المروحه الصغيره ماتشتغل حتى لوارتفعت الحراره الى النصف وش الحل

[refaeihs]

السلام عليكم اخواني واحبائي ومبارك عليكم الشهر الفضيل سؤل لوتكرمتم
عندي g x r 2001 من يوم شريته إلى الان ماقد اشتغلت معي المروحه الصغيره
كيف اقدر اشغلها مع المكيف او إذا وصلت الحراره النصف شاكر ومقدر حسن تعاونكم
وكل عام وانتم بالف خير

[مهداوي]

ودها لكهربائي وقوله ابيك تشبك المروحه مع المكيف
انا سيارتي من يوم شريتها ماشتغلت معي المروحه ومره وانا فاضي قلت خلني اوديها يم الكهربائي وشبكها لي الله يجزاه خير مع المكيف

[عبدالله الموسي]

يمكن يكون حساسها خربان مايقدر يفتيك فيها غير الكهربائي

[refaeihs]

الله يجزيكم بالخيرشاكر ومقدر مروركم وغفرالله لنا ولكم ================

[مركز حراره]

غالبا يكون خربان الدينو حقه بساطه افصل السلك حقه وجب لمبت فحص وشغل المكيف شف يجي كهرب اي اذا اضائت اللمبه معناته الدينمو خربان واذاضلت طافيه ممكن فيوز او كتاوت رح لكهربائي

[قناص*07]

معي م 2000 وصارت معي ووديتها لكهربائي وسواها بس والله نسيت ويش المشكله لان لها 4 سنوات

[اسير الغضا]

ان كانه كهرب يمكن الفيوز او ان السلك مرتخي

[ALBDRANE]

اتوقع كتاوت المروحه شيك عليه

[refaeihs]

بارك الله فيكم وغفر الله لنا ولكم وبيض الله وجيهكم واشكركم على المرور ===

[sulaiman.fj40]

اخوي بعض المراوح مصممه انها ماتشتغل الا بعد ارتفاع الحراره فوق الثلثين وذلك لان حساسها مايفتح الا على درجة حراره عاليه. الافضل تبحث عن حساس يفتح على درجة حراره اقل ولا تحاول تخريب السياره لان ماعندك متخصصين في الورش الكل عماله تتعلم على حسابنا .لو تشبك المروحه على المكيف انت بتحمل اسلاك المكيف طاقه كهربائيه اضافيه قد تتسبب في حريق للاسلاك وتكون النتيجه عكسيه.تذكر دائما ان من صنع السياره ادرى منا بها ولك تقديري.