لغزي على معنى مثال بنيته ( جديد)........... اللغز تم حله من قبل القناص ( برق القصيم )

[ابو ماجد 2]

بسم الله الرحمن الرحيم

السلام عليكم ورحمة الله وبركاته



لغزي على معنى مثال بنيته00=00منطق مثل مابيننا جا انتشاره
ويش الذي لو كان مرٍ خذيته00=00حدتك بنتٍ فاقته بالمراره
سميه اللي دون الٍ لقيته00=00سمي به البدوان واهل الحضاره
لو راح وسطه في فمك لابغيته00=00 ون راح راسه واردٍ بالطهاره



وارد بالطهاره 0 حسب نطق بعض العوام

تحيتي وتقديري 0 ابو ماجد

مكشات 3-9-1431هـ

[أبو رافع الظاعن]

صح لسانك يا أبا ماجد ...
زعيمنا ...من أين أتيت بهذا اللغز ؟؟
كلما جئناه من عينٍ أغمضها دوننا :mad:
لكنني هنا إن فاتني اللحم لم يفتني المرق :D
فأسجل إعجابي ...
وتقبل تحيتي ...

[arrow]

صح لسانك ابو ماجد ,,,

وش رايك بالمثل :

وش حادك على المر قال اللي امر منه

[ابو ماجد 2]

صح لسانك يا أبا ماجد ...

زعيمنا ...من أين أتيت بهذا اللغز ؟؟
كلما جئناه من عينٍ أغمضها دوننا :mad:
لكنني هنا إن فاتني اللحم لم يفتني المرق :d
فأسجل إعجابي ...

وتقبل تحيتي ...


صح بدنك ياعميدنا
واللغز اتى نتاج لبراعتكم انت وبعض الاخوان بذبح الالغاز
اللغز حاولت اراوغ فيه عن سهامكم الفتاكه وان شاء الله وفقت ليعيش اللغز ولو يوم بسلام
انتظر مرماعك يالغالي

[ابو ماجد 2]

صح لسانك ابو ماجد ,,,

وش رايك بالمثل :

وش حادك على المر قال اللي امر منه

صح بدنك يابو عمر
والمثل وش حادك على المر قال اللي امر منه توقعته ان يرمع لذلك زدت البيتين الاخيرين
انتظر مرماعك القادم

[راع الحزم]

صح لسانك يالغالي
لغز طيب يابو ماجد بنكهة الفلفل
عسى الله يجيبه

[يوسف الخليفة1]

بارك الله فيك يا أبا ماجد

وما تقول في علقمة

والشكر الجزيل

[ابو ماجد 2]

صح لسانك يالغالي

لغز طيب يابو ماجد بنكهة الفلفل

عسى الله يجيبه


صح بدنك يالغالي
وهذا بعضا مما عندكم
انتظر مرماعك يالغالي

[ابو ماجد 2]

بارك الله فيك يا أبا ماجد



وما تقول في علقمة



والشكر الجزيل


هلا بك يابو عبدالله وشرفني مرورك
والمرماع مالك لوى والمطلوب مثل
واللي خذيته بالمثل سميه من دون ال تسمى به الحضر والبدو

[راع الحزم]

والله يارمعتك يايوسف طيبه جدا

[ابو ماجد 2]

والله يارمعتك يايوسف طيبه جدا

مالك ولا له لوى يالغالي
والمطلوب مثل
وعلقمه لو راح راسه لقمه نعم بالفم ولكن اللغز يقول لوراح وسطه في فمك لابغيته
انتظر مراميعكم القادمه

[حكم ساحة]

سوف نحاول وبالله التوفيق

لا تحسب المجد تمراً أنت آكله = لن تبلغ المجد حتى تلعق الصبرا
أمرُ من حنظل أو أمرُ من علقم

[ابو ماجد 2]

