ما هي أطيب كفرات للجبال؟؟

[عبرود طويق]

الشهر عليكم مبارك


ودنا كل واحد يعطينا رأيه في الكفرات المناسبة للحجرة (الحرة) مع إعطاء المميزات والعيوب لها...وشكرا...و يا ليت يكون من خلال تجربة.

[لبيه يمنادي]

حياك الله ياخوي

انا من خلال تجربتي ولاني دايم اقنص اراضي كلها حجره انصحك بالكبر الامريكي .
الميزات / قويه ولايعول فيه الحجر وكذالك ماترج علي السياره .
العيوب / لم اولاحض عليها اعي عيوب .

[عاشق السيل]

شوف الكفرات النحيفة اللي تجي على الجيب الربع الجديد ويسمونها ( سلق ) هذي قوية جدا وتتحمل الوعر ،،

وتراني ماجربتها علشان أكون معك صادق لكن أعرفها بالحيل مع الشباب ...

[ذيب وراط]

وش الموتر ..! وش المقاسات اللي في بالك ..؟

[يتيمة الدهر]

أخوي ،،،
أنا كل طلعاتي للبر بمناطق وعرة وحرة وجبال بحكم الموقع بجبال الحجاز
جربت كل أنواع الكفرات الغالي والرخيص ،،،
وأنصحك بكفر أسمه بريللي عليه رسمه عقرب ركب وحط فيه عشرين وأطلع أطلق وعر ولاتخاف عيبه سعره غالي .
والكفر الثاني أسمه قدرايد وهذا رخيص وقيمة الكفر 340 ريال هذا ممتاز جدا وعر وأسفلت ومجرب .
أبعد عن الدنلوب واليوكوهاما والمشلان والبرجستون هذه الكفرات غاليه تقريبا 650 ريال وخصصت للأسفلت ولا تنفع للوعر بتاتاً لأنها يطلعلها كرش مع الجنب ولين وأي حجر وشجر أو شوك يضرب عليك . عندي ما تكمل 3 شهور وتضرب مع الجنب وحولت على القدرايد يطول سنتين ثلاث سنين حتى ترمي الكفر
خذها من واقع تجربه ،،،

[ابو نايف00]

السلام عليكم ............................وبعد

من واقع تجربة ...( احرص على تاريخ صنع الكفر بالسنة والشهر مهم جدا جدا ).... >

*برجستون مضلع 750 مقاسة بس غالي.( بس خيالي وهو راكب على السيارة )

*نان كنك تيواني (235\85 \16 ) ممتاز للحرة والاسفلت سعرة 370 مع التركيب والترصيص


* فية نوع اندونيسي حق حرة جيد بس يبلية كل شو ترصيص


* فية نوع صيني حق حرة مقبول (120 ريال ) بس ما يصلح بالاسفلت انواع الرجةو الاصوات.

* فية شباب يركبون كفرات برجستون 11 غاط حقت الدينات بس ثقيل بالحيل وغالي بالحيل

* فية نوع اندونيسي احذر منة يجي زي نقشة الدنلوب انتبة منة انواع الصراخ بالطريق.

**ونصحية مجرب خل عندك جنوط شنبر بكفراتهن جاهزات للحرة .عند اقرب بنشري للبيت.




وشكرا .ونأسف للأطالة .............

[يتيمة الدهر]

السلام عليكم ورحمة الله وبركاته
بالنسبة للأخ اللي بيسأل عن كفرات القدرايد بالمدينة المنورة تحصلها بطريق المطار أمام محطة البرج .
وبخصوص الأسفسار عن جودة الكفرات الصراحة ريحتنا من الدنلوب وغيرها من الكفرات الغالية ما تسوى ريال في الأماكن الوعرة ( الحجر ) لأنها تضرب مع الجنب وكل شهرين مغير كفر بـ 650 ريال وخساير وبعدها نصحوني بكفرات قدرايد
وكل أخويانا اصحاب الجيوب كلهم مركبين قدرايد وقناصة في أماكن وعرة جدا مايدخلها الجن الأزرق وماشيه زي الحلاوة وبالسفر على الأسفلت الطرق الطويله زي الحلاوة .
وهذا عن تجربة ،،، والله الموفق

[الثويرات]

انصحك ركب بالون 8 غاط ريتكس

[عبرود طويق]

أشكر جميع الأعضاء الكرام الذين تفاعلوا مع الموضوع .....

و أسأل الله أن يجزيهم خير الجزاء

لأن مبدأنا---قوله صلى الله عليه وسلم قال: (لا يؤمن أحدكم حتى يحب لأخيه ما يحب لنفسه) متفق عليه.

[أبو فراس511]

والله يا اخوي أنا مركب كفرات دنلوب حجريات بـ 445 ريال (تاريخ 2010) على هدد...قبل أقل من شهرين...
مشيت فيها تقريباً 12000 كم كلها مابين خطوط وحجرة ونفود وما قصّرن والله بالجنوب دخلت فيها أماكن وعرة بشكل ماهو طبيعي...والى يومك وهن اخو الجديد لا نقص الهوى ولا صار فيها أي شي..

[اسير الغضا]

اهم شي يكون حجري

[محمد المساعد]

انا من اهل الشمال وكل مقناصي بالحرة ووعر وطرد وبعد التجربه من جميع نوع الكفرات اكتشفت ان كفرات /ماكسس بالون 900 على 16 ويكون الهواء 25 لكل كفر ولازم يكون تيوبلس بذمتي انا ونا اخوك انك ترتاح وتريح موترك وتحافظ غليه وشر ترجع من المقناص بس تغسل موترك وغير هالكفرات مع الوعر لازم تزور الصناعيه

خذ نصيحة اخوك وركب / ماكسس بالون 900 قيمت الكفر الواحد 370ريال صناعه تايون

[هويدي]

جربت بالون سيام بحره الحره بحائل واول ما دخلنا الوعر حطينا الهوا 20
ولله الحمد طلعنا بدون بنشر وكرفتهن بعدها 4 سنوات تخللها خطوط للأمارات والشرقيه

وكان لي تجربه مع الدنلوب السلق اللي يجي على الربع وكاله طارت بعض قطع الدعسه وبدون بنشر ولله الحمد


اذا الموتر ما تستخدمه للخطوط والديره واجد ركب لبنه ونم :)