مرتعن له= من شخاليل الجبل صافي شرابه
والطيور تدور من فوق المطله = والوبر تلقاه في وسط الدعابه
نشوي الصيده علي جمر ومله= ما نعافه لو خلط لحمه ترابه
ماحلا الفنجال يا جا في محله=على جمرات الغضا ماحلا شرابه
مع نشاما كل ابوهم عزوتن له=كل منهم مستفيد من شبابه
ما شرو في بيوتهم دش ومجله=ولابعزف العود او جر الربابه
رايتن بيضا مامشو درب المذله=مقتفين اثر محمد والصحابه
والكسول اللي يحب النوم خله= ما يخاوينا ولو جهز زهابه
ما ينام الليل من شله لشله=وياطلع للبر يخاف الذبابه
قاله اللي طاري المكشات شله=مع نسانيس الهوا يلعب طرابه
من سموم القيض صاب القلب عله= والمكيف اودع بجسمي خرابه
طالب اللي كل صعباتن يحله= اطلب التوفيق وارجوه الاجايه
راكب اللي ياركبته ماتمله=من صنيع الفنص مشهور الصلابه
دافعين به من رصيد البنك كله=حاطن به ما توفر في حسابه
ترخص الاموال يا قمنا نتله=ما نهاب الدرب مع حضرة جنابه
مانبي طرطوس ولا للمحله=ولا نبي لبنان لو سالت شعابه
الهدف معروف وكل منا يدله= نبي يم الهضب ممر السحابه
في شعيب محلا شمسه وضله= ان بغيت الطلح ولا في هضابه
مربتن لام للخرانق مرتعن له= من شخاليل الجبل صافي شرابه
والطيور تدور من فوق المطله = والوبر تلقاه في وسط الدعابه
نشوي الصيده علي جمر ومله= ما نعافه لو خلط لحمه ترابه
ماحلا الفنجال يا جا في محله=على جمرات الغضا ماحلا شرابه
مع نشاما كل ابوهم عزوتن له=كل منهم مستفيد من شبابه
ما شرو في بيوتهم دش ومجله=ولابعزف العود او جر الربابه
رايتن بيضا مامشو درب المذله=مقتفين اثر محمد والصحابه
والكسول اللي يحب النوم خله= ما يخاوينا ولو جهز زهابه
ما ينام الليل من شله لشله=وياطلع للبر يخاف الذبابه
قاله اللي طاري المكشات شله=مع نسانيس الهوا يلعب طرابه
من سموم القيض صاب القلب عله= والمكيف اودع بجسمي خرابه
طالب اللي كل صعباتن يحله= اطلب التوفيق وارجوه الاجايه