صور من ارشيف 2005

[riffe]

السلام عليكم واسف على القطيعه وحبيت اشارك بصور جديده عليكم بس اهيه من صيد 2005 ونشاء الله تعجبكم



http://www.f-up.net/up/akhe.jpg





http://www.f-up.net/up/HI.JPG

[MARINE]

السلام عليكم ورحمة الله وبركاته

ما شاء الله تبارك الله خوش صيد وتستاهل كل طيب اخوي riffe

سكن من الاحجام الممتازة وسمكة امبير جاك ما شاء الله عليك

عيني عليك بارده والله يحفظك

عندي استفسار الله لا يهينك بالنسبه للمسدس اللي وراك ايش نوعه (الاسود فيهم)

مع تحياتي لك اخوي riffe

MARINE

[( برى بحرى)]

تبارك الرحمن وما شاء الله

الله يحفظك يا اخى دائما

صراحه خوش سكن والله

هذه الصيد وين بالضبط بالكويت اذا انا مو غلطلن

[riffe]

هلا فيك اخوى مارين المسدس اللى ورi بوشاات طوله 90 سانتى بس احنا نصيد بمسدس Riffe C4 ,ومو طالع بصوره معناا


بحرى برى هلا فيك اخوى والتصور فى الاماارت اخوى

[Rapala]

السلام عليكم ورحمة الله وبركاته
ماشاء الله صيد طيب يامال العافيه
تسلم اخوي على هالصيد

[ki ng marlin]

بسم الله الرحمن الرحيم

مشاركة جميله اخوي

وبالعافيه

بس عندي سؤال وش احلى طعم السكن ولا الكنعد يعطيك العافيه

وبعدين البياض ( الحمام ) الي بالحجم هذا كيف تنطبخ فرن ولا شوي ولا قلي

جزاك الله خير

[SRDAL]

السلام عليكم ورحمة الله وبركاته

ماشاء الله تبارك الله خوش صيد الله يعطيك العافيه .

وحعله بالهنا والعافيه عليك .

اخوي riffe كيف كانت صيدة السكن معاك زمين الي اقوى السكن والحمام .

تحياتي لك .

srdal

[riffe]

Rapala

مشكور اخوى على المشاركه


ki ng marlin

هلا فيك اخوى وااعتقد احلا طعم لكن اهو السمج الحى والحداق واعتقد اسمه عندكم المحاياه وبنسبه للجنعد اكثر ينصاد بتشخيط وبعد بلمحاياه

SRDAL

اخوى سردال السكن اصعب اصعب وخاصه حسب الضربه وبنسبه للحمام فضوليه لدرجه كبيره ويمكن تقرب منك بس لاتتحرك اهيه تجيك لعندك بس هم مو هينه بس احنا نصيد على عمق 36 متر ونشاء الله بعد فتره بنزل لك صوره حمامه xxxx مع مقطع فيدو عجيب بس للحين مو قادر انزل مقاطع الفيدو وقاعد ادور لها حل
كنت بنزل صورتهاا بس قلت انزل الفيدو والصور

[MARINE]

السلام عليكم ورحمة الله وبركاته

مشكور اخوي riffe ويعطيك الف عافيه انا سألتك عن البوشات لانه عندي واحد مثله

ومااخذ سنه عندي هل يمكن اصطياد اسماك كبيرة الحجم بهذا المسدس او انها تعتبر مغامرة

وهل تنصحني با riffe c2 انا ناوي اخذ واحد وبسأل اخوي srdal هو عنده خلفيه عن هذا المسدس

تحياتي لك

MARINE

[كشات]

بسم الله

عليكم السلام اخ riffe

ماشاء الله صيد حلو
ومقاسات كبيره بارك الله فيك

مشكور على الصور
وننتظر صور وفيديو الحمامه ××××

لاخلا ولاعدم
جزاك الله خير

[riffe]

Marine

اخوى مارين تقدر تقسم المسدسات الى انواع

_ مسدس الهواء ذ للميافر لنه قصير القامه ويدخل فى الحفرر ويطلع بسهوله ولقصر طول السهم بس ماينفع لصيد باقى السمج مو لنه ما يصيد لنه مداه قصير ويطلع صوت واهم شى فى الصيد الهدوء


_ البوشات ومسدس عمر احجام باطوال مختلفه وتنفع تصيد فيها بس لزم تستخدم حبل متين وقوى بس بيقلل من اندفاع السهم وعشان تزيد من قوه الدفع لزم تزيد من السيور ( الربل ) بس الترقر او الزند ما يتحمل وراح يخترب ويمكن يضرب بى وقت . بس تنفع لصيد الفسكر والهوامير والسبيطى وللغوص الحر


