سلقة شرود وش الحل

[مشبر البران]

السلام عليكم
فيه سلقة شرود لواحد أعرفة
إذا فتحت بابها تطلع وتبعد عنك حول 3 متر
وإذا جيتها توقف تمسكها عادي
بس ما تدري إلا وهي بآخر المزرعة
إذا جردناها ولا قدرت تلحقنا تروح يم القشع
أمس شردة مرتين
المرة الأولى :
كنا بنروح نجيبلها موية من الغرفة بالمزرعة
وقلنا خلنا نجردها
لحقتنا عادي ما فيه شي
الى يوم مر ذاك القطو من قدام الموتر وحنا نعبي الجركل
وتطردة على بالها حصني
ويزبن الشجرة وهي وراه وزبن قشعة
ودورتة من الجهة الثانية للقشعة وحط رجلة ولا درت
نناديها عادي كأن مح فيه
دور بالقشع على نور السيارة
عاد أنقهرت وعليت صوتي وناديتها وقفت ومسكناها
ورحنامكان الما وكملنا التعبية
المرة الثانية :
وحنى راجعين للغرفة و من لقافتي:d قلت نجردها ثانية
قالولي لا بتشرد قلت وش نسوي أجل
بالحبل ونمشي معها
قلت متى بنوصل
المهم جردناها وحنا مهدين ورانا عادي
يوم وصلنا
ما لقيناها
لفينا يم العقوم لقيناها ورى عقم فصير بين القشع
ما نشوف الا عيونها
ويوم شافت نور الموتر قامت تروح يمين يسار
تدور شي ينصاد
نناديها مهنا فايدة
وراحت ورا عقم كبير
ما ياصلة نور السيارة
عاد راعيها معه جوال كشاف
بنور للطريق جتة تركض
ومسكها وطقها بخفيف ونسدحة تحكك بالأرض
ورجعناها غرفتها
يوم جينا نطلع تطلع كباري مني
وراعي الموتر
براعند الباب
قال عيب
الا هي جالسة قدامة
وخف شردها بس مهب ذاك الي
وش الحل معها
هل نربطها
أو
نتمشا معها
ادري أني طولت عليكم
بس هذا الي سار
كله
وراعيها طالب الفزعة مم ذيابة مكشات
أخوكم/مشبر البران

[ابومحمد 503]

يفيدونك الاخوان بأذن الله

[الشلفان]

حتى انا كان عندي نفس الحاله هذي
وان شاء الله يفيدونك الاخوان

[مدهـوش]

هلابك اخوي

بالنسبه لكلامك وبيانه انك تقول/

انها لاناديتها جاتك وان حكيت لها ربضت وكأنها تتمرغ على الارض

والمره الثانيه تجرب معكم وعلى النور وتدور الصيد

المحصول او الفائده ..:

-عليك بربطها ولاتفكها الا وانت عندها او في محل صغير تصير قريبه منك .

-نادها وصفر لها وانت تمشي لها حتى تراها تلعب لك وتطمر وتربض لك وتريد فكها .

-حاول ان لاتجعلها بعيده منك وان تمشي معها وان تناديها واذا جاتك تحك لها الين ترا انها تمشي بجنبك دائما .

-احذر واشد الحذر ان ترا في يدك عصى او تراك تحمل حبل او شئ تخاف منه في حالتها هذه.

-حاول ان تشجعها على الطرد وتحسسها انك معها وانك تساعدها في الحصول على فريستها.

_ لاتدعها مفكوكه وحاول ان تجلسها معك دائم في حلك وترحالك وتعرفك جيدآ.

هذا مالدي والاخوان يفيدونك وهم اكثر خبره

[راعي وذف]

افادك اخوي عبرود سنجر واناا مع كلامه

[بدوي.]

اسمع اربطها اسبوع وعطها الاكل انت بنفسك وكل ماجيت عنده امسح علا راسها وناده باسمها

ولا تفكها الا وقت القنص فقط وحاول اذا قنصت بها انت واخوياك لا تخلي احد يزهمها غيرك ولا ياخذ الصيده منه

لين تعرفك زين والافضليه انك تدخلها مع سلق طبعها زين وانتبه انك تضربه

وهذي الطريقه صارت معي في سلق واجد جرب وشوف

انشا الله اني افتدك

[الذود العفر]

ماقصروا الأخوان ,, ولا أزيد على كلامهم

الا أنك تنسى القنص بهالسلقه مؤقتا لين

ماتظبط أمووره السلقه هاذي يبيله تعب شوي

يبي لك تخصص يوميا ساعه على الأقل تجلس

عنده وتمسح له وتناديه بأسمه وانت بنفسك

تعطيه الأكل وأنتبه من الضرب ترا الضرب

هو اللي يجفل السلوقي لا شفته بدة تطيع الأوامر

وتسمع الكلام أبد بالقنص به لأنه ماراح تتعبك أبد

بالمقناص ,, لكن تبي تقنص به وهي جفوول راح

تتعبك صدقني ,,

أتمنى أن أكون أفدتك لو بالقليل ..

