وش حل مشكلة طعم التا نكي ياأخوان

[fof6666]

السلام عليكم
اولا : مبارك عليكم الشهر جعلنا الله من صوامه وقوامه......

شريت تانكي فيبر من مصنع الوطني

ومع هالحر:s اللي جانا لاحظت طعم قوي بالتانكي فكيته وغسلته بفيري وخفت النكهة بشكل بسيط

هل فيه حل لازالة هذا الطعم نهائيا
وسلامتكم

[aassem34]

اول شي ليش ما شورت احد يعرف قبل لا تشري التانكي
ثاني شي التانكي الفيبر مهب صحي ابد
ثالث شي بعوه واشتر ستال ستيل

[fof6666]

عاد طاح الفاس بالراس

ان لقيت حل ولا بعته بس خلنا نشوف تجارب الأخوان

[ابوحمد666]

السلام عليكم
غريبه اخوي انا اعرفه واحد يستخدمه له فتره ويمدحه مره
تاكد من الماء الي انت تعبيء منه وتعرف مع ها الحر لي التعبئه يكون فيه طعم واذا ما راح الطعم اذا انت بالقصيم مر على المصنع وانا متاكد راح يبدلونه له
تحياتي لك

[fof6666]

مصنع الوطني مابه ضمان
الغريب اني مركب واحد ثاني بموتر الوالد ولا به اي طعم

[محلات الكشاتة]

بالخير ياعم
مصنع الوطني علية ضمان

من الي قالك ماعلية ضمان

[حبراي]

اشير عليك تفضيه وبعدها تعبيه من مويه تحليه لان المشكلة اللي عندك ممكن من الكلور

[fof6666]

الله يجزاكم خير
هل صحيح ان الليمون يسحب الريحة من التانكي ؟؟؟
وهل الوطني له فرع بالرياض ؟؟؟؟؟؟؟

[أبو هزاع911]

تاكد من الماء الي انت تعبية

وان كانك تقول انك تعبية من البزبوز

فان البزبوز مليان كلور من التحلة الله يخليهم

على كلام واحد من الربع يشتغل بتحلية منفوحة يقول من اول نحط شوي كلور

والحين صرنا نضاعف الكمية

بسبب الصداْ الموجود بالشبكة

الله يعيننا واياك

ومن واقع تجربة

ان قدرت تستبدل تانكييك بسل ستيل فهو افضل

من ناحية تجربة لا اكثر ولا اقل

وفقنا الله واياك

[ابو ممدوح2008]

لاتعبي من البزبوز نهائيا ةة

[ابونايف2200]

السلام عليكم
اولا : مبارك عليكم الشهر جعلنا الله من صوامه وقوامه......

شريت تانكي فيبر من مصنع الوطني

ومع هالحر:s اللي جانا لاحظت طعم قوي بالتانكي فكيته وغسلته بفيري وخفت النكهة بشكل بسيط

هل فيه حل لازالة هذا الطعم نهائيا
وسلامتكم
السلام عليكم
جرب الخل الأبيض اربع علب صغيره وعبي نص التانكي ماء فقط واتركه في السياره للحركه لمده 3 ايام انا جربتها على تانكي المنيوم ونجحت
تحياتي

[fof6666]

خل ابيض؟ ؟؟؟؟؟؟؟؟
أخاف يبتل طعم الخل
ترا اذا بتل الطعم تبي تشري تانكي يابو نايف

[أبومنصور]

حياك الله اخي الغالي
اول شيء تأكد من ( اللـــــي ) اللي تعبي منه التانكي
او اللي طالع من التانكي
لا يصير بالشمس ومطعم واكيد يأثر على الماء اذا عبيت
90% من هالحالات تكون من هذا السبب
اخوك: أبو منصور

[عاشق الغضا]

الفيبر ماله حل

[fof6666]

توي جاي من برق الحيا
ويقولون رح لفرعهم اللي بمخرج 10 ويبدلونه لك
الله يكتب اللي فيه الخيرة

[ترهيم]

السلام عليكم ورحمة الله وبركاته

اخي الكريم انا اتذكر موضوعك لما طلبت المشوره في التانكي .. وانا احد الذين نصحوك فيه والله مانصحتك فيه إلا من واقع تجربه والتانكي موجود لحد الان لاطعم ولا رائحه والحمد الله ومن احسن مايكون ...

