~~ اللومي ( الليمون الأســود ) الأفضل ~~

[فارس الجزيرة]

السلام عليكم ورحمة الله وبركاته ,,

الشهر عليكم مبارك .. والله يتقبل منا ومنكم صالح الاعمال ..

الليمون الأسود او ما يُسمى باللومي .. ما ادري وش النوع الأفضل ووين احصله ..

لأن لي فتره ادور وجربت كم محل وكلهم يقولون امريكي وكم نوع بس مهوب مثل اللومي الأول .. يجيله طعم غريب وحموضه زايده ..

ياليت اللي عنده خبر عن محل في الرياض عنده نوعيه ممتازه .. يعطينا الوصف ..

والله يعطيكم العافيه ,,

[عجاج السناف]

صدقت يالغالي
والله اني ملاحظ هذا الشي


بس تلاقي شي زين خبرنا

[رعد الصحراء]

وعليكم السلام ورحمة الله وبركاته

وياهلا ويامرحبا فيك

أبشر بسعدك

يوجد بمحلات السنبله

والمنتشره بكل محل

فيه محل بطريق الأمير بندر وانت متجه شرق لطريق جابر

المحل بيجيك على اليمين

سعره شوي غالي لكن أفضل نوع

تقبل تحيتي

[ابو سمر]

الاخ فارس

النوع الطيب يجي من جامايكا ويجي بكيس رمادي كبير، وزنه 10 كغم تقريباً وبحدود 110 ريال ، ومن المؤكد أن سعره زاد الآن كباقي السلع.

وفيه نوع عماني طيب جداً لكن لا أعرف سعره.

إن كنت في الرياض تجده بمحلات المعيقيلية على طريق الملك فهد عند محل الحصين وهو في غربي السوق ومن أقرب المحلات لطريق الملك فهد، يفتح جنوب .

وفيه انواع شكله كبير ونظيف، لكن عن الطبخ لا يخرج منه ماء ويتكسر (يتفتت ) بعكس بعض الأنواع التي تجدها لينة ولا تتفتت أو تتكسر وتخرج ماء كثير .

وبالتوفيق إن شاء الله ..

[عبدالإله1]

أفضل لومي موجود في الاسواق يوجدفي كيس اخضر يباع في اسواق التعمير وسعره مناسب جربه وسوف تدعوا لي

[عبدالإله1]

http://www.mekshat.com/vb/mhtml:file://C:\Documents and Settings\As\My Documents\~~ اللومي ( الليمون الأســود ) الأفضل ~~ - منتديات مكشات.mht!http://www.mekshat.com/pix/upload04/images176/mk133145_18082010318.jpg

[برق حائل]

والله ياخواني الومي عندنا بحائل موجود بكثره
عند الحريم الي يبيعن البزارات والحنا بسوق برزان
وحنا عموما بحائل نستخدم الون الاشقر مع الطبخ والاسود يطحن ويخلط شوي كمون ويصير ذرور او مايسمى بالمسمنه تحط فوق الرز ومع الكشته والزبيب
واذا تبي قلي وابشر ارسلك الي تبي
مشكور

[أبوباسم455]

أخــوي مـعـك حـق لأنه يجـي كـم نوع وفيه نوع يجي اشهب ويجي نوع أسود مرره وماتقـدر تـفـرق بينهم لين تطـبخ !!




http://dc03.arabsh.com/i/00113/5cvbd8pn7ipm.gif













http://dc03.arabsh.com/i/00099/fz6vdqqe8do9.gif

[khalid bin al]

السلام عليكم ورحمة الله وبركاته ,,

الشهر عليكم مبارك .. والله يتقبل منا ومنكم صالح الاعمال ..

الليمون الأسود او ما يُسمى باللومي .. ما ادري وش النوع الأفضل ووين احصله ..

لأن لي فتره ادور وجربت كم محل وكلهم يقولون امريكي وكم نوع بس مهوب مثل اللومي الأول .. يجيله طعم غريب وحموضه زايده ..

ياليت اللي عنده خبر عن محل في الرياض عنده نوعيه ممتازه .. يعطينا الوصف ..

والله يعطيكم العافيه ,,

السلام عليكم أفضل لومي من الأحساء والهند وشرق آسيا غالبا الري يكون بمياه حلوة والطعم مركز