ودي انقل تصريح الخرازة

[خشم العان]

السلام عليكم
مبارك عيكم الشهرالكريم
ارجو من الأخوان ممن عنده علم بتصاريح
شريت خرازة مصرحة ودي انقل تصريحه
بسمي وكيف الطريقة
علم اني عندي تصريح لشوزن
هل يتم اضافة الخرازة؟
وجزاكم الله خير.

[عبدالإله9933]

اولا الله يطعمك من خيرها ويكفيك شرها
ولافيه خلاف تقدر تنقل التصريح والامور كلها سهلات ود معك شاهدين وصور وحسن سيرة وسلوك من العمدة ولا من العمل إذا انت موظف

[RC4]

وعليكم السلام ورحمة الله وبركاته
أولاً مبارك عليك الشهر الفضيل
وكل عام وانت بخير
ثانياً الله يعطيك خيرها ويكفيك شرها أن شاء الله
بنسبه لنقل فهو بسيط جداً مثل ماشار لك الاخ عبد الاله 9933
نعم يتم أضافة الخرزه والشوزن في بطاقه واحده وفي تسريح واحد
وبذلك تقنص وانت مرتاح البال .




أخــــــــــــوك
ابو مــلك

[مرهف]

ماقصر الاخوان عطوك العلم بس الافضل تروح لقسم المتفجرات وهناك بيعطونك اوراق تقوم بتعبيتها وورقه للمستشفى واثنين شهود وورقه من جهه العمل
والله ييسر امرك

[خشم العان]

السلام عليكم
الله يجزاكم خير وبيض الله وجيهكم

[google-999-]

طيب يالربع خلو الموضوع يكتمل ,, وانا عندي استفسارر , الي توه طالب بالجامعه , هل ياتي بحسن السيره والسلوك من الجامعه ؟؟ وكم المده للتنازل ؟ ودمتم بود

[عاشق البانيلي]

طيب يالربع خلو الموضوع يكتمل ,, وانا عندي استفسارر , الي توه طالب بالجامعه , هل ياتي بحسن السيره والسلوك من الجامعه ؟؟ وكم المده للتنازل ؟ ودمتم بود

يكفي تجيب تعريف من عمدة الحي اللي ساكن فيه

[ابونايف2010]

السلام عليكم ورحمة الله وبركاته
مع احترامي لجميع الاخوان اللي ردوا اقول ماعندهم علم
هذا الله يرحم والدينا ووالديكم النظام القديم
النظام الجديد لك بندقية واحدة فقط فقط فقط اقتناء ومسدس واحد حمل
يعني عندك شوزن النظام مايسمحلك بخرازة ولا غيرها
وبالنسبة لتعريف العمل والعمدة ماعاد فية
عندك كشف طبي انك سليم من الاعاقة ونفسيتك تمام
بالتوفيق