حركت ساكن وابتلشت الفزعه يا اخوان ...... سطام vip

[سطام vip]

بسم الله الرحمن الرحيم

السلام عليكم ورحمة الله وبركاته

كل عام وانتم بخير والشهر عليكم مبارك

اخواني مهندسي مكشات

عندي باجيرو ربع 1991 كل فتره تخرب قاعده الكربليتر ويطيح عزمه
المهم هالمره ضعف العزم ودخلته ورشه عند مهندس فلبيني صلح التالي

اصلاح كربليتر
وزن ديلكو
وزن بلوف
تغيير كلتش مع اني مغيره قبل 9 شهور

وقال شحطات الجنزير فيها صوت غيرها احسن

غيرتها وركبت ياباني اصلي ماهو وكاله لا الي اقل

المهم طلعت السياره بعد اسبوعين في الورشه

العزم طايح والموتر كان أحد ماسكه كاني اسحب تريلا

بالاول ما يوصل الا 20 والثاني 40 وهكذا الين يوصل بالخامس 100 بس

ولا عاد يتعدى المهم ما حاسبت المهندس ولا ريال وطلعت الموتر

رحت الصناعيه القديمه واثاري ما عاد فيها الا دلوخ كل واحد اغشم من الثاني

غيرت الكربلتير بمستعمل
غيرت الديلكو وحطيته الكتروني بدل العادي
غيرو الكويل والبواجي
ولحد الان المشكله قائمه
المهندس الي عنده السياره الحين يقول ان الجنزير مركب غلط بدون وزن
وفك المكينه ويقول الشحاطات متعفطه؟؟ ولازم تغيرها توي مغيرها جديده وتغير الجنزير
ويبيله قطع ب1300 ريال وش الراي يا اخوان؟؟

وخايف اغير الشحاطات والجنزير وتبقى نفس المشكله

صراحه تعبت والسياره لها حوالي شهر واهي في الورش؟؟

كانت السياره مشكلتها بسيطه والحين كل شي غيرته ولا نفع شي

وش الشور يالطيبين هل الجنزير وعدم وزنه يسبب ضعف العزم
ويعفط الشحاطات؟؟

دمتم بكل خير واتمنى الرد بأسرع وقت لاني بكره لازم امرهم اعطيهم فلوس القطع

اخوكم سطامvip

[مهداوي]

إنا لله وإنا إليه راجعون
الله يكون بعونك وانا اخوك
ولا تخاف بإذن الله رواد وأعضاء مكشات مايقصرون

[الكيان]

موديل موترك قديم يعنى لعبت فيه لمن قلت بس مرة تحط عادي ومرة الالكتروني يا اخي المبلغ اللي قال لك مبالغ فيه انصحك تبيعه تشليح لانه ممكن يصلح لك شي ويخرب عليك اشياء

و الله يعنيك

[سطام vip]

إنا لله وإنا إليه راجعون
الله يكون بعونك وانا اخوك
ولا تخاف بإذن الله رواد وأعضاء مكشات مايقصرون


الله يكون بعون الجميع وشاكر لك مرورك اخوي ودعوتك

الله يجزاك كل خير وفيك وفيهم الخير

كل عام وانت بخير



موديل موترك قديم يعنى لعبت فيه لمن قلت بس مرة تحط عادي ومرة الالكتروني يا اخي المبلغ اللي قال لك مبالغ فيه انصحك تبيعه تشليح لانه ممكن يصلح لك شي ويخرب عليك اشياء

و الله يعنيك


هلا بك اخوي الكيان ويالطيب انا ما لعبت في شي اهو نفس القطعه

يعني بدل ما تكون بليتين عادي ركبت بليتين الكتروني لنفس الموديل والسياره

ومن ناحيه اني ابيعه تشليح؟؟ السياره كل شي فيها وكاله ونظيفه وما عمر الموديل

يحكم على نظافه ابد على العموم جزاك الله خير والسياره لها معي سنتين ما عمرها

سوت كذا الا والله من غشامه المهندسين حسبي الله ونعم الوكيل

وشوف سيارات موديل ال80 لحد الان شغاله زي الحلاوه وافضل من موديلات

ال2010 الي كل يوم خراب وحساسات وبلاوي

في انتظار بقيه الاخوان والله يسهل الامر

[هويدي]

الله يكون بعونك اخوي سطام وييسر امرك

ومبارك علينا وعليك الشهر

كان ودي افيدك بس ماعندي علم إن شاء الله الاخوان فيهم الخير والبركه

[فهد الميهوبي]

