إحترت بين الآرسي و الكاكا ( أبي المشورة )؟؟؟

[سطام F15]

السلام عليكم ورحمة الله وبركاته

صباح الخير للجميع


يالربع اليوم لاقي فشق صندوق
آرسي 6 36 ولاقي كاكا 6 36

وإحترت أبي رايكم أي الإثنين آخذ .

تحياتي لكم

[Mekshaati@]

وعليكم السلام ورحمة الله وبركاته

من خلال تجربتي للنوعين

الكاكا أفضل

[سند 3]

كل واحد ازين من الثاني

[Auto-5]

السلام عليكم ورحمة الله وبركاته
عزيزي السؤال غيرواضح بسبب انك استفسرت فيه عن اسم شركة واسم منتج من شركة ,
مثل اللذي يقول شرايك بتويوتا وباترول !
معليش ,عزيزي فالأر سي شركة منتجه لأنواع متعدده , والكاتشي نوع منتج لشركة نوبل سبورت ...
بفيدك بانطباعي شخصيآ : أنا لست راض عن جميع منتجات rc عدا سبيدفهو شبه جيد ولكني معجب بجل منتجات نوبل سبورت ...
وعلى ذلك فالخياريكون للكاتشي من نوبل سبورت .
أخيرآ انتبه للجرام 36 قدلا يناسب شوزلك أو طريدتك..
تؤسفني عزيزي الإطالة ولكن محبة فالجميع ....

[الكركي الملكي]

السلام عليكم ورحمة الله وبركاته

صباح الخير للجميع


يالربع اليوم لاقي فشق صندوق
آرسي 6 36 ولاقي كاكا 6 36

وإحترت أبي رايكم أي الإثنين آخذ .

تحياتي لكم




وعليكم السلام ورحمة الله
صبحك الله بالنور و السرور
أخي سطام إذا كان الآر سي الأسود فأنا أنصحك فية وبقوة لأنني أنا جربت النوعين كلها والآر سي تفوق على الكاكا في المرامي البعيدة والرمي الطائر .
وهذه صورة صورتها لك للآر سي الأسود للتوضيح:

http://www.mekshat.com/pix/upload04/images176/mk45434_2222.jpg


وتقبل تحياتي .

[ابو دعيع]

أخو ي الكاك أفضل بي كثير أذ كان ألأصلي

[غربي هواوي]

حاليا الارسي افضل

[سيف خنذف]

شكلنا هالسنه نبي نلف على الآ رسي

السنه الي طافت جربنا الكاكا وعز الله دسم شواربنا

لكن القيمه تختلف ..

[عقاب11]

السلام عليكم
ابشر بالمشورة
الكاكا الي مكتوب على القمع ايطالي وليسى نجوم افضل مع العلم ان العلبة نفس علبة الكاكا اما البديل الافضل فهو الارسي
http://www.mekshat.com/pix/upload04/images176/mk105714_20100813147.jpg

[راعي ذرف]

اذا تهتم للرمي البعيد خذ آرسي

[العبقري 1]

الأر سي أنا ما جربته بس جربت الكاكا ..
الكاكا حلو خاصة إذا كان الهد ف مو على الأرض .

[عاشق بلجيكية]

انا اقولك الكاكا طيار وباالارض وبشجر بكل مكان يرمي صح لرمي البعيد مامثلة انا ماامدح الي عندي جربت ار سي و كاكا طلع الكاكا افظل ماعليش على الاطالة

[قلب الداهية]

الكاكا بلا منازع تصدق اني استخدمت الكاكا في الارانب ومن طلقه تطيح الارنب والارسي الاسود من طلقتين او ثلاث الكاكا 6-36 افضل من الارسي الاسود 6-36 فقط

[عاشق الفتك 20]

هلابك يا ولد عمي وحياك الله

انا والله العضيم ماني غااشك لاكن ابي اعلمك بالي يجمد على الشارب

كاكا ياطويل العمر تغير مو مثل اول الحين صار تقليد مثل ابوغزال

ولاتنغش فيه لاني بغيت اطيح فيه مثلك ولاكن ربك ستر

لاكن الارسي ما يمكن يصير مغششوش لاتفووت الارسي انتبه

وتـــــقـــــبـــــل تــــحــــيــــتــــــي
عــــاشــــق الــــفـــــتـــــك 20

[فرخ قطا]

افادوك الاخوان

[Mekshaati@]

