المساعد الشخصي الرقمي

مشاهدة النسخة كاملة : استفسار عن السلق


نجدالنجود
15/08/2010, 02:57 PM
السلام عليكم ورحمه الله وبركاته
لو سمحتوا عندي
سلقه عمرها4شهور
بس فيها مشكله ما
تعودت علي واذا
فكيت الجربوع عليها
وتجيبه وفكيت جربوع
ثاني واذا وقف قامت
تدور حوله وفكيت
ارنب داخل حوش كبير
وجابته ويوم فكيته في
البر تلحقه واذا وقف توقف
وتدور حوله
وعندي 3اسئله

متى ابدأ بجردها ؟
وكيف اجعلها تتعود علي؟
وكيف اجعل طبعها زين منهي صغيره؟
وانشالله احط لها صوره عن قريب
الــحـاكــمــ
15/08/2010, 03:35 PM
وعليكم السلام ورحمة الله وبركاته
يشرفني أكون أول من يجيب على أسألتك
مسألة إنها تلحق الأرنب وما تمسكها هذا لأنها توها صغيره يمكن , بس أصبر عليها لما تكبر شوي
إذا كنت تقصد بالجرد (المس أو الشد) فأنا أفضل من عمر 6 شهور لكم تبدا على مسافات بسيطه ثم بالتدريج
وعلشان تتعود عليك السلقه لازم تلاعبها وتمسحها وتعطيها الأكل بيدك كل يوم وأنتبه لا تضربها
علشان يجي طبع السلقه زين لازم تنهاها عن الغلط يعني إذا سوت حاجه غلط قلها عيب عيب
ولا تخليها تدوج برا , يا أما تربطها أو تصك عليها في شبك لأن الفلته تعلم الخراب
أرجو إن قدمت معلومه صحيحه وأنتظر رد الأخوان
لأنهم أعرف مني
......
ابوحمد 2009
16/08/2010, 01:31 AM
ان شااء الله افدووك
الذود العفر
16/08/2010, 04:36 AM
طبيعي أنه ماتطرح الأرنب السلقه صغيره وهايبه من الأرنب ,, لكن جب معه سلوقي ثاني وانشالله انه تجزم على الارنب ,,

بالنسبه للجرد لاتجرد هذي جروه للحين وينه ووين الجرد أهم شي طلع به الحراره بهالعمر يعني لا يمر اسبوع

الا وتفك له جربوع او جربوعين بالحوش وخله تمسكه ولا مسكته مسح عليه وره أرنب وفكه مع سلوقي ثاني

لأن الأرنب كبير عليه بهالعمر وفترة تعليم مره ومرتين وتتعود لحاله تطرح لأرنب ,,

خله تعود على أسمه لاناديته تجي ولا قلت له ابعدي تبعد يعني هاذي مرحلة تعليم وتأسيس ماهي مرحلة جرد ,,

بالنسبة لبقية الأسئلة أفادوك الأخوان ..
محمد الظاهري
16/08/2010, 05:46 AM
السلام عليكم
ما قصرو اخوانا الاعضاء
خفا
وراعي الذود
نجدالنجود
16/08/2010, 12:08 PM
الله يعافيكم على ردودكم الحلوه