الفزعه يانشاما

[مغرم بالفتك]

السلام عليكم ورحمة الله وبركاته اخواني في باترول 2006فتك موفل كامل طايح من دينا وماشابه ومرشوش مصلح طبعا الون فضي الممشى 100000الف كم سعره الله يعطيكم العافيه ارجوا الاجابه

[كلاسيكو]

اذا تقصد الموتر الي لونه فضي وداخل لونه اسود وقيرين وموقعه بالقصيم
وكان مسيوم باقل من 60 وماشي 100 الف وعليها زود 7000 الاف تقريبن
وكلام راعية ان السمكره بالطاقيه ومرشوش بالكامل لجل مايتغير اللون
انا بالنسبه لي مااعجبني وذا هو الموتر رد علي لجل اوضح لك الاسباب لان ماودي استعجل اخاف مايطلع نفس الموتر ونظلم الموتر الي في بالك

[مغرم بالفتك]

يمكن هو ويمكن موهو

[مغرم بالفتك]

ميخالف قلهن ان كانن به وان ماكنن به

[كلاسيكو]

اكتب لي رقم لوحته

[مغرم بالفتك]

الموتر مو عندي بعدين الي يبغاه الوالد

[كلاسيكو]

ماابي اطول بالموضوع عليك
ولا ودي احرم الموتر من بيعته

لكن انا حصلت موضوع منزل بمكشات وكذلك حراج سيارات عن فتك لونه فضي موديل 2006 وطايح من تيدر او دينا والسمكره فيه بالتنده فقط الباقي رش وريحة الوكاله فيه وستخدام شايب هذا على كلام الي منزل الموضوع بدال صاحب الموتر وطلعت لصاحب الموترانا وبعض الشباب الخبيرين بالصدوم ومدى قوتها وقابلناه
اول شي طلع الموتر ابوابه الاماميه فيها المعجون تلييس يعني ماصار فيه مصداقيه انها فقط مرشوشه لجل اللون
ثاني شي الرفرف الايسر مفكوك وواضح انه مسمكر من داخل الكبوت تشوفه
ثالث شي يقول ان استخدام شايب ويوم سئلت الي معه الموتر يقول الموتر له شهر معي يعني فيه تضارب بالكلام بين الي نزل الموضوع وصاحب الموتر
رابع شي حسب كلام الي منزل الموضوع يقول للامانه علمتكم ان التنده فيها سمكره والا ماراح تلاحظها ونا قبل اقف عنده اشوف الموتر واضح انه مقلوب

لكن للامانه المحركات مافحصتهن لان الموتر من شفة تناقض الكلام بين الشخصين والشرح الي قريته مافيه مصداقيه تركته
وللامانه انا نزلت السوق وحصلت الي بنفس مواصفاته وموديله بدون سمكره يفرق عنهم مابين 8 الى 10 الاف ريال ونت صاحب القرار
وبالاخير يرجع لاستخدامكم للموتر اذا انه رخيص في بالكم او وفلوسكم محدوده هذا يرجع لكم او تريدون استخدامه للبر فقط ممكن لانك بالبر تحتاج محركات اكثر ونا عن نفسي مااستخدمه كسياره خاصه بسعره الي ذكر لي سابقن

واسف على الاطاله لكن كلمة حق قلتها عن الموتر الي شفة اتمنى من الله ان يغير صاحب الموضوع اسلوبه بالعرض عن السياره لاني ماشفة مصداقيه بالتوضيح