لاكن الارسي ما يمكن يصير مغششوش لاتفووت الارسي انتبه

وتـــــقـــــبـــــل تــــحــــيــــتــــــي
عــــاشــــق الــــفـــــتـــــك 20



بالله عليك يا عاشق الفتك 20 كيف عرفت انه ما يمكن يصير مغشوش ممكن تشرح لنا ؟؟؟

[بيتر بن عدوان]

سلا م عليكم
خذ الاارسي وانا اخوك وانت مغمض الكاكا زين بس وانت ترمي يجي من البارود على عيونك لو ترمي لك شوي وتمسح على وجهك تلاحظ البارود لاكن الارسي ياخوي ممتاز وزين للقريب والبعيد خذها مني عشرة عمر مع الارسي ههههههه

[سيف خنذف]

الارسي انواع ياشباب ... شالنوع الطيب ؟

[Abu Sary]

كل واحد عطاك شوره أو رأية .

وأبي أدلو بدلوي.. ومن ناحية تجربة.. ليس من شركة "يقولون"..

إذا كان الهدف { طير واحد } أنصحك بإلارسي .
لكن إذا أنت مثلي ماترمي الا من 3 وأنت طالع ، فـ أنصحك وبقوة بالكاكا..

الكاكا بارد على السلاح / والارسي قوي احيان يفكلي البندق ، طبعاً رمي بـ أم حبة ..

وبالنهاية كلها تؤدي للغرض ، من كثر الصيد اللي عندنا ..



بالتوفيق للجميع ..


















( اللهم حسن الخاتمة )

[كيبك كبك]

آرسي 6 36 افضل

[ابومشعاب]

كلهن ماعليهن ..
لاكن الارسي افضل
والكاكا لك عليه من الجديد يقولون تقليد
..
وكلهن ماعجبني

[عقاب قوقل]

هههههههه يالغالي كنك تقول لنا وش اخذ عيني اليمين والا اليسار


ما ازين من ذا الا ذا

بس فيه ملاحضه انت اختر بينهم

اذا كانك تبي ترمي صيدتك من بعيد خذ ارسي اسود 36

اذا كانك تبي صيدتك ماتروح منك ابد يعني الحلبي والدم

خذ كاكا شرط يكون اصلي

اتمنى اكون افدتك

[عاشق الفتك 20]

بالله عليك يا عاشق الفتك 20 كيف عرفت انه ما يمكن يصير مغشوش ممكن تشرح لنا ؟؟؟



ياابوموسى انت ماعرفت ياخووي فيه واحد من ربعنا من الكويت يقوول نزل علينا كاكا وكلاسيك طبعاً كلاسيك من شريكة كاكا وصاااار فاااااشل والاصلي انقطع يعني بتقنعني
ان اهل الكويت انت افضل منهم (بالللله عليك ) يعني مكذبني ياخووي الارسي شركة عرريقه ولايمكن انه ينغش
وبعض فشق الارسي تصنعه شركه وامريكيه والامريكي طيب با الحيل وفشق ونشستر امريكي وطيب وفي المرتبه الاولى
وتـــــقـــــــبـــــــل تـــــــحــــــيـــــتـــــي

[rolze]

هلابك يا ولد عمي وحياك الله

انا والله العضيم ماني غااشك لاكن ابي اعلمك بالي يجمد على الشارب

كاكا ياطويل العمر تغير مو مثل اول الحين صار تقليد مثل ابوغزال

ولاتنغش فيه لاني بغيت اطيح فيه مثلك ولاكن ربك ستر

لاكن الارسي ما يمكن يصير مغششوش لاتفووت الارسي انتبه

وتـــــقـــــبـــــل تــــحــــيــــتــــــي
عــــاشــــق الــــفـــــتـــــك 20


كلامك عين العقل ياعاشق
الارسي ممتاز والكاكا ممتاز لاكن
انتبه من الكاكا المغشوش الي على صفرته نجوووم هذا تقليلد
الاصلي مكتوب على الصفره نابولي ورقم 12
والا خذا الارسي لانهم مابعد وردو المغشوش منه

[سيف خنذف]

الي يخبر لنا كاكا ولا الارسي يرسل على الخاص

[محب العقاب]

السلام عليكم
تبي الراي لا ذا ولا ذا كلهن صلفة على البندق ويكثر فيهن المغشوش
عليك بالأولمبي ال36 /6 الأسود نظيف ولا هب صلف وغير مغشوش
وال32g أفضل خصوصا رقم 7.5 للقميري أفضل بكثير من غيره وبالتوفيق وفالك الأجوال اللي تسر الخاطر
محبك /

eagle lover
محب العقاب
أبو محمد

[محب العقاب]