ولكن جرب تغير نفس الهوز (اللى ) اغلبها الطعم منها ولا تعبيه من هوز مويه عبه مباشره اتوقع ان الطعم من طريقة التعبيه لاني مجرب نفس التانكي وموجود للحين .

** ان لم تنفع هذه الطرق انا اشتري منك التانكي بنفس السعر الي شريته فيه لاني من نصحك بشرائه من واقع تجربه ..

[الحركساب]

السلام عليكم ورحمة الله وبركاته

اخي الكريم انا اتذكر موضوعك لما طلبت المشوره في التانكي .. وانا احد الذين نصحوك فيه والله مانصحتك فيه إلا من واقع تجربه والتانكي موجود لحد الان لاطعم ولا رائحه والحمد الله ومن احسن مايكون ...

ولكن جرب تغير نفس الهوز (اللى ) اغلبها الطعم منها ولا تعبيه من هوز مويه عبه مباشره اتوقع ان الطعم من طريقة التعبيه لاني مجرب نفس التانكي وموجود للحين .

** ان لم تنفع هذه الطرق انا اشتري منك التانكي بنفس السعر الي شريته فيه لاني من نصحك بشرائه من واقع تجربه ..

الله يبيض وجهك ماقصرت فى محاوله اخيره بعد التشييك على الليات ترى دايم الطعم فيها عبى التانكى اقل من الربع ماء ثم صب عليه شاهى اكبر بريق عاقد (بدون سكر) وخذلك فره مضبوطه ومن بكره اغسله وادعيلى (مجربه)

[نجد البراري]

هلا اخوي
لاتحط فيه خل لانه يمكن يتفاعل مع الفيبر
لانه مادة حمضية على ما اعتقد:eek:

اقول جرب ماء الورد يمكن يطلع طعم ولا احلى:D

[fof6666]

الله يعافيكم
وبعدين الله يسامحك ياترهيم ترا راس ماله تانكي
وشكله فعلا من اللي ( الهوز) لأني مركب تانكي بجمس الوالد واللي يختلف عن اللي عندي وليس فيه اي طعم علما اني معبيه من خمس شهور والا هالحين ماغيرت الماء وذقته امس زي العسل

[fof6666]

نجد البراري وانت الصادق شكلي بحط فيمتو وادور به على مواقع التفطير واكسب اجرهم

[ابو الكواتم]

ههههههه اما ماءورد وخل اقول بس وراه ماتكشن عليه احسن :D
انتم لو تشوفون التانكي ولونه والله ماتشرب منه ولا معزى :p
<<<<<هو اللي مغسل التانكي :(
اقول بس اجدعه وخلنا نطق انا وياك المونيوم 150 لتر :good2:
الظاهر التانكي يبي يصير مثل سالفة راعي القارمن :p

[fof6666]

الله يقطع ابليسك يا مي رندا (ميرندا)
شكلي ابجدع التانكي والجيب وابخلي ابو صالح يشري شاص واشريه منه بخمسين خخخخخخخخخخخخخخخخ

[سعد ناصر]

انا كان عندي نفس المشكلة بس تانكي المنيوم وعملت الطريقة التالية والحمد لله صار مضبوط .
- اول شي عملته عبت نصف التانكي ماء مع صابون تايد وكلوركس وتركته يومين علشان مع رجة السيارة والارتداد يتمكن من جميع الاماكن في التانكي .
- بعيدن غسلته بموية دافئة اكثر من مرة .
بعدين عبيت نصفة واضفت قارورتين ماء ورد وتركتة يوم .
- واخيرا غسلته اكثر من مرة والحمد لله ممتاز الحين .

