ســــاهـــــر وماادراك ما ســــاهـــر [الأرشيف]

مشاهدة النسخة كاملة : ســــاهـــــر وماادراك ما ســــاهـــر

التعـ King ـديل

14/08/2010, 11:34 PM

السلام عليكم ورحمه الله وبركاته

بالبدايه كلنا مع نظام ساهر انه نظام يحد من الحوادث .. لكن هل تطبيق نظام ساهر كان بالشكل الصحيح ؟؟ اكيد كلنا نقول لا

بعطيكم بعض الامثله

1/ طريق المدينه بالبديعه لوحه ساهر 70 وبعد مسافه تلاقيها 50 وخلف اللوحه مباشره سياره ساهر .. ممكن احد يفسر لي هالحركه ؟

2/ طريق الملك عبدالله السرعه 70 اذا مشيت 71 المخالفه عليك واذا مشيت 50 برضو عليك مخالفه مع العلم انها تخالف على سرعه 60 احيانا

3/ طريق الخرج السرعه بالطرق السريعه معروفه عالميا 120 ومن ضمن الطرق السريعه عندنا طريق الخرج الناس تمشي 120 وفجأه تجيهم
لوحه ان السرعه 90 وخلف اللوحه ساهر .. طيب وش الحكمه من هالتصرفات اللي يقولي علشان الحوادث اقوله لا .. اداره المرور ماجابو خبر

4/ اذا استمر الوضع على ماهو عليه نطالب بضم المرور لسوق الاسهم وطرح نسبه من الاسهم للاكتتاب العام http://www.mekshat.com/vb/images/icons/icon10.gif تخيلو اعلانات اكتتاب المرور امزح

5/ نطالب بتعديل وضع ساهر في بعض الامور مثل تحديد السرعات والمخالفات اللي تصدر بدون وجه حق بالاضافه الى مخالفات مخفيه

سديراوي 13

14/08/2010, 11:41 PM

والله مشكله يعني غضب تاخذ مخالفه

اجل تطالب بتعديل ايه هين بس

hail_ksa

14/08/2010, 11:45 PM

كلامك يسمعه أحد أو مجرد فضفضه .

وش سوينا علشان نغير الوضع ..؟؟

التعـ King ـديل

15/08/2010, 12:07 AM

والله مشكله يعني غضب تاخذ مخالفه

اجل تطالب بتعديل ايه هين بس

الواحد يفضفض

لي 15 سنه اسوق مااخذت الا اربع مخالفات بحياتي وبعد ساهر لحد الان مسدد 2000

ولو تعترض قالو سدد وبعدين اعترض

التعـ King ـديل

15/08/2010, 12:09 AM

كلامك يسمعه أحد أو مجرد فضفضه .

وش سوينا علشان نغير الوضع ..؟؟

الواحد يفضفض لعل وعسى

ابو العز بلس

15/08/2010, 03:00 AM

ابن عكاش

15/08/2010, 03:02 AM

بيض الله وجهك وكلامك في محله لكن وانا خوك في ذا الديره الحكمه تقول من وجد حيله فاليحتال
والله يعينا في الرياض على الغثى زحمه وكتمه ومخالفات وفواتير تقص الظهر

التعـ King ـديل

15/08/2010, 04:18 AM

وعليكم السلام ورحمة الله وبركاته

والله انك صادق ياكنق عليهم حركات

بس ابسالك شيء مانيب متاكد منه وياليت اذا تقدر تتاكد تسوي خير

الحين السرعة في الشارع 70 واذامشيت 50 او اقل تاخذ مخالفة صح بتقول صح

طيب صار زحمة بسبب حادث او تعطلت سيارة العالم بتمشي 20 يعني كلها تاخذ مخالفة؟؟؟

يبونك بالحوادث تتوطا اللي قدامك ولا توقف علشان ماتاخذ المخالفه

اذا كانت السرعه 70 القصوى الدنيا 50 بكل الحالتين ماخذ مخالفه لو تفرمل قدام ساهر ولا تهدي بتوخر عن شي لقطك وحلني عاد متى يعبرونك

يقولك سدد ثم اعترض مثل الاتصالات اول لين جات موبايلي وبطلو هالحركه مع المرور وش بيصير بيجي مرور منافس يعني ؟

التعـ King ـديل

15/08/2010, 04:18 AM

بيض الله وجهك وكلامك في محله لكن وانا خوك في ذا الديره الحكمه تقول من وجد حيله فاليحتال
والله يعينا في الرياض على الغثى زحمه وكتمه ومخالفات وفواتير تقص الظهر

الله يعين

الحين الراتب 5000 مثلا

2000 بنك و2000 ساهر و1000 لك ولعيالك

عميد سامودة

15/08/2010, 05:30 AM

يعني ,, اذا تعديت 70 مخالفه واذا هديت مخالفه واذا بنشرت السياره مخالفه واذا لفيت لفه بدون ما تصبر 5 ثواني مخالفه !!!!!!!!!! ما العمل مع نظام الفشل ,,لا والله اللي نبى نروح نهب ولا يجي اخر الشهر الا دراهمك في خزينة سارق ,, نشتكي مين ونرفع لمين ,, وكل جرائم سارق وماديته البحته يتسترون خلف قناع حماية المواطن ,, لكن شكوانا لله سبحانه ,, عسى الله يفرجها من عنده ..

جروان

15/08/2010, 05:42 AM

الله يعين بس هيك الدنياء

ماجد الهلالي

15/08/2010, 05:04 PM

الله يعين

الحين الراتب 5000 مثلا

2000 بنك و2000 ساهر و1000 لك ولعيالك

:d:d:d:d والله انك جبتها

الحمد لله ما عندي ولا مخالفه ولي 20سنه اسوق ما اخذت الا 2 وكلها تضليل

ابو الترك

15/08/2010, 05:43 PM

نصب في نصب ياصاحبي والله يفرجها من عنده

راعي الاكورد

15/08/2010, 06:16 PM

هذا كله يهون وانا خوك

البلا ان ساهر في شارع الابراج عند مصلى العيد ومن الجهة الثانية عند الدفاع المندي:)

وكلها في نزلة يعني الواحد بيروح به الموتر بدون ما يحس وساهر شغال

يعني لوتمشي 70 وتفك الدعسة بيمشي اكثر الموتر

سوبر مكشات

15/08/2010, 06:22 PM

والله غريبه

كنج التعديل ولا لقيت حل لساهر

اسمع ياالكنج ولايهونون الاخوان

ساهر الكباين الثابته الى الحين ما اشتغلت
وان اشتغلت يبخون عليها بخاخ اسود وتضيع
اعلومه

اما اللي يشتغل من ساهر الباصات وما ادراك ماالباصات

الباصات ياطويل العمر والسلامه تصير يمين الخط دائما
فتح عينيك وركز ومنتب شايفن شر ان شاء الله

او اذا تعديلك صاحي
هدرز وماصوره وغاز ومنظم وفلتر رياضي
وتخلك كيروسين مع البنزين ....... الخ وانت ابخص بالتعديل

فك اللوحه اللي قدام وارتح
وطلع عليها بلاغ

ولاتروح للطرق اللي فيها تفاتيش واسرع زي ما بدك خيو

((((تراي انا مانب راعي سرعه جوا الديره هدا هدا
وبرى الديره على حسب ان زانت السواليف امشي
70
واذا السواليف نيمه نزود 100=170))))

بقى شيء صغير جدا
كونك تبي تعدل بالمرور
فيه اشياء ماتعدلت من خمسين سنه(((50سنه)))

جدي الله يرحمه كان من زمان موظف ويذكر اشياء
الى الان ماتغيرت ولن تتغير

فـــــــــــ إحلق عيني ان تعدل شيء

لان تعديل الانظمه اول شيء يرفع في لجنه في المرور
لاعاده النظر في النظام
وكالعاده عريبيا
تصير اللجنه ماحولك احد ومن ربع المدير
همن يشوفون انظمه العالم ويجمعون منهن

وفجأه

تتغير اللجنه بعد مرور سنه ونص بدعوى التجديد
((ترى توك بأول الدرب))

همن تجي اللجنه الجديده وتنسف اعمال اللجنه القديمه
همن...........نفس السالفه اللي تو

ثم ترفع المعاملات لمجلس الشورى بعد مرور 2سنه
مجلس الشورى في سنه
ثم تروح للجنه في الداخليه مختصه بتطوير الانظمه بالسعوديه
ثم يعاد للشورى
ثم يعاد للمرور
ثم يرجع للشورى ثم يرفع لمجلس الوزراء لاقراره

(((وصلنا نص الطريق)))

ثم يحال من مجلس الوزراء الى لجنه الخبراء
ويدرس
ويحال بعدها للجنه خاصه في المرور غير اللجنه السابقه
ومكاتب استشاريه خاصه<<<<ركز على ذي

ثم يرجع للجنه الخبراء ثم الى مجلس الوزراء ثم
للشورى
ثم للمرور
لان النظام صار قديم ولايواكب العصر
((اول ما بدو بالنظام كان جديد ويوم رجع صارقديم))

عاد يالكنج اترك لك تقدير السنوات
اللي يروح ويجي بها النظام
ويموت ناس ويحيى ناس

اذا كنت تبي تطالب بشيء طالب بخصخصة الأنظمه

يعني يواجرون شركه استشاريه تخصصيه
بالانظمه
ويقولون لهم نبي نظام مروري -طبي -اي شي
(ونظام للتعديل بعد)
يجيك النظام بجوده عاليه وفي مده وجيزه

ويقول المثل الوظيفي اذا كثرت الاراء ضاعت المعامله

اتمنى من الله عز وجل ان تصلح اوضاعنا وانظمتنا
وحال امتنا وبلاد المسلمين ... امين ...امين

آخر نصيحه طول بالك ووسع صدرك واكثرمن الصدقات
والنوافل عموما تنعم في حياتك

موفقين

التعـ King ـديل

15/08/2010, 08:00 PM

اعطيكم خبر جديد من اخبار ساهر الماهر ؟؟

الان سيارات ساهر توقف 3 او 4 بنفس الشارع على مسافه متقاربه طبعا 2 منها مافيها كاميرا بس تخويف

و2 تلقطك بنفس السرعه بس بمخالفتين وش رايكم؟

مستشارك1

15/08/2010, 11:05 PM

حسبي الله ونعم الوكيل

اللهم اجعلها نقمه عليهم وهم

ماشي في شارع حمزة قبل تقاطع الفريان 70 و على طول فلاش فقع وجهي الله يفقع وجهيم

وشارع الظهران جيب ميتسوبيشي فل كامل فوق الرصيف شفتها وانا ماشي على خط الخدمه خلصت شغلي

ورجعت له قلت بصورة وماشي والله العظيم 60 وعلى طول فلاش فقع وجهي علامة تعجب جت في جبهتي.....!

سفاري959

16/08/2010, 05:24 AM

حسبي الله ونعم الوكيل عليهم ادعوا عليهم في هالشهر المبارك لعل الله يقبل دعواتنا