ياابوموسى انت ماعرفت ياخووي فيه واحد من ربعنا من الكويت يقوول نزل علينا كاكا وكلاسيك طبعاً كلاسيك من شريكة كاكا وصاااار فاااااشل والاصلي انقطع يعني بتقنعني

ان اهل الكويت انت افضل منهم (بالللله عليك ) يعني مكذبني ياخووي الارسي شركة عرريقه ولايمكن انه ينغش
وبعض فشق الارسي تصنعه شركه وامريكيه والامريكي طيب با الحيل وفشق ونشستر امريكي وطيب وفي المرتبه الاولى

وتـــــقـــــــبـــــــل تـــــــحــــــيـــــتـــــي



هلا بك أخوي عاشق الفتك
فعلا الأرسي رصاص ممتاز ولكن اللي يجي السوق كله مغشوش
ومعاد تعبيته من لبنان هو والكاكا وجزال وفكتوري كلها مغشوشة
عليك بالأولومبي بأنواعه جديد ولا يمكن أن يكون مغشوش وتأكد أن الصندوق في كرتونه والعلب سليمه
والله ولي التوفيق محبك/

محب العقاب
eagle lover

[ابن عكاش]

وعليكم السلام ورحمة الله وبركاته



من خلال تجربتي للنوعين



الكاكا أفضل

نفس الكلام :good: الكاكا الأزرق

[عاشق البشري]

أقول:
أخوي صليلك صلاة إستخارة وروح اشتري اللي يعجبك
ههههههههههههههههههههه
{ من باب المزح وبس}
لأن الأخوان كل من يعجبه نوع
إنت جرب الأثنين وبعدها إنت قرر
والله يتمم اللي فيه الخير
..............
أخوك
http://www9.0zz0.com/2010/08/14/18/681671201.jpg

[Mekshaati@]

ياابوموسى انت ماعرفت ياخووي فيه واحد من ربعنا من الكويت يقوول نزل علينا كاكا وكلاسيك طبعاً كلاسيك من شريكة كاكا وصاااار فاااااشل والاصلي انقطع يعني بتقنعني
ان اهل الكويت انت افضل منهم (بالللله عليك ) يعني مكذبني ياخووي الارسي شركة عرريقه ولايمكن انه ينغش
وبعض فشق الارسي تصنعه شركه وامريكيه والامريكي طيب با الحيل وفشق ونشستر امريكي وطيب وفي المرتبه الاولى
وتـــــقـــــــبـــــــل تـــــــحــــــيـــــتـــــي

ما كذبتك الله يهدينا واياك قل آمين

كل اللي طلبته منك شرح لكلامك إن الأرسي ما يصير يجي مغشوش وانت شرحت وجهة نظرك
والسلام عليكم

[مدور الصيد؟]

الله يعينك على الاختيار والاخوان ماقصروا افادوك بما فيه الكفاية لكن الكاكا المغشوش تلقا مخلط اللي على صفرته نجوم واللي على صفرته نوبل سبورت بالتسته الواحدة والمغشوش دايم يحشر ويتسلب بالمخزن واضح بعد من طريقة كبسه وآسف على الأطالة

[بن طريس]

يا اخوي اول شي تاكد ان الكاكا مو مغشوش اذا تاكدت انه الاصلي خذلك

نص صندوق من الكاكا ونص من الارسي وانت احكم وتراك مانت

خسران كلهن يدسمن الشوارب وسلامتك

بن طريس.

[عقيد حرب]

للمعلومية الكاكا ترى جا منة نوع مغشوش

[سيف خنذف]

وشلون نعرف المغشووووش ؟؟؟؟؟

[النرجسي]

كالهن حلوات

[سطام F15]

بيض الله وجيهكم جميع يالربع فعلا ً لقيت الكاكا اللي على صفرته نجوم وهذا هو المغشوش وخذيت الآرسي الأسود وقبل ماخذه جربته وعزالله فشق .
كذلك أخذت اللي لايمكن أستغني عنه أبد آرسي 3 /0 الشفاف للكرك .
لاهنتم على التفاعل الجميل

شاكر ومقدر لكم

[سيف خنذف]

مبروك وفالك الشحم

لكن بكم خذته ؟؟