[fof6666]

حطيت قارورة ما ورد و20 لتر ما حلو وبانتظار النتيجة

ماقصرتوا يالشقردية وجزاكم الله خير

[turke2545]

في انتظار التجربه

[بريداوي اصليm]

إن شاء الله تنجح الطريقة
والأخوان فيهم الخير والبركه

[بلاتين]

ياجماعة عندي تانكي من السنيدي ستيل فيه طعم واحد من الربع شاري تانكي فيبر غسلة اول مره وشربنا منه شاي وش زينه والستيل فيه طعم غريب مدري هو عشانه جديد مع اني عبيته يجي 5 مرات .

[البارق الاصلي]

عليه ضمان
ابدلونه لك

[ابوصالح77]

حياك الله اخي الغالي
اول شيء تأكد من ( اللـــــي ) اللي تعبي منه التانكي
او اللي طالع من التانكي
لا يصير بالشمس ومطعم واكيد يأثر على الماء اذا عبيت
90% من هالحالات تكون من هذا السبب
اخوك: أبو منصور


كلام صحيح وجميل
الطعم بالتانكي له إحتمالين :
1- الهوز (اللي ) اللي تعبي منه .
2- هوز(لي) التانكي يكون (بمستوى التانكي بحيث يرجع الماء للتانكي )
وذي حلها إنك تركب لي سخانة لأنه ما يطعم مثل الليات الأخرى .
وحاول إنك ما تخلي الماء فترة طويلة بالتانكي
بالتوفيق

[ادليلة]

اذاتبي رايي رجع التا نكي على الي شريته منه وعلمه مهوب معقوله يضحكون على الناس خذقروشك واذاتبي فصل ستيل رقم304 تايلندي لماع موجود عندورشة الماضي في دويرالخرج انافصلت تانكي ستيل عندهم تقبل تحياتي

[fof6666]

الله يجزاكم خي ياأخوان
الليلة ابغسل التانكي وأغير اللي وأعلمكم النتيجة

[AL NADER]

يا اخوان انا عندي نفس المشكلة بتانكي ألمونيوم

بس بجرب بعض الحلول

الله يعافيكم

[fof6666]

غسلت التانكي وابخليه الليلة يطرقه الهوا

وغيرت اللي وبكرا اعلمكم وش يبي يصير بإذن الله

[العاذر]

اللي اللي تعبي به الماء اعتقد هو السبب

[عااشق نفود]

هااه وش صارر معك ضبط ولا

[fof6666]

فشلت التجربة
ياحلالات الالمنيوم بس

[ابو الكواتم]

هههههههه قايل لك الالمونيوم وبس:good2:
تبي اقول خالي ابه يفصل لك واحد ههههههه :D

[fof6666]

ترا التانكي للبيع
ومعه فاتورة للي يبي يروح للمصنع ويبدله بجديد

[* ابو باسل *]

الطعم او الرايحه زي طعم وريحة البلاستك ولا كيف وبعدين انت تشرب منه يعني ولا مخليه للغسيل بس اذا للغسيل ماعليك منه خله لانه حق غسيل اهم شي ماتشرب منه مادام انه طلع رايحه معناها انها تنتقل للماء وتلوثه .
وابي اقولك طريقه انا استخدمها مع الجراكل البلاستيك ومع ترامس الماء وهي انك تاخذ نكهة الفنيلايا حقت الطبخ والكيلك والحلا الي تجي علبه صغيره لونها حمراء وسعرها ريال وتصبها فيها وشف كيف تتغير الرايحه الى ريحة فنيليا وهي تبي تغطي على الريحه الي عندك وتجلس فتره واذا راحت الريحه تحط غيرها ثاني مره وبالتوفيق ان شاء الله .

[نشوان الرياض]

اخي الكريم حط فيه ملح وكثر وعبه ماء وخله يومين وبعدها فرغه وغسله وبتدعيلي انشاء الله

[ناصب الههلي]

لهم فرع على امتداد خالد بن الوليد اللي قبل طريق الدمام تلقاه على زاويه وبعدين ترا عليه ضمان سنتين

[دانة السنام]

من جد ما الحل