يااخوان .. ابغى ورشه في الرياض فاهمين للاند

[الشميسه]

السلام عليكم ورحمة الله وبركاته
....
انا ياخواني عندي جي اكس ار 2000 وينقص علبه كل مامشيت 2500 وابي واحد يعرف ورشه ممتازه يكشفون على الموتر ويصلحونه في الرياض لاني مانيب من سكان الرياض
ولا تبخلون علينا
وشكرا

[يكفيني نظرة]

السلام عليكم ..
فيه ورشه بالرياض قرب مقبرة النسيم اتذكر ان عندهم ميكانيكي فلبيني كان يشتغل بوكالة تويوتا على كلام المدير السعودي اللي فيها ..
الورشه كنت غالبا اصلح عندهم باث فايندر 2004 وهايلكس 2002 وفي اكس ار 2001 يعني وديت لهم كذا سياره وشغلهم معي تمام لكن كل من جاء طاري هالورشه عنده يسبهم مع اني ماواجهت الا الخير منهم ولا قد رجعت لهم من شي مصلحينه اللهم سعرهم غالي شوي..
موقعهم على طريق الزبير بن العوام وانت متجه شرق لمقبرة النسيم يجيك الدفاع المدني يسارك وبعده تجيك الورشه بس هي يمينك عليها شبك احمر اسمها العربي وفيها سعودي متين اسمه ابو احمد البابطين ..
لكن انا وضحت لك صورة عنهم يعني ما اقدر اضمن لك شغلهم وعذرا على الاطاله..

[بترووول]

المشكله واضحه
اذا كان مافيه تهريب الشنبر ضعيف

[ساري 111]

خل الموتر شغال وهو واقف لمده ربع ساعه وبعده خل احد يدعس له وخلك عند الشكمان اذا طلع دخان ابيض فموترك يبي جلد بلوف ..

فيه بعض الورش يضبطهن لك بدون مايفك الرأس

[الشميسه]

يكفيني نظرة ... بترووول ... ساري الله لا يهينكم على الردود ومشكورين والموتر يبيله شنبر يابتروول بس ابي ورشه شغل حشمة بالعربي لاني بستخدم مافكر ببيع وابمر ورشتك ان شاء الله يا يكفيني نظره