سوف نحاول وبالله التوفيق



لا تحسب المجد تمراً أنت آكله = لن تبلغ المجد حتى تلعق الصبرا
أمرُ من حنظل أو أمرُ من علقم


هلا بك يالغالي
سرني مرورك
والرميه ماصابت
ننتظر القادم والمثل شعبي دارج على السنة الناس

[راعي العجراء]

السلام عليكم
مايكون المثل وش حدك يامسمار على الضيق قال المطرقه
فيه مثل شعبي ثاني
العمس ولا العمى
ذاق الموت تمنى الحمى
فيه مثل شعبي قديم فيه حلتيته
مثل اللي يقول طلع من المر وطاح بالحلتيته
او
هج من القوم وطاح بالسريه

[أبوعبدالرحمن99]

ما رأيك في السواك ؟؟؟

[ابو ماجد 2]

السلام عليكم

مايكون المثل وش حدك يامسمار على الضيق قال المطرقه
فيه مثل شعبي ثاني
العمس ولا العمى
ذاق الموت تمنى الحمى
فيه مثل شعبي قديم فيه حلتيته
مثل اللي يقول طلع من المر وطاح بالحلتيته
او

هج من القوم وطاح بالسريه


عليكم السلام ورحمة الله وبركاته
مااوردته من امثله يدور حول المعنى ولكن لاتنس البيتين الاخيرين هما من يحددان المطلوب
انتظر مرماعك القادم

[ابو ماجد 2]

ما رأيك في السواك ؟؟؟


مالك لوى يالغالي

[ابومتعب 2009]

صح لسانك يا ابو ماجد


مهوب الدواء ، وسميه اللي في المثل (المره) ، وما حدنا عليه الا السخونة الله يبعدها عنا جميع.
وان راح وسطه ( حرف الواو) اصبح داء.

[ابو ماجد 2]

صح لسانك يا ابو ماجد


مهوب الدواء ، وسميه اللي في المثل (المره) ، وما حدنا عليه الا السخونة الله يبعدها عنا جميع.
وان راح وسطه ( حرف الواو) اصبح داء.

صح بدنك يالغالي
والرمعه مالك لوى والمطلوب مثل شعبي

[برق القصيم]

صح لسانك زعيمنا
ومبارك الشهر عليك وعلى الاعضاء جميعا لو هي متأخره
والله يجعلنا وياكم من عتقاءه من النار


يمكنك يابوماجد تبي :
العوض ولا القطيعه
بدون ال اسم عوض
وعض بالفم ووض للطهاره

[أبو رافع الظاعن]

صح لسانك زعيمنا

ومبارك الشهر عليك وعلى الاعضاء جميعا لو هي متأخره
والله يجعلنا وياكم من عتقاءه من النار


يمكنك يابوماجد تبي :
العوض ولا القطيعه
بدون ال اسم عوض

وعض بالفم ووض للطهاره


أنجاك الله من النار يا أبا عبدالرحمن ...
فقد نفَّستَ لنا ...
حلو...حلو....حلو,.....حلو......

[ابو ماجد 2]

صح لسانك زعيمنا

ومبارك الشهر عليك وعلى الاعضاء جميعا لو هي متأخره
والله يجعلنا وياكم من عتقاءه من النار


يمكنك يابوماجد تبي :
العوض ولا القطيعه
بدون ال اسم عوض

وعض بالفم ووض للطهاره


ابو عبدالرحمن
مبارك عليك الشهر تقبل الله منا ومنك صيامنا وقيامنا
ياخوي انا اتخيلك جالس تتربص وما تهد الا على اللي ترى انه عسر
صح لسانك ملايين وبيض الله وجهك
نعم
العوض ولا القطيعه
ولا يحدك على اختيار العوض الا خوفك من القطيعه
والعوض بدون ال تصبح عوض وتسمى به الباديه والحضر
لو شيل وسطه عض والعض بالفم
لو شيل راسه وض بمعنى أمر بالوضوء عند بعض اللهجات
لله درك يابو عبدالرحمن

[ابو ماجد 2]

أنجاك الله من النار يا أبا عبدالرحمن ...

