السلق جاهاا قراد وش الحل؟

[الغلاء كله]

السلام عليكم ورحمة الله وبركاته

اخواني عندي سلقتين الي ذكرهاا اخوي مشبر البران هم نفس السلق

المهم ندخل في صلب الموضوع السلقتين طول الله بعمركم وحدة شرود والثانية ولا احسن منهاا

المهم الغرفة فيها نمل ومذيه السلق وبعدين دريناا ان فيه <<قراد>>

وابي نعرف هو الي مخرب طبعها

ووشي دواه ويحتاج نروح للبيطري وكم سعر العلاج ووش احسن علاج اخذة لهاا

وفيه على عين السلقة اليسر على علم ان السلقه عربية فيه حصى او شي زي كذا

وحاولنا نطلعهاا ولا قدرنا والسلقة قامت تتوجع وابي اعرف هو طبيعي ولالا

مع العلم انهاا عند صاحبهاا من يومها صغيرة

ونبي فزعه رجالهاا رجال مكشات

وتقبلو مروري

الغلاء كلة:d

[ابومحمد 503]

هلابك والله اني ما اعرف الدواء حق القراد بس النصيحه توديها بيطري ازيلها وازيلك

[قناص الوسطى]

اول شي لازم تشوف الي على عينها اذا كان من نفس جلد وماهو جسم غريب هذا طال عمرك كان القراد لاعب فيها من زمان وهذي اثارة اما اذا هو جسم غريب فلازم انك تطلعه عن عينها وبنسبه للقراد اول شي انتف القراد الي على جسم السلق كله وبعدين لازم ترش مكان السلق بمويه ومعها جارة هذا ماعندي

[الذود العفر]

المكان ثم المكان ثم المكان ,, يجب الاهتمام بالمكان أو العشه اللي تخلي به السلق لازم أول شي تنظف المحل

اللي به السلق وترشه بمبيد قراد أو جره ولازم تحل الجره بماء وتغرق المكان بالمرش وتخلي نهار كامل وتغير

البطحاء اللي كانن يجلسن عليه وتجيب بطحاء جديده ولا تنسى حتى الشبك رشه هذا من ناحية المكان ,,

نجي للسلق اللحين تمسك السلقه وتدقق بجميع أنحاء جسمه وتشيل أي قراد به وترا فيه مناطق ماينتبهون له

الشباب والقراد يأخذ راحته به مثل أذان السلوقي بين الأصابع داخل وطية الرجل بين الفخوذ ,,

لاشلت كل القراد اللي به تروشه بماء وصابون وتجيب ديتول ومشط وتروشه بالديتول وتمشط وأنت ترش وتروشه

ثاني مره وترجعه لشبكه ,, بأذن الله أنك ماراح تشوف القراد ثاني مره الا كانك أهملت المكان راح يرجع ,,

وأنتبه تروش السلقه بالجره ترا لو فيه جرح بسيط وروشته بالجره راح تموت السلقه من الوجع ,,

وبالنسبه لعين السلقه مايفيدك الا بيطري ,, والسلقه الشروود جاوبتك عليه بالموضوع ,,

أتمنى أن أكون أفدتك لو بالقليل ,,

[الغلاء كله]

هلابك والله اني ما اعرف الدواء حق القراد بس النصيحه توديها بيطري ازيلها وازيلك

شكرآآ على المرور الرائع

[روضه السد]

بخه كلونيا

[الخبير.]

خذ مقراط حق الاظافر وقصها بعدين اشتر جارة خلطها بالماء خففها مره ورش المكان واذا العزبه كبيرة حط فيها دجاج ترا يقضي على القردان

[عاشق الكمب]

اهم شي تنظيف المكان وبعدين السلق

[بدوي.]

ياخوي دامك ماتعرف وش الي فيها ودها البيطري يشوف عينها واذا اننتها منها البيطري وده اقرب محل كلاب في الرياض عنده مروش يروشون السلق فيه ويعطونها ابر ومعقمات ويكدون شعرها ويقصون اظافرها وينضفون اذنها من داخل تطلع علا كيف كيفك بعدين الله الله با العشه

وانشاء الله افدتك

[ابوحمد 2009]

ان شااء الله افدوك الشباب

[الفهد الصبيحي]

افادوك الاخواان وششكران
تقبل مروري ُ اخوكٌ :الفهد الصبيحي

[الشلفان]

نظف المكان بعدين نظف السلق عشان لو تنظف السلق ماتنظف السلق يرجعلها
اما بالنسبه لعينها ودها للبيطري احسن

[Nnny]

السلام عليكم اول شى شل القراد من جسمه بعدين انا اخوك وده للبيطري وعطه علاج اسمه افمك

[ولد الامارات1]

اعرف ان الموضوع قديم لاكن علشان نظيف المعلومات الجراد سهل انك تخوزه اول شيء يب عبوة ماء (الي ترش الماء ) وحط فيها خل تفاح تقيربا ملعقتين واترس العبوة ماء فوق النص ورشه على السلق لاكن حذاري انك ترشه فيه وجهه حذاري اما للي في عينه هذا الحق عليه للبيطري قبل لاينتفخ وبيسويله عملية فنفس اليوم مدتها عشر دقايق ويعطيك دواء وخلاص يرجع مثل أول

[ذيب يام]

بخاخ ريد رش السلق من بعيد و رش المكان

[قناص الحباري1]

روح للبيطري وخذلك ابرت جرب وعطها للسلقتين وتشوف اليوم الثاني طالع فيها ماتشوف القراد يموت كله انا مجربها

[جنون السلق]

السلام عليكم أخوي
انا عن نفسي انصحك بالجاره
تروح للبيطري او اي محل زراعه
تقوله ابي جاره مخففه
ترشها على السلق ومن تاني يوم تلاحظ الفرق
لاكن حاول تخفف الجاره بالماء لان كثره الجاره تقتل السلق