حراره الباترول السفارى ترتفع

[خنياب]

السلام عليكم ياخوان

لدى باترول سفارى 2005 تماتيك قدر الله وفكيت المكينه بسب تخبط الموتر غيرت سبايك بس وطربه الزيت

بعد تزين الموتر من التخبط

صرت امشى عليه وبعدين ارتفعت الحراره وانشق الاديتر من شده الحراره رحت للمكانيكى اللى فكه اول وقال تماتيك المروحه وغيرت تماتيك المروحه مرتين وغيرت الاديدتر وكنداسه صفيره اللى مع الشكمان وهى بالوسط

لا كن مافيه فايده اذا وقفت ذادت اللى النص واذا مشيت نزلت شوى اللى يعنى تعداا الخطين
وبعدين اذا وقفت قعد الاديتر يهرب

رجعت للمكنيكى الى فك المكينه اول مره قلت انا خسرت ع الموتر بعد التوضيب وكان اول طبيعيى مافيه شى من ناحيه الحراره وقال ابى افكه وازن البلوف واصنفرهن

والله احترت

وانا شاك بوجه الراس يمكن ضعيف

تكفون يالربع الحل

[الوسيطاء]

اخوي اذا موترك مكينته 4800ومن المتوقع انه 4800لانه قير تماتيك

اخوي المكانيكي قاعد يخمن عليك ومسئله البلوف مالها وزن الا بلمخرطه

يعني يوم فكيت الراس توديه للمخرطه مع البلوف وتسنتر مظبوط مو مثل اول

يقدر يوزنها المكانيكي والله يكون بعونك بس حبيت اوضح فكره وزن البلوف

[صاحب نوماس]

انا اخبر واحد من الربع كان موترة زي سالفة موترك اذا وقف ارتفعت الى النص

ثم راح لمكانيكي قال المشكلة من المروحة وغير المروحة ونزلت الحرارة

[برايدوي عنيد]

هلابك اخووي ..

بما انه ارتفعت حراره الموتر وغيرت تماتيك المروجه ولا نفع احتمال كبير ان الراس يبي مسح لان يوم ترتفع الحراره اثرت عليه .

الشي الثاني تاكد من طرمبه الماء.

تقبل مروري ....

[قيوط الصحراء]

اكره النيسان عن تجربه بسبب(انه ثقيل وفي النفود حمار اجرب_يلهط بنزيل لهط يجيب حقه من البنزيل_فيه مواسير الصخان لارتفعت الحراره تنفقع وتطلع من مكانها وتعدم الدنيا او الليات البلاستيكيه_مايمشي يعني عزمه حمار برضو بالطريق السهل_قطع غياره نار نار نار_وتتوقع اي شي يخرب فيه)

فيه ميزه وحيده بس انه بالبر ريح_______ملاحظه انا اتكلم عن ربع 2002

[قنااااص]

الله يعينك.....

[s.s.s]

اخوي ممكن من غطاء الراديتر
او الخراطيش
ممكن تختبر ( الخراطيش ) والسياره واقفه ادعس بنزين الى سرعات عاليه وناظر على الخراطيش لاحظ اذا كانت تنصفط مع زيادة سرعة المحرك . يعنى خربانه

[ALBDRANE]

شيك على دبة البيئه الصغيرة الي تحت السواق الى صارت متسكره تسوى بلاوي أحرص على شوري