اقوووول انتبه تفرررط بالمووووووووووووووووووووترررر نصيحه ولبغيت تسووويه لا تحط الا اصلي وكاااله يستاااهل والله يووفقك

[fof6666]

الله يعينك يا سطام
لكن كل موتر له عمر افتراضي والموتر لابدا يطلب مشكلة
خابر واحد بالصناعية اسمه ابوعادل لعله يفيدك ( اذا تعدبت السالم للزجاج يجيك بنك الراجحي ادخل بعده يمين تجي الورشة على يسارك ) وترا الرجال نصوح بالحيل

[سطام vip]

الله يكون بعونك اخوي سطام وييسر امرك

ومبارك علينا وعليك الشهر

كان ودي افيدك بس ماعندي علم إن شاء الله الاخوان فيهم الخير والبركه


هلا بك اخوي هويدي ويالغالي ما قصرت يكفي مرورك وردك ودعوتك

الله يبارك بعمرك وكل عام وانت بخير

الف شكر لك يالغالي وابشرك الامور سهاله ولله الحمد تيسرت اليوم

وصارت المشكله ما هي في الشحاطات صارت في الجنزير وكم قطعه بسيطه

ما غيرتها قبل وهالشي هون المشكله يارب لك الحمد

دمت بحفظ المولى



اقوووول انتبه تفرررط بالمووووووووووووووووووووترررر نصيحه ولبغيت تسووويه لا تحط الا اصلي وكاااله يستاااهل والله يووفقك


هلا بك اخوي فهد ولا لي نيه افرط فيه ابد

انا اعشق هالسياره وهذا سبب بقائها معي والا كان من زمان بايعها

بس الي يجربها يعشقها والحمد لله الامور سهاله وابشرك القطع كلها وكاله

ولا راح تكلف الا 700 ريال ان شاء الله حصلوا الجنزير مرتخي

وبيبدلونه مع كم ترس داخلي وان شاء الله تضبط

دمت بحفظ المولى



الله يعينك يا سطام
لكن كل موتر له عمر افتراضي والموتر لابدا يطلب مشكلة
خابر واحد بالصناعية اسمه ابوعادل لعله يفيدك ( اذا تعدبت السالم للزجاج يجيك بنك الراجحي ادخل بعده يمين تجي الورشة على يسارك ) وترا الرجال نصوح بالحيل


هلا بك اخوي والله يعين الجميع

وصادق يالغالي كل شي له وقت وعمر

بس مع المحافظه والصيانه بدوم باذن الله

والله يعطيك العافيه على وصفك وان شاء الله تصلح السياره في هالورشه

واذا ما كتبه الله ابشوف ورشه ابو عادل

كل الشكر لك على اهتمامك وردك

دمت بحفظ المولى

[adil33]

الموتر يحتاج وزن ضربية العمود وبعدين يضبط معاك لانه مشكلته الاساسيه في ضربية عمود التايمن مخلوفه وتقدر تتاكد من الضربية عند اي ميكانيكي يتاكد منها بدون فك الراس ولا شيء وبعد ما تضبط الضربية راح يعتدل معاك الموتر بحول الله وترجع الديلكو الاساسي حقه

[العقارب]

تأكد من الكناديس بالاخص حقت البيئه .. صارت لواحد من الربع معه كروز صار الموتر يكتم ومعاد يمشي راح غير بواجي وفلاتر واسلاك بواجي صفى له اقل من ساعتين ثم رجع .. الموتر وانت واقف تدعس الابنص كله مايتعدى الضغط 3 .. اخر شي شال دبه البيئه .. وراحت المشكله ..
ارجو اني افدتك بالي اقدر .عليه .

[دل البحار]

يا خوي انا من رأيي لو السالفه بتطول ولا فيها ضمان ميكانيكي انك تغير المكينه بمكينه من التشليح او الي يبيعومكائن مستورده مع الضمان
كان الله بعونك

[أبو فهد ( 1 )]

بصراحة ما أدري وش أقول الله يعين لا عوكس الموتر
بس إذا تبي تأخذ برأي المهندس وتغير ما قال لك إشرط عليه وما كان شرط كان سلام إنه إذا ما ضبط الموتر ورجع صافي ماله شي من شغل يده علشان يجتهد ولا يشتغل حتى يتأكد والله يعينك على خسارة قطع الغيار

[MjNo0oN]

ياخي موترك قديم ومكينته ضعيفه رهم له مكينة 3.5 او 3.8 بخاخ وادعيلي