جى بى ل بنفس قوه الريفى بس يفرق فى شيئين اول شى يكون الخيط مربوط فى حلقه تتحرك فى السهم واول ما يطلع السهم وتجدب الخيط تقلل من قوه الدفع والشى الثانى الصوت يطلع صوت قوى بس فيه طريقه تقلل من الصوت
اما الريفى يعبه شى واحد عند تركيب السهم لزم تلف الفيط على الصيخ وياخذ منك وقت بس ما تحس بسهم لما يطلع والجى بىل والريفى لصيد سمج لكباار وما ينفع للهوامير والميافر والاسماك الى تكون جنب الصخر




..اخوى مارين لزم تقولى كيف صيدك هل غوص حر ولا بلاسطوانه وبعدين وين تغوص وشنو نوع السمج ونشا ءالله بفيدك

كشات

مشكوور على المشاركه

[gulfhunter]

السلام عليكم ورحمة الله وبركاته

حياك الله اخوي riffe ماشاء الله عليك اقول انك نورت الخيمه بهذا الصيد الزين اللي زي راعيه......... تستاهل اخوي .......

بالنسبه إلى تنزيل الفيديو منتدانا مساحته صغيره جداً لكن....... حاول تبحث في الياهو او غيره.... عن مركز التحميل وان شاء الله بتلاقي مواقع تعطيك مساحه اكير .......

الله يوفقك ويبارك فيك

[MARINE]

السلام عليكم ورحمة الله وبركاته

اخوي riffe مشكور على هالمعلومات الطيبه وانا عندي خلفيه عن المسدس الهواء

لكن اسأل عن الـriffe انا عندي بوشات حجم 100سم وقوته ممتازة له الربله الاصليه السودا

وشريت له ربله ثانيه صار اقوى بوكثير من الربله الاصليه واول ما ارمي الحربا ما اشوفها الا اذا وقفت

وبالنسبه لاغلب الصيد كله سنوركل ويختلف من مكان لثاني

وصيدي مشكل طال عمرك سبيطيه هوامير شعري فسكر هذا اللي متوفر واقدر اشوفه

مع تحياتي لك

[SRDAL]

السلام عليكم ورحمة الله وبركاته

حياك الله اخوي riffe .

مشكور وماقصرت على اجابتك والله يعطيك الصحه والعافيه . زيماكنت متوقع انك يتقولي السكن اقوا من الحمام

وبالتوفيق انشاء الله في المرات الجايه اكثر واكثر وفي انتضار صيدك مشاركاتك الحلوه .

تحياتي لك .

srdal

[النوخذة]

ماشاء الله لاقوة الا بالله صيد ممتاز جدا
ودنا يوم نجرب صيد هالقنابل لاكن اختصاصي سنوركل وان شاء يجي يوم ونجرب هالشغلات
مشكور على طرح الصور وننتظر منك المستخبي (حمامه xxxx )والاشياء اللي لسه ماعرفناها
يعطيك الف عافية

[riffe]

gulfhunter
ماقصرت الاخوو


اخوى مارين البوشات افضل لنه اسهل فى التركيب ويمكن تضرب بدون ماتلف الحبل على المسدس وبنفس الوقت مداه جيد اذا عندك 100 واحنا نسوى له حلقه دائريه فى الصيخ تتحرك فيه مثل الجى بى ال حتى يكون سهل فى التركيب بس riffe اقوى وياخذ وقت فى التركيب بس اكيد اقوى وانا عندى ربع للحين يستخدمون بوشات ويصيدون سمج كباار ومو مقتنعين riffe لنه شغلانه وبعدين الخشب يبى له صيانه بين فتره وفتره وينخذش ويغفى وايد لما يطلع منه الصيخ بعضهم ما يرتاحون له وانا برايى البوشات احسن لك وانا اقول البوشات افضل لنه يبى لك وقت عشان تتعود على الريفى بس لو لك خاطر جربه وما بتخسر اكيد لنه قوى ومضمون

سردال
تدرى اذا كنت فى القوع اتعب لنه يلف حولك ويقلص فيك بس اذا كنت متعلق بين مايتين احسن تقدر تقلل ما قوه السحب انك تسبح معاه بس فى القوع ماتقدر واحسه اصعب ولنه لما يكون بين القوع وبين السطح يبى يروح للقوع ما يروح يمين ولا يساار واشوفه اسهل وهذا انااشوفه فى كل السمج ومادرى والله اذا يمكن اناا ارتاح لما اصيد بين مايتين ونشاء الله تصادف لك واحد تحت ومااووصيك


النوخذه : حيالك اخوى بى وقت والشغله ما يبى لها غير ركاده وصبر واخر شى حظ