الفزعة يا رجال عطونا رايكم بس

[اعشق الطيب]

السلام عليكم ورحمة الله وبركاته
مبروك عليكم الشهر الكريم
يا اخوان واحد من الربع ناوي على جيب ربع تويوتا 2010 ويبي رايكم في :
1- هل هو قوي ويتحمل
2- هل هو مرغوب عند البيع
3- هل فيه عيوب
عطوني رايكم يا مجربينه لا عدمناكم

[ابوناصر السهلي]

يفيدونك اللي جربوه

[الشيب الذيب]

انا معي والله ربع 2010 زين بلحيل عزمه قوي الموتر زين

[أطلال نجد]

عندنا بالعمل 2009 أقل نوع

ماشيات على 30 ألف

بدي ضعيف + صدمات ومرايات بلاستيك عكس الموديلات السابقة 2005 / 2006

أيضاً مشاكل بالكهرباء والتماس متكرر لدرجة أن واحد منها بغى يحترق !!

[صامولي]

خطير جدا باللفات
خفيف اذا كنت راعي خطوط
ما في رساوة

[shabah]

الصراحه ما انصحك فيه موتر ماينفع بريال ولاهو قوي ويغرس على طول وعند البيع ماحدن يقف عنده وانصحك مالك وماله شوف لك جيب تاتا الهندي هو الي عليه الكلام

[MjNo0oN]

الصراحه ما انصحك فيه موتر ماينفع بريال ولاهو قوي ويغرس على طول وعند البيع ماحدن يقف عنده وانصحك مالك وماله شوف لك جيب تاتا الهندي هو الي عليه الكلام

اقول انت شكلك مابعد جربته ...؟ تسمع انه يغرز ((هاذا والله بلا السواق))

عن نفسي كان معي واحد مديل 2000 من وكالته جلس معي 7 سنوات ياله لك الحمد بدون حوادث وماغيرت فيه الا اشياء استهالكيه +صدام شاص + جنوط لاند اصليه مع العلم اني قبل ما ابيعه كان ماشي 400 الف وماخسرت فيه واجد ((ماسك سعره بشكل غير معقول)) لاكن لاتجيه حوادث والزبون يطق عليك الباب لمنه كان هاوي و شايف نضافته

ومن ناحية الغراز جتني ايام اروح للرمله انا وواحد من النشاما وشرواكم مامعنا غير عزبه وجراكل للبنزيم وياله لك الحمد ماوجهتني مشاكل لا في الحراره ولا في الغراز الا ما ندر ويطلع نفسه بنفسه بدون اي مساعده ((بس يبيله تخفيف وزن ويمشي)) وخفيف نفس وقوي باس

واني متحسفن على بيعته لين يومك هاذا الله يفوق من شراه والله يعطيه خيره ويكفيه شره

عموم اذا كنت مستخدم وراكد في اللفات خذه بدون ماتشار عز الله انك بتدعيلي

ومن ناحية فرق المكينه والله وانا اخوك مااعرف عنها غير انها اقوى من عزم الاولات ومشاكلها ما اعرف عنها شي وواحدن من الشباب معه شاص 2010 وقبلها معه شاص 2004 يمدح الجديد ويقول عز الله انه ازين من الاولات ومابعد واجهته اي مشاكل

[صامولي]

الصراحه ما انصحك فيه موتر ماينفع بريال ولاهو قوي ويغرس على طول وعند البيع ماحدن يقف عنده وانصحك مالك وماله شوف لك جيب تاتا الهندي هو الي عليه الكلام




خخخخخخخخخخخخخخخخخخخخخ