اسعفوني ياشباب

[الهاوي1412]

السلام عليكم ياشباب ابغاكم تقولولي وش دوا الدوخه لاني كل ماركبت اللنش ادوخ تكفون قولولي حل غير حبوب الدوار لانها مافادتني جزاكم الله الف خير

[صياد الجزوي]

شد حيلك وقول في نفسك انه ماراح يجييني دوار
ولا تفكر فيه كثير انساااااااااااه
صدقني وبكده ماراح يجيك ابدا انت بس لاتفكر فيه

[سلطان الأحساء]

اول شي حاول انك ماتطلع البحر وبطنك مليان اكل
ثاني حاجه حاول تاكل علك
ولاتفكر في الدوار ابدا ولا تخاف منه

[google-999-]

الحل طال عمررك طاسه لبن خلفات,, قبل الركووب بقليل ,, وشكرا

[محر999م]

الحل تستغفر ربك وتذكر ربك وتشرب عصير ليمون ...ولاتجلس في الامام خليك بالوسط او الخلف عند المكاين...ولاتفكر بالدوخة ولاتطالع البحر تحتك وانتوا ماشين .×

[جراح العيسى]

الحل انشاء الله انك اذا حسيت بالدوخه اشرب من ماء البحر

[أخصائي دلافين]

الحل و انا اخوك اذا حسيت بدوخه تمدد وخذ لك غفوه

[صياد متهور]

اوعليكم السلام ورحمة الله وبركاته
اخوي انا سمعت عن الزنجبيل الاخضر
جرب وبالتوفيق

[بحرالخبر]

الحل مثل ماذكراحد الاخوة لاتأكل وانت بتروح البحر اكل شئ خفيف
وفية حبوب لدوخة البحر عند الصيدليات تأخذ حبة قبل نصف ساعة
من نزول البحر مره مرتين وبعدين ان شاء الله ماتحتاجهم وتتعود
على البحر بس اهم شئ لا تثقل اكل ابدا وحتى وانت في البحر خفف
من الاكل قد ماتقدر

[ولدجده]

شوف انا جلست في الوسط وبطني فاضية واخذت حبيتين ودخت

لكن في عندي علاجين :
الاول:الزنجبيل تشربه وتكثر منه وان شاء الله مايجيك شي

الثاني:موية البحر اذا جاتك دوخه وطرشت اشرب موية عادية واذا طرشتها اشرب موية البحر وان شاء الله تفك الدوخه

اذا مانفع معاك شي روح في اول البوت وحط راسك ونام في فندق خمس نجوم :d

[السهران1]

وعليكم السلام والرحمة
تفضل اخوي ادخل على الرابط هذا ( هنــــا (http://www.mekshat.com/vb/showthread.php?t=48595) ) يمكن تلقى حل و انصحك اخي بمراجعه الطبيب افضل لك
وماتشوف شر اخوي
تقبل تحياتي

[وارث المراجل]

اخوي التركيز هذا اهم شيء يجبلك الدوخه لكن انا اقلك عندك كذا حل يشيل عنك الدوخه جرب الزنجبيل ...

خليك حركي في البوت لا تركز في اي شيء واقعد اتكلم وعندك موية البحر حتطرش الله يكرمكم وبعدها بإذن الله تروح الدوخه وإذا ماراحت على قولة ولد جده روح صدر البوت ومد طولك واحلى نومه فندق خمس نجوووم:good2::good2:

[تركي مجرور]

اذا كانت الدوخة تجيك في الممشى مع الموج اركب في مؤخرة اللنش.
اما اذا جاتك الدوخة بمجرد ركوبك في اللنش, يمكن تكون نفسية من كثر ما تفكر بالدوخة يتهيأ لك أنك جاتك الدوخة :mad:.
في علاج أخر / اذا كان صاحب اللنش يمون حاول تسوق اللنش وتدعس وتفحط :good2: .

[الجامح البحري]

الحل اذا جاتك الدوخه حاول انك تستفرغ حتى لو بالقوه بعدها صدقني راح ترتاح



وبالنسبه لدوار البحر مع الوقت راح تتعود وما راح يجيك انشالله

يقولون اللي يجيه دوار البحر ان صحته كويسه وماعنده مشاكل ;)

بس يبيلك تستحمل انا بدايتي في البحر عانيت من الدوخه والحين والحمدلله ماصار يجيني دوار البحر


انشالله ربي يعينك على دوار البحر وينتهي باسرع وقت

تحياتي لك

[accentkool]

الشي لمن تفكر فية بيصيدك انساء ينساك واتمنى لك رحلات بحرية بلادوخة

[alkOoOnt]

الشباب ما قصروا يعطيهم العافيه بس حسب تجربتي لما يحرك البوت لا تطالع ع الموية بجنب البوت خل نظرك لبعيد لا تركز بالموية.
والاكل سبب للاستفراغ ودوار والبحر.
عاد لا جا وقت الجلب والشغل ارمي جلبك ولاتطالع بالموية سولف مع الشباب واسحب يا حوات . ما يمنع تاخذلك حبتين لدوار البحر اذا ما تنفع ما تضر بمشيئة الله وربك يسهلها.

[الفنك]

مافي حل خذ علم حوات ابا عن جد ولعلمك الدوخة سببها الاذن الوسطى وهذه دلالة على ان اذنك سليمة 100في 100 واللي ما تجيه الدوخة اذنه مضروبة

[AL-Thaqafi]

يآآآ خـوووك اول مآتحس بغثيان ..
كــبررر المخدة ( خذلك غفوة )..
والله انا مثلك كنت كذا
بـس مع اول طلعة الله لا يوريك..
بـس بعدين والله الحمد لله ..
تعودنا ..
:)
تح ـيآتي :/
الثـقـفـيً

[المعلاوي]

الله يعينك إنت حالتك نفس حالتي غثيان شديد ودوخه وأكرِّه اللي معايه في شيء اسمه بحر من كثر التقيؤ والاستفراغ أكرمكم الله ..
وهذي قصتي مع دوار البحر ..
أول طلعه لنا كرهت خوياي في شيء اسمه بحر نكدت عليهم رحلة الصيد
وبعد كذا طلعنا مره ثانيه وكانوا خايفين إني أدوخ وأفسد عليهم طلعة الصيد وفعلاً ماجات نصف ساعه من الانطلاق إلا وأخوكم يستلم طراش وغثيان ووجه أحمر الله لا يوريكم وضغط منخفض ..
والطلعه الثالثه كانوا حالفين ما أروح معاهم لكن حاولت فيهم (وتعرفون البحر وعشقه) وبعد عدة محاولات وافقوا إني أخاويهم بس اشترطوا إني آخذ حبوب دوار البحر (ديزينيل) قبل الطلعه بساعتين والمهم أخذت الحبوب وخوياي في اللنش أياديهم على قلوبهم خايفين كل شوي يطالعون فيه لكن الحمد لله ماجاني شيء في ذاك اليوم .. بس ما أدري السبب هو بعد إرادة الله من الحبوب أم من البحر لأن البحر كان ذاك اليوم زي القزاز هادي مافيه مد ولا موج زي القزاز بالتمام .. لأن الموج هو اللي يقلب البطن ويجيب الغثيان على حسب علمي ...
وهذي تجربتي حبيت أنقلها لكم ...
تحياتي

[skeet]

لا تطلع بحر وخلاص

[الهاوي1412]

والله ياskeet مااقدر اموت فالبحر مع كل هذه الدوخات
ومشكورين يااخوان على هالنصايح والله يعطيكم الف عافيه وانشاالله اسمع بالنصايح والسلام عليكم ورحمت الله مبركاته