رأيكم يا أهل الخبرة ضروري شوزن توماهوك التركية

[الجرماااني]

السلام عليكم

مساكم / صبحكم الله بالخير
والشهر عليكم مبارك جميع

ياليت يفيدونا أخواني اصحاب الخبرة ومستخدمي الشوزن التركية
انا ابحث عن شوزن بما ان وقت الصيد على الأبواب والكل يزهب عمرة

وعرضت علي شوزن تركية ماركتها توماهوك أم 8
الصراحه انا مالي اي خبرة في الصناعة التركية ولم استخدمها قبل كذا
لكن السلاح جديد وسعرة مناسب لي شخصياَ
وهذي صورة الشوزن الصراحه ما شفتها على الطبيعة لكن وصلتني صورة

http://www2.0zz0.com/2010/08/16/01/885393748.jpg (http://www2.0zz0.com/2010/08/16/01/885393748.jpg)

هل معاها شكات وكم طولها لأن في الصورة شكلها طويلة مرة
وهل تتحميل الفشق الضغط ..؟
وهل مسافة رميها طويلة ..؟
هل يصحني بها من (استخدمهااااا) ..؟


اعرف ان السلاح اللي عليه الكلام برتا وبنلي وماحد يشكك فيه ابداَ بس سعره غالي
لكن ارجوا ان اللي مرت عليه واستخدمها يفيدني الله يجزاه خير

كلام بدون تجربة وسالفة يقولون لا أؤمن به ابداَ وسمعت كثير
لكن ابغى واحد مستخدمها شخصياَ يقولي رايه فيها ..؟



المعذرة على الإطالة يا اخوان

:)

[الكاوي1]

ماشاء الله يفيدونك الاخوان

[Auto-5]

عليكم السلام ورحمة الله وبركاته
ويامساك وصبحك بالخير
أنت بموضوعك ضيقت الخناق شوي حيث قلت :

كلام بدون تجربة وسالفة يقولون لا أؤمن به ابداَ وسمعت كثير
لكن ابغى واحد مستخدمها شخصياَ يقولي رايه فيها ..؟

والبندق هذه قليل من استعملها لأنها تأتي بالدرجة الرابعة من التركيات بعد الستوقرثم الميراج ثم الوولف سواء البلاك أو الريد..
لكن أنا بمون عليك وبرد بصفتي أخ للجميع ,
حبيبي بقولك شيء ان قبلته فبها ونعمه وان لم فلا ضير :
التركيات اللي مثل ماذكرت اللي ماهن مغشوشات تقليد ماركات كلهن طيبات ولا تستغرب لو قلت لك جربناهن بالرمي بودي أقول أفضل سوق وحرارة من الماركات المعروفه نعم أفضل لكن العيب أنهن مثل السيارات الكورية هههه يعني تمشي حالهن مع اللي يحشمه وقليل استعمال ,
الخلاصة / اذا استعمالك بالسنة صندوق من جرام 32 وتحت فتوكل على الله مع مراعات السعر...
اتمنى قبول مشاركتي بصدر رحب ولك وددي ..

[Saad 11]

البلاك وولف والرد وولف والبادردوس والستوقر .. كل هالبنادق طيبه .. اما هالنوع ماعندي فكرة عنه ..
لكن اتفق مع الاخ Auto رمي التركيات الجديده طرب .. لكن معروف ماتتحمل ظغوط قويه ،، انا ماجربت ظغط قوي حتى الان لكن 32 كافيه ولاتتعداها ..

[الجرماااني]

الكاوي1 / سعد
بيض الله وجيهكم وماقصرتوا
على مروركم يالغالين

Auto-5
تسلم على إفادتك .. عزيز وغالي وتموون
ادري اني ضيقت عليكم ولكن حبيت اخذ العلم من مجربين
وخبراء الاسلحة اكيد ان لهم نظرة ثاقبة في مثل هذي الامور

شرفني مرورك يالغالي

[عاشق القطا.]

كل الدنيا يسـألـون عنها نبي العلـم في وآحد سألني عنها وآنآ قريت إنها مآتنفع وآردى الانوآع هذا كلام وآحد بمنتدى البريّـه

[ابومشعاب]

عقب رد إخواننا ..
معاد لنا تعقيب ..

أفادوك .. يامال الغنيمه

[هوايتي مكشات]

الله يكتب لك الخيرة ياغالي

[محب العقاب]

السلام عليكم
كل شركة لها ميزتها وأفضليتها بارك الله فيك
ولكن تبي نصيحتي أبعد عن التركيات بأنواعها كلها تقليد لماركات أخرى
ولكن عليك بالبلجيك (براوننق) أو الإيطاليات (برتا وبنلي) ماتطولها
خلك على الروسية (البيكال) وتراها ممتازة درجة ثانية تفرق عن الدرجة الأولى بمشكلة الحلبي
ولكن أفضل من التركيات وتصبر وحول سعر التركيات مهنا فرق يسوى
والله الموفق ونشكر الإخوان فكل دلى بدلوه
والسلام عليكم .. محبك /
eagle lover

[عاشق الفتك 20]

السلام عليكم

كل شركة لها ميزتها وأفضليتها بارك الله فيك
ولكن تبي نصيحتي أبعد عن التركيات بأنواعها كلها تقليد لماركات أخرى
ولكن عليك بالبلجيك (براوننق) أو الإيطاليات (برتا وبنلي) ماتطولها
خلك على الروسية (البيكال) وتراها ممتازة درجة ثانية تفرق عن الدرجة الأولى بمشكلة الحلبي
ولكن أفضل من التركيات وتصبر وحول سعر التركيات مهنا فرق يسوى
والله الموفق ونشكر الإخوان فكل دلى بدلوه
والسلام عليكم .. محبك /

eagle lover


مـــاقـــصـــر أخــوي مـحــب الــعـــقــاب أفــادك . واخواني الي قبلي بيض الله وجـيههم

[الجرماااني]

بيض الله وجيهكم يالغالين

ماقصرتوا وافين ، والف الف شكر

[abo rahaf]

وعليكم السلام ياخوي الجرماني السلاح ذا عرض علي وسألت عنه وأخذت عنه بعض المعلومات يقال انه ماله قطع ولا تحصل له ابد هذي هينه لكن مايرمي اكثر من دفع 36 لأنه لاسمح الله قد تنفجر اما إذا كانت رخيصة وبلاش فاقول جربه مابه خسارة لكن بالله كم عرضت عليك أبشوف السعر هو حول السعر اللي عرضت علي به .
وشكرا!!

[tamime1006]

انا عرضت ب 5000 الاف ومدري وش ريكم

[جهق//حايل]

خذ باردوس اضمن لك 5 وخمس ميه وام بطه 6الاف
اضمن لك من انك تشريه يومين وهي منفجره لا سمح الله
تحيآآآآآآآآآآآآآآآآآآآآآآآآآآآآآتي