بونكس
15/08/2010, 12:04 PM
يالله طلبتك ياعزيز الجلالي=يارب يارحمان ياخير معبود
يامسير الافلاك مرسي الجبالي=رزقك يعم الناس ماهوب محدود
ياعالم بالغيب منشي الخيالي=ياعالم عن خافي البيض والسود
أنت الذي يارب تعلم بحالي=تخلق وتفني ونت يارب موجود
تفرج لمن شال الحمول الثقالي=لاحل حبل صادفه حبل معقود
حملي ثقيل مثل حمل الجبالي=يارب ساعدني على النقص والزود
إن ماسعيت لطيب محدن سعالي=والطيب عند اهله ترى ماله حدود
والله مالوم الوقت لو ماصفالي=هذي سوات الوقت قاصد ومقصود
وقتن شربت المربه شرب حالي=والحال مني ناحلن كنه العود
الله من وقت يهين الرجالي=وقتن به اللي يفعل الطيب منقود
والطيب مايقواه بعض العيالي=كم واحدن يطري له الطيب ويكود
الطيب لاهل الطيب باول وتالي=معروف مايبغي له إثبات وشهود
هذا ونا اعبر عن اللي طرالي=شي يحس البال والفكر مشدود
شي يخلي القلب فيه إشتعالي=والفكر كن بداخله برق ورعود
تمت وصلو عد طلع الهلالي=على شفيع للملا دوم موجود
الشاعر - ملهي الفراعنة- ياجماعه الاسم سابقا بونكس واتشرف بالضهور باسمي -ملهي الفراعنة السبيعي - تحياتي للجميع
يامسير الافلاك مرسي الجبالي=رزقك يعم الناس ماهوب محدود
ياعالم بالغيب منشي الخيالي=ياعالم عن خافي البيض والسود
أنت الذي يارب تعلم بحالي=تخلق وتفني ونت يارب موجود
تفرج لمن شال الحمول الثقالي=لاحل حبل صادفه حبل معقود
حملي ثقيل مثل حمل الجبالي=يارب ساعدني على النقص والزود
إن ماسعيت لطيب محدن سعالي=والطيب عند اهله ترى ماله حدود
والله مالوم الوقت لو ماصفالي=هذي سوات الوقت قاصد ومقصود
وقتن شربت المربه شرب حالي=والحال مني ناحلن كنه العود
الله من وقت يهين الرجالي=وقتن به اللي يفعل الطيب منقود
والطيب مايقواه بعض العيالي=كم واحدن يطري له الطيب ويكود
الطيب لاهل الطيب باول وتالي=معروف مايبغي له إثبات وشهود
هذا ونا اعبر عن اللي طرالي=شي يحس البال والفكر مشدود
شي يخلي القلب فيه إشتعالي=والفكر كن بداخله برق ورعود
تمت وصلو عد طلع الهلالي=على شفيع للملا دوم موجود
الشاعر - ملهي الفراعنة- ياجماعه الاسم سابقا بونكس واتشرف بالضهور باسمي -ملهي الفراعنة السبيعي - تحياتي للجميع