شوزن ام وحدة و قوة الندف

[comابوسليمانwww]

هل هناك حل لتخفيف قوة الندف في الشوزن ام وحدة..
لان عندي وحدة رمية يطربن طرب بس عيبه الوحيد اذا رميت كم رمية ودي ادهن كتفي بفكس ..

[محب العقاب]

نعم فيه كعب للبندق تجده في الرماية أو الرميح أو أي محل للوازم الرحلات
ركبها وإن شاء الله يخف الرجف نوع ما
والله الموفق أخوك
محب العقاب
أبومحمد
والسلام عليكم ورحمة الله وبركاته

[أبوصقر]

مثل ماقال أخوي محب البرق ركب الكعب وراح يفرق معك بس ماراح يفرق واجد بس شيء أهون من لاشيء..
شد حيلك وبيعينك الله..

[comابوسليمانwww]

مشكور اخوي محب العقاب واخوي ابوصقر على السرعة في الرد ...
لكن هناك كم سؤال :
س1/ هل له اسم معين او يعرفونه اذا سألت عنه ..
س2/ هل تكون قريبة من ندف ام خمس ولا مافي امل .

[الوسيطاء]

اخوي خذ كعب مرسوم عليه علامه برتا وسعره 50ريال وفيه كعب 20 ريال

[عاشق بلجيكية]

ياخونا حط اسفنج

[السبراوي]

حط الوساده الي تجي على المرتبه حقة السياره للرأس

[Mekshaati@]

السلام عليكم

فيه أنواع كثير لربلات الارتداد تقدر تشريها من الانترنت
وهذا رابط لبعض الأنواع

هنا (http://www.amazon.com/s/ref=nb_sb_ss_i_3_5?url=search-alias%3Daps&field-keywords=recoil+pad&sprefix=recoi&ih=4_1_0_0_0_0_0_0_0_1.216_521&fsc=-1)

سبق ان جربت النوعية هذي وبصراحة ممتازة صناعتها أمريكية

وتخفف الندف للنص تقريباً

http://ecx.images-amazon.com/images/I/31v9V6T7f6L._SL500_AA300_.jpg

وهذي صور اللي عندي

http://www.mekshat.com/pix/upload04/images176/mk117730_20090813261.jpg

http://www.mekshat.com/pix/upload04/images176/mk117730_20090813263.jpg

http://www.mekshat.com/pix/upload04/images176/mk117730_pad.jpg

و بالتوفيق إن شاء الله

[ذئب الدهناء]

اخي العزيز :


الكعب يخفف شي بسيط


نصيحتي لك ما دام البندق ممتازه تبي تجيب لك سعر جيد ان شاء الله .بعها واشتر ام خمس مستعمله وتكون الزياده ليست كثيره ............وتحس بالفرق الحقيقي


تحياتي لك وموسم صيد ممتع باذن الله

[باترول_94]

مثل ماقالو الاخوان


ماشاء الله ماقصرو

[Auto-5]

ماقصروا الأخوان وأضيف خذ جرامات خفيفة مثل 24 أو 28 يقل الندف وتحافظ على البندق واسرع ,
وحجم الرصاص على حسب اختيارك مثل 28 رقم 1 للطريدة الكبيرة و28 رقم 7 للطريدة الصغيرة
وهكذا . . .
دمت بود .

[kASER-999]

يارجال مالك الا الجرم الي يركب في نهاية البندق
واذا مامديك به جيب حفايظ اطفال دبلها 2 مع بعض وركبها على البندق وراء ولف شطرطون خفيف عليها هذي من واقع تجربه قبل ماعرف الجرب
وانصحك لا تبيع ام وحد ترا افضل من ام خمس رميهاا حار وتطربك طرب في الرمي

[كشات البراري]

اشتري
http://ecx.images-amazon.com/images/I/31v9V6T7f6L._SL500_AA300_.jpg

وهذي صور اللي عندي

http://www.mekshat.com/vb/../pix/upload04/images176/mk117730_20090813261.jpg

http://www.mekshat.com/vb/../pix/upload04/images176/mk117730_20090813263.jpg

http://www.mekshat.com/vb/../pix/upload04/images176/mk117730_pad.jpg

[كشات البراري]

اشتر (عفون خطا بالكتابه)

[ابوصالح77]

فادوك الإخوان
الأمر سهل ما دامك هوايها
لف شماغك على كتفك .

