مشاهدة النسخة كاملة : سؤال بخصوص قبات لف الخيوط(المكرات)
بسم الله الرحمن الرحيم
السلام عليكم ورحمة الله وبركاته
اخواني جميعا
لحاجة في نفس يعقوب حبيت اعرف اغلب الحداقه يفضلون اي نوع من القبات (المكرات) ولماذا
الانواع المعروفه بالسوق
الكويتي
السعودي
الاسترالي
والصيني او التايواني
واللي ماعرف وش اقصد بالقبات(المكرات) هذه صورتين لها
http://www.mekshat.com/pix/upload/images9/mk485_sany01311.jpg
http://www.mekshat.com/pix/upload/images9/mk485_sany01321.jpg
واشكركم مقدما على اراءكم
وجزاكم الله خير
MARINE
13/07/2005, 09:08 PM
السلام عليكم ورحمة الله وبركاته
اخي العزيز انا اشوف ان الكويتي والسعودي نفس الشئ لكن اللهم اختلاف في نوع وصناعة البلاستيك
وهما افضل شئ وتشيل اكبر قدر ممكن من الخيط اذا كان حجمه 80 ممكن تشيل لك 950 متر
وكلما قل حجم الخيط زادت المساحه اما الباقي اتركه عنك
هذا رأيي الشخصي
مع تحياتي لك
MARINE
SRDAL
14/07/2005, 09:45 AM
السلام عليكم ورحمة الله وبركاته
حياك الله اخوي كشات .
بصراحه انا استخدمت السعودي والكويتي وبالنسبه لي انا افضل الكويتي والسبب انها ماتنكسر بسرعه او تتشلخ
اما الأستراليه توني مجربها بس حق خيوط الدريات يعني قبات كبار وفي اعتقادي انها الأفضل وهي اعلى من
غيرها بالسعر والجوده .
تحياتي للطيبين شرواك .
srdal
قاصد خير
14/07/2005, 10:38 AM
السلام عليكم
وانا احب اشاركم في هذا الموضوع
اول شيء احنا في الكويت نسميها بكرات.......
وثاني شيء شدعوه تحط لك خيط طوله 950 متر
اما الاجود على استعمالك
وشكرا لكم
MARINE
14/07/2005, 01:21 PM
السلام عليكم ورحمة الله وبركاته
حياك الله اخوي قاصد خير يعني مو صدقني
انا اقولك ليش احط 950م تعرف الارسال بالاكياس
تحط لك كيسه وتربط فيها الخيط بحيث يكون على الطرف واول ماتشد الخيط تفك الكيس
هذي الطريقه نستخدمها حق الكنعد في الموسم لكن مانرسل كثير من 300 الى 400متر
وصدقني هذي حقيقه مو كذبه مع تحياتي لك
اخوي الغالي ابو نواف كيف صحتك بالنسبه للبكرات الاستراليه انا جربتها
وفعلا تشيل احجام حلوة من الخيوط لكن فيها عيب مع فترة الاستخدام الخيط يتبلور على نفسه
يصير معقد شوي ولا عجبتني لكن الكويتي انا اشهد انه زين بالحيل
تحياتي لك
gulfhunter
14/07/2005, 05:16 PM
السلام عليكم ورحمة الله وبركاته
حياك الله اخوي كشات ..... اخبارك وين الناس................ بالنسبه لي افضل القبه الكويتيه...... افضل شي.........
بأنتظار تعليقك اخوي كشات والله يعطيك العافيه
بسم الله الرحمن الرحيم
هلا بالشباب كلهم
الاخ MARINE
اشكر لك مرورك وتعليقك لاهنت ياغالي
بالفعل الفرق فقط في الصناعه ونوعية المواد
لانه بالاساس كلها تقليد لصناعه ايطاليه لكن عيبها غاليه جدا وتجي مغلفه كل مكره او بكره مغلفه لحالها
الاخ الغالي SRDAL
شرواك الطيب ياخوي
اشكرك على التعليق ياغالي
بالنسبه للكسور والشلوخ
انا استعملت الكويتي بالبدايه بحكم ان مافيه الا هو بالسوق
وكنت اشري خيوط بالوزن(1كغم) لفه تجي بكيس بلاستك
وكنت اللف الخيوط على المكرات حتى تمتلي المكره واخليها للمستقبل وحتى ما حد يلعب بالخيط الاساسي اذا كان بالكيس ويتشربك
وبعد فتره ارجع احصل المكرات مشلخين او مكسورين من النص بالطول ويروح علي الخيط كله
والسبب يمكن لان اللف احيانا يكون بشده وبعد ماياخذ له مده وهو يضغط على المكره يشلخها
هالشي صادفته بالمكرات الكويتيه
والمكرات السعوديه اذا كنت لاف الخيط بقوه اشوفها تنطعج وتتعوج
اللي لاحظته ان مواد المكرات الكويتيه قويه ومتينه وسميكه اكثر من السعودي
والسعودي فيه ليونه وطراوه شوي
الاخ الغالي قاصد خير
شكرا جزيلا على مرورك
لاعدمناك ياغالي
واختلاف الاسامي تفاديته بوضع الصور في الموضوع
الاخ الغالي gulfhunter
اشكر لك مرورك وتعليقك اخي الغالي
وبصراحه مروري على المنتدى قليل شوي
بس يا خوي gulfhunter
حبذا لو تعطينا سبب تفضيلك نوع على نوع
من باب معرفة اي الانواع افضل ولماذا
شاكر لك تعاونك واسمح لي لو تعبتك معي
قاصد خير
15/07/2005, 12:28 AM
اخوي Marine
والله مصدقك
بس احب اقولك يعني لو تحط 500 متر في الكبره كافي وما راح يصير فيها شيء
اكيد اذاحطيت اكثر من حجمها ما تتحمل تنكسر او يصير فيها شيء ثاني
واحب اعطيك طريقة حلوه...
الكنعد ما هو قوي مثل السكن.......
في طريقة حلوه يعني لو تحط لك خيط طوله 150 متر وتربط فيه جركل فاضي واذا ما نفع تربط جركل ثاني حتى ثالث طبعا يكون مسكر وتكون مسافه بين كل واحد وفي هذي الحاله انت عليك بس تراقب الجراكل اذا طفحت كلها تعرف انه السمكه استسلمت
ان شاء الله فهمت الطريقة
وشكرا لك
قاصد خير
15/07/2005, 12:32 AM
كشات
شكرا لك على هذا الموضوع
واذا تبي البكرات تطول معاك لا تزيد عليها الخيط
عاشق القنص
23/08/2006, 01:37 AM
bgvbhghfhgfh
Alhzzen
23/08/2006, 01:54 AM
اتوقع الاخوان فادوك بكل شي
شكرا
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir