هل الحراره هذي طبيعيه ؟ تفضل وعطنا رايك

[باترول 82]

اخواني مشرفين واعضاء وزوا كل عام وانتم بخير ومبارك عليكم الشهر الكريم

عندي حرارة الموتر دايم ثابته على النص ليل أو نهار ماتتغير وبصراحة ودي انها تكون اقل من كذا إيش الحل في نظركم
السياره vxr 2006

وهذه صورة العداد
http://www.mekshat.com/vb/<a href=http://file7.9q9q.net/preview/37997418/1.JPG.html target=_blank>http://file7.9q9q.net/img/37997418/1.JPG

http://file7.9q9q.net/img/37997418/1.JPG (http://file7.9q9q.net/preview/37997418/1.JPG.html)

[بوجندل]

اعتقد مفروض تكون شوي أنزل

تحت النص بخط

[مركز حراره]

الموتر امريكي صحيح؟
ركب بلف سعودي اذا تبيه تنزل الحراره والافضل اتركه كذ

[باترول 82]

مالك لوا الموتر سعودي

[وضح النقى11]

ترا الأحسن إنك تخلى حرارة الموتر كما هي أخص بذالك
إذا كان الموتر خليجي . اما إذا كان الموتر إمريكي فمثل ما قال أخونا مركز حراره
غير البلف وحط سعودي

[العابر2222]

يا غالي المفروض تكون ثلث
أخوي هل عملت صيانه لدورة تبريد المحرك ؟

سو صيانه اخوي اول شي تسيخ اديتر + تغيير الموية + غسل السلندر + فحص المراوح +فحص غطاء الأديتر + تغيير بلف الحرارة

وبعدها احكم على سيارتك وتكلفت الصيانه بسيطه وهي لك وللزمن لانك لو اهملتها بيضر الراس وتبداء المشاكل الفعليه

[مركز حراره]

أذ من زمان ماغير ماء الاديتر غيره للمحافظه على الموتر وغير لاتسوي شي

[adil33]

الحرارة طبيعية لا تغير شيء

[باترول 82]

الله لايهينكم على المشاركات والاهتمام بالموضوع

ياشباب انا سألت واحد من الاخوان له خبره يبيع ويشتري في مثل هاالسيارات ويقول الوضع عادي بالنسبه لثمانيه سرندل لاكن انا ماني مرتاح ودي انزل الحراره باللي يكون وان شاء الله اعمل صيانة لدورة تبريد المحرك ونشوف

[طير شلوى نجد]

ياخوي اذاء كانت تسأل عن حرارة موترك بأجوانا الحين وخاصة ان كنت من اهالي الرياض ابقولك طبيعية .

[غريب الاطوار]

حرارة سيارتك ماشاء الله طبيعيه جدا بس نصيحتي انك تغير البلف بواحد جديد من الوكاله وكذلك المويه والله يعطيك من خيرها ويكفيك شرها

[أبوعبدالله900]

السلام عليكم
اخوي الحراره مرتفعه شوي المفروض تكون فوق الربع بشي بسيط
ركب بلف نيسان وسلملي على الحراره

[abo-lma]

ياسيدي الكريم رح الوكالة

الموتر ماشالله 2006 ماهوب 84

رح الوكالة لاتعبث بموترك همن تحسف

الوكالة أصرفلك من العمالة الخايسة اليي بيلعبون في موترك

موفق خير

[وليد الرازي]

اذا الرديتر رصه وحده الموتر طبيعي اذا هو رصتين افحصه عند الوكاله

[مدرس بري]

ركب بلف لاندكروزر ديزل وارتاح

[باترول 82]

السلام عليكم
اخوي الحراره مرتفعه شوي المفروض تكون فوق الربع بشي بسيط
ركب بلف نيسان وسلملي على الحراره
هل بلف النيسان يركب بدون توليف ( ترهيم) يعني شيل وحط على طول واذا كان كذلك كم رقم البلف شاكر لك مرورك

ركب بلف لاندكروزر ديزل وارتاح
هل بلف الديزل يركب بدون توليف ( ترهيم) يعني شيل وحط على طول واذا كان كذلك كم رقم البلف شاكر لك مرورك :good2:

والشباب اللي قالوا روح للوكالة اقولهم الوكاله مثل المستشفى يعالجون عله بسيطه ويسببون عله اكبر منها

كذلك الشكر موصول لجميع الاخوان اللي شاركوا بالموضوع والله يعطيكم العافيه جميع

[أبوحمييد]

الحل انك تشوف موتر زي موترك اذا كان فيه اختلاف اول شي غير غطاء الرديتر واذا كان الماء متغير وغير صافي غير الماء بما رديتر اصلي من الوكاله والله ييسر امورك...

[برق 8]

جرب بلف الديزل

[HW80]

السلام عليكم ورحمة الله وبركاته
اخوي اذا كان الوتر كل شي فيه سليم وتبي تنزل الحراره فك البلف حق الحراره
وبعض الناس يقولون اذاكانت السياره فيها بلف احسن لها
وشف البلف يمكن يصير عليه صدى وماينفتح بالشكل المطلوب
والله يكتب الي فيه الخير ويعطيك خير الموتر ويكفيك شره

[sulaiman.fj40]

عندي 2005 في اكس ار وتضايقت من ارتفاع الحراره للنصف وركبت له بلف حراره جيب ديزل يفتح على درجة 76 وغيرت ماء الاديتر اصلي وصار مايزيد عن الربع واعلى شي الثلث اذا انا واقف ومشغل المكيف هالايام.

[راعي الهدد 7]

سبحان الله وبحمده سبحان الله العظيم

اخوي الحراره الطبيعيه لازم تكون تحت النص بشي بسيط

[سالم11]

التويوتا معروف عن حرارته تكون على الربع ما تزيد

شيك على الموتر من بلف وماء الأديتر غيره بأصلي شيك على الخراطيش وغطا الاديتر