فراش البر ...؟؟

[أبوأحمد98]

السلام عليكم ورحمة الله وبركاته

عندي سؤال ياجماعة الخير ..فراش البر التنزاني هل يغسل والى لا ..؟؟

بصراحة من شريت فراشي وهو وصخ وما ودي ادور به على المغاسل وانا مادري هل يغسلونه والى لا ..؟؟

فالي له تجربه بغسل الفراش يعطينى علم ..

وشكرا :)

[برق و سحاب]

السلام عليكم ورحمة الله وبركاته
مافيه شي مايغسل اذا الشماغ والغتره اللي اللي انعم من هالتانزاني يغسل وشلون مايغسل الفراش :D اغسل وماجاك علي واحرص الن الغسيل يكون من داخل اكثر من الخارج يعني خذ راحتك بالدهج من داخل الفراش ومن برا لا تحرص واجد عشان ماتروح الماده العازله ونصيحتي اغسله في البيت :good: حطه في الحوش وعليك باللي والصابون وبس ...وعقب علقه وسبعه :D واتركه ينشف في الظلال احسن لك من الشمس عشان مايشقص :good: .
تحياتي

[أبوأحمد98]

برق و سحاب .. هلا والله بالغالي ..قسم بالله ردك ابر سبدي ..الله يجزاك خير .. بس مسالة اغسلة بالبيت والله صعبه <==أنواع العجز ...والله شكلي ابضف الفراش ولاقرب مغسلة .. :rolleyes:

[nahham]

افا يابو احمد

وسع الصدر عليه وانا اخوك

ما يمديه يزين الشاهي الا الدعوى خالصه

[ابو فص فص]

تعال قبل هل هو فرو او قماس بلاستر وقماش

شف اذا قماس ( مفرش ) خذر راحك وكلها خمس دقايق ويتعقم وينظف والامر سهل

انا مجربه ومن زود النظافة كل ما دخلت من البر غسلته

[رواح]

اناغسلتة وتغير إلى أسوءولاصارينفع للبرد الجامد

[ابو فص فص]

اقول رواح

تدور من البطانة الرخيصة وهذي النتيجة

دور الدريويش وشف الفرق

[غيّام]

برق وسحاب اما انت شويه طالع من مزرعه او تربية عجز
ادهجه وسبعه وسواف تشرح الصدر بيض الله وجهك وانا اخوك :D

اخوي الكريم صاحب الموضوع ابو احمد معليش بس رد اخوي برق خلاني اموت من الضحك :D الله يقطع بليسه :D من ناحية الفراش انا ابقولك انك اذا غسلته تراه بيصغرويشمر وبتغير عليك بيصير يابس ان كانه من زمان عندك وتحس انك حللته غيره وخله ذكرى علقه في الملحق :no: :D

[أبوأحمد98]

السلام عليكم ورحمة الله وبركاته

أشكر الجميع على الردود ..وجزاكم الله خير

[رواح]

اقول ابوفص فص معلوماتك غير مؤكده وانا متأكد من كلامي وكنت اصلحه قبل 15عام

[ابو فص فص]

رواح

وشلونك حبيبي عسى شريت بدال فراشك

[ابوحماد]

أنتبه من الغسل المنزلي والله بيطلع فيه ريحة خياس من التخمر في البطانه ولا عاد ينفع تنام فيه

عليك بالغسيل البخار

[بواسامه]

ان غسلته بمغسلة الله يعينك على ريحة البنغاليه وصوابينهم
وبتذكر كلمتى

[ابن بدران]

السلام عليكم

والله ياجماعة الخير انا مجرب غسله كم مرة عند مغاسل الجبر

وتمام التمام ما تغير ولا شي ...

وأنتم بكيفكم عاد

[أبوأحمد98]

الله يجزاكم خير ..ماقصرتوا والله

[ابو فص فص]

وانا بعد غاسله في البيت كم مرررة

وتمام التمام

وتراني مفصله عند توافق( تنزاني ) اول ما فتح محلهم في اسواق الشعبية سابقا ( هايبر بندة حاليا ) يعني شف له كم سنة