فقد نفَّستَ لنا ...
حلو...حلو....حلو,.....حلو......


وانت وابو عبدالرحمن حلوين
ابو عبدالرحمن برمعته وانت بموافقته على المرماع
بيض الله وجيهكم جميعا

[أبو رافع الظاعن]

وانت وابو عبدالرحمن حلوين

ابو عبدالرحمن برمعته وانت بموافقته على المرماع
بيض الله وجيهكم جميعا


وأنت وأبو عبدالرحمن حلوان ...

[ابو ماجد 2]

وأنت وأبو عبدالرحمن حلوان ...


ماعليش يالغالي هذي اتيت بها بصيغة الجمع حسب التعبير الدارج ولم اقصد فيها المثنى وهي على وزن اثنينكم حلوين

[أبو رافع الظاعن]

ماعليش يالغالي هذي اتيت بها بصيغة الجمع حسب التعبير الدارج ولم اقصد فيها المثنى وهي على وزن اثنينكم حلوين



أنا عارف يا أبا ماجد لكني قصدت أن أحارشك !!

[ابو ماجد 2]

أنا عارف يا أبا ماجد لكني قصدت أن أحارشك !!


هههههههههههههههههههههه
وما ادراك اني ولهٍ على مقاشرك ولكن بهالشهر الفضيل نبي نخليها هدنه

[أبو رافع الظاعن]

هههههههههههههههههههههه


وما ادراك اني ولهٍ على مقاشرك ولكن بهالشهر الفضيل نبي نخليها هدنه


يا خوي وين الشايب فاقدينه ...

[ابو ماجد 2]

يا خوي وين الشايب فاقدينه ...


ماعنده خلاف ويسلم عليكم ولكن مشغول شوي

[هيل]

السلام عليكم ورحمة الله وبركاته
الله ابيض وجهك على هالغز يابو ماجد لاكن هذا يابيله
آله حاسبه وواحد يفكرعن اذا كانت الكتابه تعوقن
وشلون اجيب هالغز الي فيه شيل وحط انا لاشلة انسى وش المطلوب همن ابدامن جديد
والله ابيض وجهك يابوعبدالرحمن مشاءالله عليك على صفواة المخ ومبارك عليك الشهروالحمدلله على السلامه
مع فائق التقدير والاعجاب بالغز ومن حل الغز
تحياتي

[ابو ماجد 2]

السلام عليكم ورحمة الله وبركاته

الله ابيض وجهك على هالغز يابو ماجد لاكن هذا يابيله
آله حاسبه وواحد يفكرعن اذا كانت الكتابه تعوقن
وشلون اجيب هالغز الي فيه شيل وحط انا لاشلة انسى وش المطلوب همن ابدامن جديد
والله ابيض وجهك يابوعبدالرحمن مشاءالله عليك على صفواة المخ ومبارك عليك الشهروالحمدلله على السلامه
مع فائق التقدير والاعجاب بالغز ومن حل الغز

تحياتي


صح بدنك يابو عبدالله
والف شكر لكلماتك الطيبه
واما الكتابه الله ياجرك شوف عيني تقعد لك شوي تدور الحرف وانا من اسوأ الناس بالكتابه لكن اذا شفتك احس اني هواء طيار

[راع الحزم]

صح لسانك يابرق القصيم
عز الله عوايدك الذبح على الطريقة المكشاتية
وصح لسانك ابو ماجد

[ابو ماجد 2]

صح لسانك يابرق القصيم
عز الله عوايدك الذبح على الطريقة المكشاتية
وصح لسانك ابو ماجد


صح بدنك يالغالي
وابو عبدالرحمن مايحتاج بس لو يعطي من روحه شوي ويشرفنا بتواجده