المساعد الشخصي الرقمي

مشاهدة النسخة كاملة : استفسار عن مكينه الباترول موديل 91 ؟؟؟


بيتر بن عدوان
17/08/2010, 05:11 AM
سلام عليكم

اخواني حبيت استفسر مكينة الباترول تنقص بعد 2500 نص علبه هل هاذا نقص يعني قربت تخبط ولا يبغالها شمبر ؟؟؟ من ينصحن وكد جرب
وكم يكلف الشمبر طبعاء قطع اصليه ؟؟؟
ومن فيه بعنيزه ولا بريده شغله ممتاز وتنصحونن فيه ؟؟؟

ارجو الي عنده خبره يفيدن جزاكم الله الف خير
اميرالصمت
17/08/2010, 06:12 AM
انصحك لاتسوي فيها شي
يعتبر نقص بسيط
ثقل الزيت يبي يخف نقصه شوي
بيتر بن عدوان
17/08/2010, 05:18 PM
جزاك الله خير اخوي
بس تثقيل الزيت مامنه فايده لا صار ينقص
هوايتي مكشات
17/08/2010, 05:27 PM
يفيدونك الاخوان..............
التعـ King ـديل
17/08/2010, 09:01 PM
اخوي جرب زيت 20/50

واذا استمر النقص بهالشكل لاتسوي شمبر ولا غيره

مر على الصمعاني ببريده وعطه المكينه ويعطيك مكينه 97 كلبليتر وتعطيه الفرق
بيتر بن عدوان
18/08/2010, 04:53 AM
جزاك الله خير اخوي طيب تعرف بكم مكاين السبع وتسعين ؟؟؟؟؟؟؟عند الصمعاني
اميرالصمت
18/08/2010, 07:24 AM
امس امركبه بـ7500 اخت الجديده والموتر عندي مخبط
نصيحه لاتغير اذا مكينتك مافيها لانقص
شنبر
ابوناصر السهلي
18/08/2010, 09:59 PM
الله يعينك
المقيرش
19/08/2010, 02:19 PM
السلام عليكم
اخوي الشمبر يكلف 1200 الى ال1400 بس مو عند اي احد الاجانب على طول يبي يقول لك لازم افك واشوف ممكن يبي توظيب كامل او راس بالعربي بينصب عليك بينصب عليك شف بوة واحد امين ولا تروح لغير رح يمه ولو بس تنشدة عن وضع موترك انا لو قريب والله لا اجيك وافحصة لك بنفسي بس انت رح لبوخالد الخضير بعد العيد واذا تبي جواله اتصل بي وارسلك له شخصين وامون عليه اما الورشات الثانيه لا يطري لك ابد عن انا الكلام اخذة وانا ابخص بهم وربعي واعرفهم والله ان تندم وبعدين الشمبر ترا زين للموتر مايكلف واجد وتطمان نفسيا انا كل الموتر البواترل الي اشريهن وجهي على الشمبر لو انه نظيف بس اهم شي الحرارة وش و ضعه عندك لا تصير ترتفع وماثرة على الرس على العموم تواصل معي اذا احتجت شي وانا بكون يوم الاربعا او الخميس انشالله ببريدة 15/9 والله يوفق الجميع
التعـ King ـديل
19/08/2010, 07:02 PM
جزاك الله خير اخوي طيب تعرف بكم مكاين السبع وتسعين ؟؟؟؟؟؟؟عند الصمعاني


بدون رجيع ب 7500

ومع الرجيع ب 5000

بالتشاليح الصمعاني يمكن مثلهم
عابر القارات 2000
20/08/2010, 01:55 AM
ماقصرو الاخوان
ولاتوديه الى للورشه تعرف راعيها
بيتر بن عدوان
20/08/2010, 05:13 AM
جزاكم الله خير جميعا اخواني ماقصرتوو وانا اشهد
ورحت لصمعاني واخذت العلم من براسه وشاف الموتر
واول ماطلعت من عنده وانا اهوجس اغيره ولا اغير شنبر وبلوف وقفن واحد وبعت الموتر عليه 23 ابشركم والله يرزقه عاد مادري بيرجع لصمعاني يتفق معه على مكينه ولا بيمشي فيه كذا
التعـ King ـديل
20/08/2010, 07:21 AM
الله يعوضك خير منه ان شاء الله نشوفك على بطل الدروب ابو 400 حصان