طرح حرار بسوريا

[حر جبله]

اخواني اعضاء مكشات اسعد الله مسائكم بكل خير
وصلني من احد الاخوه خارج المنتدى انه اتصل على احد تجار سوريا البارح وبلغه بطرح ثلاثه حرار تامه في المثلث بسوريا
واليوم بلغني بأوصافها فروخ حمر صافيه 17*17 وسيمت من 13000 الف ريال وحدها صاحبها ب15000 ولم تباع وعلى كلامهم بكره بتكون في الرحيبه وبالنسبه لماكرها يقولون منغوليه وهذا اول الخير باذن الله
جرى التنويه للاخوه الي يتابعون الوحوش ولكم جزيل الشكر

[دعاس]

مساء الخير ياشباب وتوضيح للخبر
لاهنت ياصاحب الموضوع
ويمكن رفيقك مضحوك عليه
ما في اي طير مشبوك بسوريا هذه السنه قل ليه؟
لان النصب واجد وكل الطيور اللي بالرحيبه
كلها من تركيا واللي يقول من منغوليا
حيشاك ماصدق وانا مسئول
عن كلامي هذا
لان لي اتصالاتي وخابر الطيور عند كل واحد
واي واحد يجيه خبر عن اي طير مشبوك بسوريا او الاردن
يتصل بي بعد اذن الاداره وان شاء الله
مانبخل عليه بالحقيقه
محمدالرويلي
0503380971
ابو نواف

[قناص الهمله]

ماشاء الله

[مرمر وماني]

انا سمعت نفس الكلام ولي صديق يقول ابي اروح اشوف الطيور
يقول الطيور وافيه
الخبر شبه اكيد

[دعاس]

انا سمعت نفس الكلام ولي صديق يقول ابي اروح اشوف الطيور
يقول الطيور وافيه
الخبر شبه اكيد

اذا انك صادق انت وخويك عطني رقمه انا اتصل به ويارجال انتبهوا من بعض الناس هذي لها قصد والله اعلم بهم بس راح اكشفهم.
وانا واثق من كلامي واذا انت واثق من كلامك اثبت لي ومن هن عنده الطيور بالرحيبه وياناس انتبهوا من اهل الدجل والكذب
حرام عليكم الناس بشهر كريم

[راعي غضبان]

مرحبا اخوي ومشكور اخوي ابونواف لاتخلينا من العلوم الطيبه والله يبيض وجهك ويعطيك االعافيه

[مرمر وماني]

الله يهديك يا اخ دعاس
كيف نبي نضحك على الناس وش مصلحتنا حنا وبعدين انتي شايفنا نعرض سلعة هنا
انت قبل فتره عارض شهيانه تقول طرح السعوديه قبل حوالي شهرين
والحين تقول مستحيل تطرح طيور
بصراحه انت تناقض نفسك
ومدام انك تعرف اهل الرحيبه خلاص تاكد منهم وما علاك من الكلام اللي فالمنتدى بس لو سمحت حاسب على كلامك ولا تتهم الناس وتكذب الرجال

[دعاس]

الله يهديك يا اخ دعاس
كيف نبي نضحك على الناس وش مصلحتنا حنا وبعدين انتي شايفنا نعرض سلعة هنا
انت قبل فتره عارض شهيانه تقول طرح السعوديه قبل حوالي شهرين
والحين تقول مستحيل تطرح طيور
بصراحه انت تناقض نفسك
ومدام انك تعرف اهل الرحيبه خلاص تاكد منهم وما علاك من الكلام اللي فالمنتدى بس لو سمحت حاسب على كلامك ولا تتهم الناس وتكذب الرجال

صحيح تم طرح جبليه تركيه او عراقيه وشريتها وبعتها وهذا وقتهن’’وانا ما قلت مايطرح طيور وافيه بسوريا’’انا قلت مافي اي طير مطروح بسوريا من مدة اسبوع وحتى تاريخه والدليل على ذلـــــــــــــك:
اطلب من الاخ ابو رداد ملاحظة ماتم ذكره اعلاه والاتصال باي من الارقام التاليه بالرحيبه 0069393321281/ابو محمد او الاتصال بالاخ/أكرم00693933435896
وابلغكم بانه تم الاتصال من قبلي بتجار الرحيبه وذكروا بانه لاصحه لذلك ’’واذا صحيح تم شبك 3طيور بسوريا
للاداره الحق في طردي من المنتدى
وبعد التأكد من ذلك اغلاق الموضوع’’وتوجيه انذار للعضو(مرمر وماني)لانه مستعير قرب العضو(مرمر زماني).