[الــحـاكــمــ]

ما قصروا الأخوان

[الخبير.]

الطبع هذا للناس الي عندهم سلق نادر مايجونه مستحيل يجي في سلقه في الحوش

[عاشق الكمب]

الافضل ضعها مع سلق لين تعود وتترك الجفاله

[ابوحمد 2009]

ان شااء الله افدوك الاخوان

[طارد سحاب]

السلام عليكم
اخوي السلقه كم لها عندك؟
وهل انت صاحبها الاصلى او توك ماخذها من احد؟

اذا توها جيتك وكانت عند احد قبل
هذا شي طبيعي فتره وتتعود عليك بس ارفق عليها شوي
ونشالله مع الايام تبي تزين
والاخوان افادوك بكذا طريقه كلها راح تنفع معها انشالله
تحياتي

[مشبر البران]

هلابك اخوي

بالنسبه لكلامك وبيانه انك تقول/

انها لاناديتها جاتك وان حكيت لها ربضت وكأنها تتمرغ على الارض

والمره الثانيه تجرب معكم وعلى النور وتدور الصيد

المحصول او الفائده ..:

-عليك بربطها ولاتفكها الا وانت عندها او في محل صغير تصير قريبه منك .

-نادها وصفر لها وانت تمشي لها حتى تراها تلعب لك وتطمر وتربض لك وتريد فكها .

-حاول ان لاتجعلها بعيده منك وان تمشي معها وان تناديها واذا جاتك تحك لها الين ترا انها تمشي بجنبك دائما .

-احذر واشد الحذر ان ترا في يدك عصى او تراك تحمل حبل او شئ تخاف منه في حالتها هذه.

-حاول ان تشجعها على الطرد وتحسسها انك معها وانك تساعدها في الحصول على فريستها.

_ لاتدعها مفكوكه وحاول ان تجلسها معك دائم في حلك وترحالك وتعرفك جيدآ.

هذا مالدي والاخوان يفيدونك وهم اكثر خبره

جزاك الله خير
وبيض الله وجهك
على ردك

[مشبر البران]

اسمع اربطها اسبوع وعطها الاكل انت بنفسك وكل ماجيت عنده امسح علا راسها وناده باسمها

ولا تفكها الا وقت القنص فقط وحاول اذا قنصت بها انت واخوياك لا تخلي احد يزهمها غيرك ولا ياخذ الصيده منه

لين تعرفك زين والافضليه انك تدخلها مع سلق طبعها زين وانتبه انك تضربه

وهذي الطريقه صارت معي في سلق واجد جرب وشوف

انشا الله اني افتدك
هلا والله فيك أخوي
أبشر طال عمرك
بنربطها
حتى الجرد مهب جايها
ومعها بالغرفة سلة ولا أحسن من طبعها
إذا فتحت الباب الشرود تركض برا على طول
أما الثانية توقف لين تقولها شي
ما تحرك لين تامرها
وعطاك الله العافية على ردك

[مشبر البران]

السلام عليكم
اخوي السلقه كم لها عندك؟
مهب عندي عند راعيها
وهل انت صاحبها الاصلى او توك ماخذها من احد؟
لا حقت واحد اتعبتة طبوعها وقال مهنا إلا مكشات
اذا توها جيتك وكانت عند احد قبل
هذا شي طبيعي فتره وتتعود عليك بس ارفق عليها شوي
ونشالله مع الايام تبي تزين
والاخوان افادوك بكذا طريقه كلها راح تنفع معها انشالله
تحياتي
وجزاكالله خير على الرد

[مشبر البران]

الافضل ضعها مع سلق لين تعود وتترك الجفاله
معها سلقة ما أطيب من طبعها بس ما فاد

[مشبر البران]

الطبع هذا للناس الي عندهم سلق نادر مايجونه مستحيل يجي في سلقه في الحوش
جزاك الله خير على المرور

[مشبر البران]

ماقصروا الأخوان ,, ولا أزيد على كلامهم

الا أنك تنسى القنص بهالسلقه مؤقتا لين

ماتظبط أمووره السلقه هاذي يبيله تعب شوي

يبي لك تخصص يوميا ساعه على الأقل تجلس

عنده وتمسح له وتناديه بأسمه وانت بنفسك

تعطيه الأكل وأنتبه من الضرب ترا الضرب

هو اللي يجفل السلوقي لا شفته بدة تطيع الأوامر

وتسمع الكلام أبد بالقنص به لأنه ماراح تتعبك أبد

بالمقناص ,, لكن تبي تقنص به وهي جفوول راح

تتعبك صدقني ,,

أتمنى أن أكون أفدتك لو بالقليل ..
الله يعطيك العفية
وكل الي قلتة راح نسوية أن شاء الله