[comابوسليمانwww]

اشكركم اخواني على التفاعل في الموضوع وعلى افكاركم الرائعة ..
لكن جربت فكرة اخوي عاشق البلجيكية وحطيت اسفنج على الكعب ولبسته جراب وابطلع ان شالله قريب وابجربه ..
اما اخوي ذئب الدهناء بالنسبة لبيعت ام وحدة فهذا شي مستحيل لانه قديمه عندي وعزيزة علي وهي اكيد ما تقارن بام خمس وانا اتشوف لكن تخبر هالايام موسم ولاتلقى الي بخاطرك وان لقيت غالي .

[فرخ قطا]

انا نفس طريقتك وطلعت مره وجعت كتفي لفيت شماغين ولا فاد
شريت كعب وخف لاكن شي قليل واخيرا حطيت اخر البندق سفنجه وركبت الكعب والحمدلله
خف الرجف

[سيف خنذف]

من بغى الدح ماقال اح

كله مده وتتعود

[بلاك ايجل]

هل هناك حل لتخفيف قوة الندف في الشوزن ام وحدة..
لان عندي وحدة رمية يطربن طرب بس عيبه الوحيد اذا رميت كم رمية ودي ادهن كتفي بفكس ..


الحل انك تبيعها وتاخذ غيرها ... لأن رجف ام فشقه ماله حل وكل بعد طلعه تسود كتوفك من الدم الفاسد .

[الابراهيم]

ههههه الله يعينك اخوووي

انا عندي وحدة زيها بس ما عمري شكيت منها

[fesl]

الله يعطيك العافيه وان شاء الله افادوك الاخوان00وتقبل تحياتي

[n.a.a]

يارجال جبلك فوطه وصفطها وحطها على كتفك وارم والله ماتحس بشي

[بن طريس]

اذا كانت ام سيلان بتخف من الكعب واذا كانت ام سبع ابر الله يعينك

بس نصيحه لا تبيع ام وحده ان بعتها بتندم

[عقيد حرب]

ذا هو الحل الوحيد

[comابوسليمانwww]

وعدتكم اني ابجرب فكرة اخوي عاشق البلجيكية وابعلمكم ...
وفعلا قبل كم يوم طلعت وجربته فرق مهب بسيط والله ماكنه البارود نفسه خف الندف مرة .
احلى تحية لك اخوي عاشق البلجيكية على الحل والفكرة الحلوة ...
ولجميع الاخوان الي تفاعلوا واتمنى يستفيد منها كل الي عندهم ام وحدة ..

[براوينغ]

السلام عليكم .. كيف حالك اخوي ك ق ك عساك مرتاح
انا انصحك لا تبيعها لان مثلك عارف الحين اسعار الام خمس طاير بالسماء يعني حتى لو تبيعها بـ 3 الاف تقريبا لان هذي اسعار ام حبه .. اسعار الايطاليات بـ 10 الاف وفوق .. يعني خلك على اللي عندك احسن من تبيعها وتشتري لك شيء ما يسوى .. ووترى ( كعب عن كعب يفرق ) فيه كعب يخفف الندف وفيه لا .. وانواع كثيره بس انت حط لك اسفنجه وركب عليها الكعب مثل ما قال اخونا عاشق البلجيكيه .. واربط كتفك بشماغ او فوطه وارم بقرامات خفيفه من 32 وانت نازل ,, وبتنبسط منها لان ام وحده معروفه برميها حار على الصيده .. واسمحلي وتقبل مروري

[عاشق حرير]

اخوي اذا انها ام سبع ابر فاالله يعينك
لكنها تطربك وانا عندي ام سبع ابر ومتعود على الرمي فيها وما عندي مشكله
ياالله لك الحمد 00000وانا انصحك ياخوي لاتبيعها

[سعودأبوفهد]

طق لك بس ام خمس وانسى الرجف

[ابو عبدالله06]

عند الهدف تلبيسة للعقب معه ثلاث مقاسات اسفنج تركب اللي تبي قيمتها 65 ريال حلوة وبالتوفيق