[مرمر وماني]

صحيح تم طرح جبليه تركيه او عراقيه وشريتها وبعتها وهذا وقتهن’’وانا ما قلت مايطرح طيور وافيه بسوريا’’انا قلت مافي اي طير مطروح بسوريا من مدة اسبوع وحتى تاريخه والدليل على ذلـــــــــــــك:

اطلب من الاخ ابو رداد ملاحظة ماتم ذكره اعلاه والاتصال باي من الارقام التاليه بالرحيبه 0069393321281/ابو محمد او الاتصال بالاخ/أكرم00693933435896
وابلغكم بانه تم الاتصال من قبلي بتجار الرحيبه وذكروا بانه لاصحه لذلك ’’واذا صحيح تم شبك 3طيور بسوريا
للاداره الحق في طردي من المنتدى

وبعد التأكد من ذلك اغلاق الموضوع’’وتوجيه انذار للعضو(مرمر وماني)لانه مستعير قرب العضو(مرمر زماني).

ياخي انت وش فيك الله يهديك قمت تخلط الامور
الرجال يقول طرحت بالمثلث وما وصلت الرحيبه للحين .
والارقام اللي انت حاطها ما طلبنها يا الطيب حنا نقول سمعنا وبكرا والا بعده يطلع الخبر الاكيد والرحيبه فيها 100 تاجر وغير الرحيبه وترى الطيور الطيبه معروفين اهلها يا الطيب
انت قمت الله يهديك تخلط الامور واحذفو العضو ووجهو انذار له ههههههه وش حنا مسوين يالاخو
يعني نسكت والا ايش ؟
الرجال قال سمعت وانا بعد سمعت والا لازم نشاورك بالمشاركات قبل لا نكتبها
اذا انا علي حق باي كلمة عزالله اني لا اطلع من المنتدى الحين
انا اطلب من المشرفين تددقيق المشاركات
بعدين ياخي فيه مشرفين وهم ابخص
رمضان كريم يا الطيب وخلاص ما نجيب طاري الرحيبه الا نستأذن منك شكلك تاجر
ما تحب اللي يذكرون الطيور لاخوانهم المكشاتيه
وانا معك ان بسوريا نصابين ما يخافون الله بس ترى بعد عندنا هنا ناس لا تحرم ولا تحلل .
نسالله الصلاح لنا ولكم

[رصاص الناصر]

الى الاخوة الطيبين في هذا المنتدى الطيب ممكن جت الطيور سوريا وممكن ماجت والله العليم بس خليكم طيبين مع بعضكم في هذا الشهر الطيب

[رصاص الناصر]

وعلى العموم القوانيص في سورية يطلعون بد رمضان وحياكم الله جميعا لمشاركتنا هذا الموسم في البادية السورية علينا النقل والحمام والجرابيع وعليكم الستر من الله وحياكم

[شقردي الجبيل]

الله يهديكم جميع حنا في رمضان جزاكم الله خير تعوذو من شيطان وذكر الله/ لاله الا الله محمد رسول الله

[القرناس المهاجر]

احبتي يجب الإكتفاء بهذا الحد
لسنا ملزمين بأحد
النصيحه لابأس بها لمن اراد الشراء
اما ان يصل الأمر لفرض رأي على حساب الآخر .. فلاء
واسف لغلق الموضوع :)

[شقردي الجبيل]

وعلى العموم القوانيص في سورية يطلعون بد رمضان وحياكم الله جميعا لمشاركتنا هذا الموسم في البادية السورية علينا النقل والحمام والجرابيع وعليكم الستر من الله وحياكم

بيض الله وجهك اخي وطيبين واجد في سورية وانت واحد منهم كفو والله :good2: