نسيت الولاعه وشبينا الدافو بالاشتراك !

[bn_501]

السلام علكيم ورحمة الله


نخش دغري


السالفه يالربع


ولاعتي ذاك اليوم نسمت وقى الغاز وجدعتها


المهم قام واحد من الربع بيجيب ولاعه


ولعله شطح بالبقاله وفهى ونسا الولاعه



المهم فكر ياولد منى منى


جب الولاعه حقت السيارهـ

جب منديل اعلتز :D خلنا نكيف الراس بالشاهي


والله ويقوم اخوي ابوعمر

ويجيب الاشتراك

ويذري عن الهوا ويطق طقتين ويشتغل الدافور


بس شعلته خضرا اعرف انه ماقام علطول






اذا نسيت الولاعه مالك الا الاشتراك :good2:



حبيت اظيف هالمعلومه للمكشاتيه اذا توهقت بالبر







مع السلامه

[ولد وايل..]

كلااااااااااااام كبييييييييييييييير...


ذكرتني بواحد من العيال الله يصلحه....

يقدح الجكاير (الدخان) بإشتراك...يحميهم ما ادري شلون ما يخاف يقبع برطمه خخخخخ

[alata_2]

والله الحاجة ام الاختراع..
بارك الله فيك يا مبدع ..

[لعّاب المنايا]

بس مافيها خطوره يقبع الدافور

[bn_501]

ولد وايل

هههههههههه

خويك ذا حادته الخرمه هع

يعطيك العافيه على المرور


alata_2


مشكوور على المرور



لعّاب المنايا

والله عاد بذي مادري

بس اهم شب


مشكور على المرور

[معشي العرجا]

الله يعطيك العافية وذكرتني بيوم الله لا يعيده زعلت وتشرهت من خوي قايل له شل الولاعة ويوم جينا بنسوي غدانا ما من ولاعة والمشكلة مامعنا دافور نبي نطبخ على الضوء المهم بعد عنا ولعنا الضوء بالاشتراك وبارود رصاصة وفاين مبلل بالبنزين

[سرهيد]

السلام عليكم

هلا بك طال عمرك

ويحيك ربي

فكره حلوة ، ومن قال ان الحاجة ام الاختراع ما كذب .. اجل بعد اليوم حط الاشتراك في عزبة القهوة :):) امزح

وما اشوف يه خطورة ابدا

يعني مثله مثل قدحت الولاعة

تقل احترامي

[bn_501]

معشي العرجا


اجل زي خوينا الله يهديه


زين مازينتو


مشكور على المرور




سرهيد

حي الله ابو عبدالله

نور الموضوع


خلاص الاشتراك من الحين وهو بالعزبه


نورتنا بمرورك يابوعبدالله




ٍسلآم

[أبو هزاع911]

ما فيه اي خطروة ابدا

جربت قبل ولا ضر يالله لك الحمد

مشكور وما قصرت

ومثل ما قال الغالي ابو عبدالله

حط الاشتراك بالعزبة لياك تنسى الولاعة

[drive]

مشكور على الفكرة
مشكلتها لمن تطول على الاشتراك تحمي البطاريه

[ALBDRANE]

فكرة ممتازة بس هل فيها خطورة ؟

[أبوفـهـــــد]

اهنيكـ على الفكرهـ

[أبوسعود711]

مشكوور يابو علي
فكره حلوه وننتظر جديدك

[ابوصالح77]

كلااااااااااااام كبييييييييييييييير...


ذكرتني بواحد من العيال الله يصلحه....

يقدح الجكاير (الدخان) بإشتراك...يحميهم ما ادري شلون ما يخاف يقبع برطمه خخخخخ
هههههههههههه
بالعصر الحجري

[نجد البراري]

الفكرة جيدة.... عند الضرورة :f

لاكن لا تطول في لمس سلكين الاشتراك

لانه الالتماس يسوي عكس للكهرباء واذا طولت يحرق عيون البطارية اللي تخزن الكهرباء :eek:

وشكرا

[باسم40]

ذكرتني في طريقه سواها الوالد زمان(الله يرحمه ) لف على عصى العفريته خرقة تمسيح وغطسها في تانكي البانزين طبعا كان مع واحد من ربعه سيارة ولز ثم جاب الخرقه المبلله في البانزين عند سلك البوجي ودق واحد ثاني سلف فاشتعلت الخرقه على طول وانحلت مشكلة النار

[نجدالنجود]

انا سويت هالحركة وفادتني بس المشكلة اذا
كان مامعك اشتراك

[Hammad]

فكره كويسسه بالمره .. :)

[DRAKOLA]

يعطيك العافية طريقة متبعه منذو مبطي ولا فيها خطورة ابد

[سوبر مكشات]

انا صارت لي من طبعا ولعنا بولاعه السياره

صرت اذا جا موسم كشتات

اشتري بريالين 2 علبتين كبريت يعني يجيك 20 كرتون

ووزعها بالعزبه وعزبه الشاهي والسياره وجراب الدافور والسحابات والادراج

خلاص ماتشيل هم

والكبريت اونس من الولاعه والقداح


موفقين

[تساهيل1]

ماشاء الله فكره روعه

بس قبل تلمس الاقطاب افصل البطاريه

بعض السيارات يتاثر الكمبيوتر من التلامس

ثم تجلس لحالك بالبر


موضوع مميز وفكره روعه