عاجلا : اخواني اسألكم بالله . . . كم قيمة السيارة gxr2005 ؟

[اخوكم// زياد]

كل عام وانتم بخير ومبروك عليكم الشهر جعلنا الله تعالى
واياااكم من تغفر ذنوبهم وتقبل صالح اعمالهم
انه سميع مجيب


ـــــــــــــــــــــــــ


احبتي فالله


جيب لاند كرووزر


جي اكس آر 2005


قير توماتيك + فتحة + انوار زينون + شنطة + جناح + ابيض اللون


ماشي 125000 كيلو


من يوم شريته ولله الحمد سليم 100%


كم تعطووونه قيمه ؟


كم يسوى الجيبgxr النظيف هالايام ؟
2005 + 2006 + 2007



اذا جاب لي قيمة اللي في خاطري يمكن ابيع ؟





:::::::::::::::::::
:::::::::::::::
::::::::::
:::::
::
:

[سرطوقا]

وانت بخير يالغالي

الله يبارك لك في حلالك

اتوقع فوق الميه وزود عليها شوي


وباقي الاخوان يفيدونك ان شاء الله


تحيتي

[مكسر اللمبات]

صحيح فوق الميه وزود عليها شوي والله يرزقك أخوي

[الهمه العاليه]

2005
قيمته من 95000 - 115000 >>> للشريطي اللي بيتكسب من وراه
ياصل 120000 اذا كان بيستخدم (اذا كان الموتر نظيف وقليل ممشاه )
اللي يحكم السعر
1-مواصفاته
2- وكيله او مورده ( بريمي - فطيمي - سعودي )
3-سلامه البدي والمحركات
4- اللون
الله يبارك لك في حلالك ويرزقك القيمه اللي تسر خاطرك

[اخوكم// زياد]

سرطوقا و مكسر اللمبات و الهمه العاليه

غفر الله لكم ورحم الله والديكم

ــــــــــــــــــــــــــــــــــــــــــــــــــ ــ

الهمه العاليه

مواصفات فل ابشن ما عدا حاجتين لا توجد فيه ( مكره + المراتب جلد )

وكيله اصل وفصل ( جميل + سعودي )

ولله الحمد السيارة معي لم يحدث لها شي والبدي ما شاء الله تبارك الله سليم

اللون أبيض

[السنع كله]

اذا جاب لي قيمة اللي في خاطري يمكن ابيع
كم اللي في خاطرك ممكن اشتري

[لهذام]

زياد موتري مثل موترك وممشاه حول ممشاك لكن موتري بريمي شد بلد تبارك الله
وبيجيب لك حول ال115 ال120 ، ولاتزهد فيه وموسم الجيوب جايك
الله يوفقنا واياك

[حنون2000]

الموتــر يجيب 127الـــــف اذا طول انتظاره

وكم يسوى الجيب 2007 او 2005 او 2000 او 2010
النظيــف غالي مثلا لو تلاقي 2000ماشي 20الف تلاقي قيمته 100الف وفوق
انا شفت جيب 2007 مسيوم بـ135 وجيب 2009 مسيوم 130الف بالبرحه وكل موتر مع راعيــه كلها جيبوب ومفخره الارض من موديل 90
بس يفرق النظيف الي مادخل بر ومن الي معفول

عموماً النظيف الورده يوصل 145الف 2006 2007
2005 النظيف 130الى 135النظيف
2008 و2009 النظيف الممشى القليل 160 الى 180

[najdi]

قبل شوي كنت بالمعارض وانباع نفس موترك بس 2004 بـ 110000
اتوقع يجيب بين 120000 الي 125000 حسب النظافه

[اخوكم// زياد]

السنع كله
تامر على السيارة وراعيها طال عمرك

مالي حد السوق معين طال عمر

ـــــــــــــــــــــــــــــــ
ذعذاع الهبوب

مانيب زاهد فيه بل رجل سموح فالبيع ومقتنع
وليس للطمع عندي مجال

ـــــــــــــــــــــــــــــــــــــ
حنون 2000

كفيت ووفيت وغفر الله لك ومن يسمع

_____________

najdi

2004 بـ 110000 الف اكيد هالموتر طيب جدا مدري كم ممشاه ؟

الموقع : هل تقصد انك في الرياض ؟ الشفاء أو النسيم ؟

هل الساحه فيها بيع في النهار في الرياض أم في الليل ؟

ــــــــــــــــــــــــــــــــ
:)
اشكركم جميعا ونسأل الله العلي القدير في هذا الشهر من قد غفرت ذنوبهم وقبلت اعماالهم
أنه سميع مجيب وعلى كل شيء قدير



....

[السهل 494]

واحد قبل اسبوعين اعرفه شاري نفس الموديل والمواصفات لونه ابيض لكن ممشاه 150 الف ونظيف بـ107 الاف في المدينه والجيوب اسعارها طيبه في المدينه

[اخوكم// زياد]

السهل 494

تسلم لاهنت بس المدينه المنورة بيني وبينها مسافة طويلة 1100 كم

والطيب ياخذ حقه عندنا في أي منطقة في هذا الوطن الغالي

[ال سليمي]

بعد التحية والأكرام
انا عندي جيب جي اكس ار فل ماعدا الونش ماشي 108 الف كيلو
ذهبي سعودي كم يسوى يالربع
احسن منطقه للبيع وين وانا في الرياض

[اخوكم// زياد]

ال سليمي
مرحبابك وشرفنا مرورك


مديل الموتر لاهنت


احسن منطقة اكيد الرياض ثم القصيم


:::

[اخوكم// زياد]

نعيدها للرفع

[نديم الشمال]

100/110

هذي اسعار الــ 2005

اما أذا سمكره ولا كيني ميني

ما يدرك ال 90

حسب نضافة السياره

وتحياتي

يا غالي

[اخوكم// زياد]

100/110

هذي اسعار الــ 2005

اما أذا سمكره ولا كيني ميني

ما يدرك ال 90

حسب نضافة السياره

وتحياتي

يا غالي

صح الله لسانك

كيني ميني :D اي لغة هذه جديدة نبي نتعلمها:good2:

[ال سليمي]

بعد التحية
مديل الموتر 2005

[اخوكم// زياد]

بعد التحية
مديل الموتر 2005

نعم عندي كأنه 2011
:d