المساعد الشخصي الرقمي

مشاهدة النسخة كاملة : شيء مقروشني من زمااان! تكفووون


عمر - الأفلاج
15/08/2010, 12:03 PM
السلام عليكم ورحمة الله

مساكم الله بالخير.

معي كامري الفين وثلاثه..

وأنا شخص مهمل .. ظهر لي صوت في السيارة من قبل سنه يمكن ..

وهذا الصوت يطلع اذا مشيت ثمانين ويزووول اذا تعديت الميه

ويزيد لما أكون في منعطف

والحين صار واااضح الصوت وشديد اول ما أوصل ستين وما يزول الا بعد الميه وعشرين..

صوت كأني أمشي على طريق غير مسفلت
أو حاجه زي كذا يعني صوت قوي وواااضح


تكفون اللي عنده خبرة ينورني ..

وحبذا اللي يعرف ورشة ممتازة شمال الرياض يكونوا خبرة وأمينين.

الله يجزاكم خير.
واكس
15/08/2010, 12:08 PM
صوت قرقعه ؟؟؟ والا وجيج

اذا هو وجيج اتوقع انه كارونه والله اعلم
عاشق وسم
15/08/2010, 05:23 PM
حياك الله أخوي ..

شيك على رمانات العكوس الامامية اتوقع انها منها بنسبة كبيرة ..

الله يكون بعونك وتلقى الحل باقل تكلفة يارب ..

رد علينا وش صار معك
بالتوفيق
......
وك وك
15/08/2010, 07:50 PM
اذا هي معها رجه خفيفه فهي رمانات العكوووس
نجد البراري
16/08/2010, 02:36 AM
هذي على ما اعتقد الكارونة في الدفرنس
لازم الورشة
مواطن
16/08/2010, 02:46 AM
الكامري مافييها كارونة ولا دفرنس فيها عكوس امامية وغالباً الصوت من الرمانات الامامية مثل ماقال اخوي عاشق وسم
عمر - الأفلاج
16/08/2010, 11:10 AM
الله يجزاكم خير اللي رديتوا...

الصوت عبارة عن وجيج وليس قرقعه.

ولا فيه رجه بس صوت وجيج قوي ..


وبحاول اروح الورشة ..
بس هل فيه ورشة معينة تنصحون بها؟
alata_2
16/08/2010, 11:41 AM
شيك على الكفرات..
الظاهر انتهى عمرها الافتراضي وصار لازم تغيرها..
داعي خير
16/08/2010, 12:20 PM
السلام عليكم
اذا كان الصوت قدام يمكن العكوس أو فيه مشاكل في نفس الهوبات
واذا ورى فيه جلبه داخل مجموعة الكفرة تطلع صوت
لكن عندك ورشة الشراع في حي المصيف شمال الرياض
فيها مهندس سعودي خبير وأمين اسمه فيزان العامري
الورشة على امتداد مخرج تسعة قبل تقاطعه مع المللك عبدالعزيز (مخرج 5)
وعساني أفدتك يالغالي
ابوصالح77
16/08/2010, 12:51 PM
شيك على الكفرات..
الظاهر انتهى عمرها الافتراضي وصار لازم تغيرها..
نعم أحياناً تطلع صوت
شيك على الرومانات إحتمال كبير منهن
أحياناً يطلع جرشة وأحياناً وووووو:eek:
بالتوفيق
عمر - الأفلاج
17/08/2010, 04:03 PM
بيض الله وجيهكم جميعا
وبارك الله فيكم

رحت لصناعية الخليج وتم الكشف على المويتر

وطلع البلا في الكفر الخلفي الأيسر

فيه حاجة اسمها ( الفلنجه) اللي تجي مع الرمان كانت خربانه
والمشكلة ما تقدر تشتريها الا مع الرمان

وفعلا شريتها بخمس مية تقريبا وتم تركيبها بثمانين ريال
والحمد لله راح الصوت.

شكرا لكم جميعا.