المساعد الشخصي الرقمي

مشاهدة النسخة كاملة : خاص في الأخوان أهل القصيم


ذوالفقار
14/08/2010, 05:47 AM
السلام عليكم ورحمة الله وبركاته

اخواني ياليت اللي يعرف محل يبيع ويركب شاشات ملاحه في القصيم يحتسب بنا الاجر ويحط لنا احداثيته لأني ماني من أهل القصيم ودي اركب شاشة ملاحه وللأسف الشديد إننا بحائل ماعندنا احد يبرمج الشاشات أو يعرف له اللي يبيعون شاشات الملاحة مايتعدون أصابع اليد الوحدة ومع ذلك مايعرفون عن شاشات الملاحه أي شي إلا التركيب انا معي شاشه فيها مكان كرت ذاكرة وفيها إذا شغلته أيقونة gpcلكن مالقية من يسنعه لي أو حتى يعلمن باسمه على شان استفسر عنه في النت وأنا بعد عليمي بهاالأمور

فقلت ياولد الشكوى لله خلن أسال الاخوه في مكشات العز عن اللي يركب الشاشات

بالقصيم أبي اهجم عليه واللي عند الله عنده وياليت اللي مجرب شاشه ويمدحه يحط اسمه وصورته إذا أمكن لكي تعم الفائدة

ويبشر بالدعااااااء في هذا الشهر الفضيل
عطيب المضارب
14/08/2010, 07:43 AM
ياهلا وغلا باهل حائل

اخوي الكريم انا أعرف محل واحد متخصص بالشاشات اللي يركبونهم محل المسجل وفيها مواصفات كثيرة ومنها القارمن والشاشات صينية ومتنوعة حسب نوع السيارة
هذا المحل اسمه ( مكس ) وهو في صناعية السليم ببريدة وأنا أبوصف لك المحل من تطلع من حائل لين توقف عند باب المحل
الله يسلمك لاطلعت من حائل مع السريع ودخلت بريدة بيجيك كم اشارة تعديهم بعدين بيقابلك دوار الكلية التقنية الزراعية
تأخذ الطريق الايمن ( تخلي الدوار بيسارك والكلية بيمينك ) بتجيك اشارة بتشوف قدامك على اليمين صناعية السليم ( مجموعة محلات ) بتطلع من الاشارة بتشوف المحلات على يمينك بتشوف على اليمين قدام المحلات
( جهاز صراف ) المحل المطلوب مقابل للصراف واسمه مكس والله يوفقك
مصفق القمري
14/08/2010, 07:52 AM
افادك اخوي الله يجزاه خير
العطار1
15/08/2010, 03:48 AM
يا هلا بأهل حائل
اخوي انا مركب شاشه نوع كيننود فيها مواصفات رهيبه لكن فيه مشكله بالقارمن يشتغل وكل شي تمام لكن بخريطه الصحراء ما يطلع لي اسماء المناطق واذا لمست الشاشه تطلع الكتابات على الخريطه هذي المشكله لكن غير القارمن مواصفات حلوووووه
لكن انا مركبها بالرياض اذا تبي المكان اللي ركبتها عنده ابشر بعزك .
الشاشه تعمل باللمس وفيها بلوتوث و DVD وفيها مدخل اي فون واي بود وتفزيون وكاميرا خلفيه ومقاس الشاشه 7 انش طبعا تسوي اقتران لجوالك وتتصل من نفس الشاشه وتكتب رسائل بالشاشه وتستقبل مكالمات عن طريق الشاشه وتعرض لك المكالمات الصادره والوارده وتستعرض الارقام اللي بجوالك وفيها مدخل يو اس بي .
بصراحه مواصفاتها رهيبه وتغنيك عن اشياء كثيره بس واجهتني المشكله اللي بالقارمن.
هذا رابط الموضوع وفيه صور للشاشه
http://mekshat.com/vb/showthread.php?t=320878
ذوالفقار
15/08/2010, 02:35 PM
اخــــواني
عطيب المضارب
مصفق القمري
العطار1
عافاكم الله ماقصرتو الله يبيض وجيهكم ويجزاكم خير الجزاء
انا المقصد عندي من تركيب الشاشة القارمن فياليت اللي معه
شاشة ضابط عليه القارمن يعطينا مواصفاته وياليت ينزل صورته وكم سعره
و وصف المحل اذا هو بالقصيم
ودمتم بود
السرمادي
13/04/2011, 02:42 AM
ياهلا باخوي وياهلا باهل حايل كلهم
بالنسبة للشاشات الموجودة بالسوق جميعها تقريبا متشابهه
لكن الgps فقط مدن ويوجد شاشة يركب عليها القارمن مدن:l
وصحراء لكن مكلفة جدا
لكن هناك شاشة جديدة نزلت بالرياض تعمل على جميع انواع الخرائط
ولها وكيل وسعرها معقول حوالي 2900 ريال
عندواحد اسمه بدر المانع محله وانت راجع من مخرج 15 الى 14
اول سيدين خذ يمين واستمر حتى ياتيك محل اسمه خرائط
وهناك موضوع نازل في منتديات تويوتا العربيه قسم لاندكروزر
اخوك راع الخبراء:f
عبدالله الجوعي
13/04/2011, 03:26 PM
اخوي السرمادي الموضوع قديم وشلون جبته ؟
144771
21/04/2011, 02:30 PM
ياراعي حائل اتصل على جوال 0553850065 ويفيدك
snnar
21/04/2011, 03:44 PM
موسسة سنًَار لتقنية المعلومات تشغيل جميع برامج الملاحة وتحديث الخرائط
القصيم بريده صناعية السليم من الغرب شارع ال 30 المودي الى قصر الثريا
063239060
0594140909
ابو صالح