الطير باقي عليه موس ونايفه وش السواه يالنشاما

[جلاد الحباري]

اسعد الله اوقاتكم بكل خير ورمضان كريم وتقبل الله طاعتكم يالربع عندي طير العام قرنس بدري ونقلته 15 9 وهالزمان تأخر مع ان قرناسه طيب والمربط طيب ولا عليه قصور عطيناه كورس مع دعم الفيتامين وكان وقتها باقي ثلاث ثلاث وبعد 20 يوم من الكورس حذف الثوالث جميع والحين له 15 ليل وعلى وضعه الطير بصراحه يمسك الريش على غير العادة السؤال اخر الطب كيه وانقله مرقع مع العلم ان الحبارى تعبر بدري عندنا ولا ودي احط يدي على خدي الجماعه هدو وأستانسو وان ماغير انتظر متى يعدي الموس 30 ليله وانقله بدري على العلم ان الموس يحتاج اقل شي 50 ليله نبغى رأيكم واستطلاعكم لهذه المشلكه

[وسام2009]

كيف حالك اخوي جلاد وكل عام وانت بخير والجميع بخير
اخوي انا عندي سوال ممكن تجاوبني عليه انت تقول الشباب هدو واستانسو شهدو عليه بعدين انت وين محلك
عشان تعبر عندكم الحباري بدري

[بو هاشم]

لا تستعجل عليه ولا تعطيه اكثر من كور س في الشهر
وان شاء الله في وقت على النقله بدامه متاخر اذا سمعة وذكرة جاة اول حباره انقل لاحول ولا قوه لان ماراح تذكر ثانيه الا بعد 15 يوم يمديك تنقزه وتدعيه كم مره ان شاء الله هذا رايي وانت ابخص في حلالك

[عنيد]

طبيعي بيحذف الموس باخر رمضان وماعليه ينقل ويدعى مع مراعات العلف والموس

[ابوناصر السهلي]

افادوك الاخوان

[ابوفهيدالسهلي]

السلام عليكم ورحمة الله
اخوى لاتعجل على طيرك ونشا الله بيجهز قبل المقناص وكل تخيره فيها خيره واكثر الطيور باقى الامواس وطيرك ماتخرواجد

[قناص الهمله]

افادوك الاخوان

[دعاس]

الســــــــــــــــــــــــــــــــــلام
ومبروك عليك رمضان
واكيد انك بالشرقيه’’خلوا لاهل الشمال حصه من العبور
لاتعتجل يالغالي طبيعي تاخيره’’ومن الرديفه الى النايفه الطيور ماهي واحد وبعضهن يذب على 15 يوم والبعض على 3 اسابيع او اكثر
ولاتعتجل تو الوقت ولو يذب ب16/9/1431هـ بعدها يذب 8/10الموس ولو تنقله اذا هو راكد بعدها بشهر يكون التاريخ ماوصل8/11/1431هـ وتو العبور ما جاك
تفائل خير
ابو نواف

[شايش الراس]

لاتعجل على نقلته بيحذف النوايف مع الامواس وبتنقله باذن الله

[راعي براك]

انا اقول ياذيبان لاتستعجل على الطير تو العرب الجو حار والحباره توها وثاني شي (طيرك حر وتعطيه كورسات ليش حرام والحر وانا اخوك بدون اي كورسات ولا هالخلطات )اصبر الصبر زين وانا اخوك....

[طير الهقاوي]

السلام عليكم ورحمة الله وبركاته

السواه سوات ربك سبحانه وتعالى
ان تاكد بس من مدهنته اذا شغاله ماعليه
ان شاء الله ينطل النايفه والموس بعدهاا ان كثر بسبوع ولا عشر ايام
تقبل مروري

[@قرناص@]

الصقاقير ماقصرو ,,

وآعتب عليك يآخوي يوم تعطيه الكوورس ..

[الحركساب]

كل عام وانت بخير والربع ما قصروا

[مطنوووخ]

شيك على مدهنة الطير

[لبيه يمنادي]

مسأكم الله بالخير جميعا

وكل عام وانتم بخير

اخوي لاتستعجل علي طير الوقت بدري وان شأ لله يحذف الموس

والطويله مع ولا يـتأخر

تحياتي للجميع

[جلاد الحباري]

اشكر الجميع على المرور والمدهنه شيكت عليها وما عليها خلاف والله يبيض وجيهكم رددوكم وسام على صدري بصراحة اشكركم جميعا عزالله رددودكم اسعدتني كثيرا

[قنيص غير]

افادوك الاخوان

[طيرالحمــــاد]

والله مايدرى الخيره وين
اللي مقسوم لك تبي تاكله وتوكل على الله وحط الرخاء من بالك وانا اخوك

[صقارمكشات]

اخ جلاد الطير ما قضب الريش الا من سبب
والطير اذا كان فيه دود يقضب
واذا كان فيه مدهنه يقضب
واذا كان كان لاحقه عطش بسبب له مشكلة بالنظر والريش وممكن يسبب صرع
واكبر غلط انك اعطيته كورس ممكن زاد العله عله خصوصا انك اعطيته كورس بالحر والكورس يرفع درجة حرارة الجسم الله يعينك ( ولك تحياتي من الخفجي)(

[أبوفرحان]

افااااااااااااااااااادوك

[خلف الفار]

السلام عليكم ورحمة الله وبركاته

اخي صاحب الطير

اكبر غلط هوه ان استخدمت الكورس اللذى اصله لشياهين

اما الحر فاسبب اتاخير عنده فهي من

اما طبع في الطير اوخلل في المدهنه

وثانين الوسم يدخل في 5/11/

وش اعجلك وجعلك تستخدم هاذا السم اللذى خلقه الانسان ليغير فيه
ماخلقه الله

الحل عليك اكمال الكرس كي يتمكن من ادا حاجته
وشكراً

[سطام ابو سعود]

اخوي جلاد الاخوان الصراحه بيض لله وجيههم ماقصرو افادوك ولكل مجتهد نصيب انا احب اضيف اتركك من الكورسات واذ جت البرقاء
طلع الطير لو ما حذف ولا ريشه باقي وقت لله يصبرنا وشكراااااا

[جلاد الحباري]

اشكر الجميع على المرور ويعطيكم العافيه

[جلاد الحباري]

اخ جلاد الطير ما قضب الريش الا من سبب
والطير اذا كان فيه دود يقضب
واذا كان فيه مدهنه يقضب
واذا كان كان لاحقه عطش بسبب له مشكلة بالنظر والريش وممكن يسبب صرع
واكبر غلط انك اعطيته كورس ممكن زاد العله عله خصوصا انك اعطيته كورس بالحر والكورس يرفع درجة حرارة الجسم الله يعينك ( ولك تحياتي من الخفجي)(


انا عارف ويش اسوي وماني غشيم وماخذ كل الاحتياطات وبعدين خل عنك الرمعات والكلام الفاضي ووفر نصيحتك لك والاخوان عطوني المفيد

[skeet]

لازم تتنظر على الطير او تنقل الطير اول ما يحذف الموس وتعلفه على ايدك ويكون العلف حمام طازه

[الذود العفر]

ماقصروا الربع ..

[قرناس الباطن]

الاخ جلاد اسعداللة صباحك اخى الفاضل اول مرة اسمع ان الحر يعطى كورس للريش عموم امسك الطير وتاكد من مدهنة الطير واذا ماتعرف المدهنة هل هى شغالة ام لا ودها لدكتورنا خالد العويدى فى الرياض وخله يدقها لك وثانى شى تاكد من صنعة الطير وهل هو ينتش العلف ام لا وبعد ذالك اعطة فروخ حمام لمدة اسبوع وابشر بالخير واذا ماحذف لك حق واى استفسار انا حاضر رقم الجوال 0552888186 ودمتم :l

[قرناس الباطن]

اخوى خلف الفار اسعد اللة صباحك معذرة الوسم فى 16\10 غريبة يابو بندر اكيدالصيام اثر عليك وشكرا

[الشيب الذيب]

اخوي سلام عليك جر عن الطير اسبوع ونص وارفع الطير وانشاء الله يهل الريش الباقي

[جلاد الحباري]

الاخ قرناس الباطن كلامك طيب وأثلج صدري والمصيبه من البداية كانت المدهنه ولادريت عنها الا متأخر والا الطير مربوط العام عند مربط العدواني في الحفر وعصب موسه 15 9 ودقيت المدهنه وفي خلال 3 شهور ونص حذف الريش كله لين بقى عليه ثلاث وحذفها قبل عشرين يوم وبشيك على المدهنه ثاني مره واذا احتجت منك شي عزالله بدق عليك وكفو يالنشمي

[جلاد الحباري]

الاخ الشيب نزلت الطير لمدة عشر ايام وكنت اعطيه ربع فريه وبعدها رفعته على نص لمدة ثلالث ايام وبعدها فريه كامله لمدة اسبوع وبعدها فريه ونص ولا فاد فيه والله يعطيك العافيه وكنت انزل طيوري قبل الربطه واربطها وهي نازله وبعدها ارفعها وكانت النتيجة طيبه حيييييل واشكر مرورك يالغالي

[جلاد الحباري]

اشكر الجميع على المرور

[جلاد الحباري]

اخوي الذيب عزالله انك ذيب بس المشكله اني جرييت على مذهبه لمدة عشرة ايام على ربع فريه وقتها كان الطير صنيع ومصتك العدة ولا فادت معي بالرغم اني داريت عليه واجد ورفعته على نص فريه لمدة ثلاث ايام وبعده وجبته بالعلف طبيعي

[جلاد الحباري]

الاخ خلف الفار الظروف تجبرك على بعض الاشياء والكورس والله اني مجبور عليه واول مره اجربه في حر وهذي نتيجة الاهمال وبعدين ثلاثة ارباع المرابط دايم يلغمون الطيور المتأخره وما فيها شي وبعدين ماعطيته انا كورس لا يوم بقى عليه ثلاث ولاتنسى اني ماخذ حسابي زين واعطي الطير فيتامينات تقوي ريش وعظم الطير وتخليه متعافي اشكر مروركبالرغم من قسوته