اي الطيور طلعه ثبات على الحبارى

[جو الشيخ]

السلام عليكم ورحمه الله وبركاته
تقبل الله منا ومنكم الصيام والقيام
حبيت نشوف اي الطيور اللي يكون طلعه ثبات
واكثر تركيز بالمقناص والطلع على الحبارى
1- الطير اللي على التكيايه داخل السياره
2- الطير اللي على اليد داخل السياره
مع العلم ان كل الطيرين ركادتهن 100%
ويعطكم العافيه

[م العمعوم]

مرحبا اخوي
اللي جربناه حنا وشفناه
ان الطير اللي يطلع قبل الطيور سوا كان على اليد او التكايه
ماهو على شان الركلده لا ...ولا علشان كبر............
هو الطير اللي يسمونه معاودي عند الصقاقير القديمين
يعني الطير اللي متمرس متعود على كثر الهدد
تشوفه على يدك او على التكايه نظره قدام يقنص الطير
ما يطالع لوجه راعيه ههههههههه
عيونه تفتش الشجر
هذا اللي انا شفته والسموحه اذا فيه خطاء
وتقبل تحياااااااااتي اخوك
ممدوح العمعوم

[التميمي 2009]

داخل السيارة مرتاح ينظر مع كل الجهات واخذ راحتة

[VXR2000]

التوقع الطير الي علي التكاي
الان علي اليد مايكون مرتح ويكون مشغول برعية

[الجراح11]

السلام عليكم ورحمة الله وبركاته
اوخي الفرق كبير؟؟؟؟؟؟؟؟؟
* الطير اللي يطلع من اليد :-
1_ يتعبك بنقله وخوياك يقصون
2_ ما تحطه على اليد الا اذا لقيت جره جديده
3_ لو طير احد ربعك الحبارى وهي متقيه عنك صعب تلحق بالسياره والطير على يدك
4_ الميزه الوحيد هي انا الطير يكون اسرع بالهدد عن اللي بالتكيه
* الطير اللي على التكيه :-
1_ يريحك وعده خوي بجنبمك
2_ طول المقناص يفتش الارض قشعه قشعه وحصاه حصاه سوى عندك جره جديده او لا
3 _ احيانن يطلع على فاله وما تدري الا هو صايد
4_ يريحك بالطرد والتلحيق

[ابوناصر السهلي]

افادوك الاخوان

[البآشآ]

من وجهة نظري آن الطير يطلع لا صرت آنت مهيئ له وضعية الطلع

يعني مآتكون مشغله على يدك وتنقله وتلهيه معنى هالكلام ان الطير لا صار على اليد يكون مشغول

اما لا صار على التكيه اكيد يكون مرتاح .... + معلومة الشيخ ممدوح البدر .. مهمـه وآحطهـآ قآعـده عندي

شكرآ

[ذيب الحرار]

الله يعطيك العافيه
ركد في السياره على التكيه

[القنــ أبو تركي ـــاص]

وعليكم السلام ورحمة الله وبركاتة

والله يتقبل منا ومنكم الصيام والقيام

والله اخوي لو توضح اكثر يعني في اي الحالات انت عامل الاستطلاع

(في حال انك قانص في حراوي الحبارى - او انك مضيعها وقاص جرتها )

طبعاً يختلف الاستطلاع في الحالتين....

وعموماً لو شفت جرتها ...من الفرحة يقلك عقلك انك ودك تنزل من السيارة وتنقل الطير على يدك

وانت كلك امل انها الحين تطير ...وتفكيرك بالمضحى

والله يجيب قمرى شهر عشـــ 10 ـــــــرة

واسف على الاطالة

تحياتي لكم

[skeet]

الطير على اليد احرص ويطلع اسرع من الي على التكايه

[الصبيحي22]

السلام عليكم ورحمة الله وانا عندي الطير الي علي اليد افضل بكثير من علي اي شي لاانه الي علي اليد تتكيف معاه فيها كيف ونت شايله علي يدك وهو يفتش امامك وخصه لمه يشوف الحباره ويطلع من يدك الله اكبر والله هل كيف مابعده كيف:f

[دعاس]

كلام سليم’’واضافه الى ذلك عند واحد من الربع طير وهو على يده يعرف طلع طيره
من خلال ضغط الطير لكف صقاره على طلع الحبارى فقط.
والطيراذا كان راكد على التكايه ويطلع ويضرب الدريشه اكيد تبي تخليه ويمكن على باشق معه علف ويروح او لاي شي كان
بس اذا كان على اليد ممكن تشوف الطير وين يهوز ويمكن تشوف ما طلع عليه وتبرقعه,,وبعض الطيور على التكايه ينقز على صندوق الحمام ’’وبعضهن ياصار على التكيه ويهاب الطيور وفي طيور على السيت الخلفي يمكن تشغله عن طلعه
بس الاكيد/ان التكيه اريح من اليد’’بكل الحالات( سيئاتها اكثر من حسناتها)
والافظل للفرخ تعليمه الطلع على اليد
ويعطيك العافيه يابو سامي على الطرح المميز
وتقبل مروري
ابو نواف

[йą9eя]

داخل السيارة مرتاح ينظر مع كل الجهات واخذ راحتة

[@قرناص@]

سوآء داخل السياره ولا على اليـد ..

يعتمد على الطير نفسسه .. يفتش القشع تفتيش ولا منشـغل بـرآعيه ....

والتكيه طييبه اذا كانت الأأرض وعر ولافيه جره

[بو هاشم]

بسم الله الرحمن الرحيم
السلام عليكم ورحمة الله وبركاته
يعطيك العافيه اخوي الكريم جو الشيخ
على طرح الموضوع
وانا في رايي انه طلع التكيه وطلع اليد واحد لا يختلف في ثبات الطلع
وهذا من واقع التجربه انا عندي طير طلع على تكيه ونفس الشي على اليد والثبات واحد
بس لو قلت ايهم افضل طلع التكيه وطلع اليد افضل طلع التكيه لم فيه من الراحه للصقار
ولكن في الاسرع في الهدد والجهوزيه ولاستعداد هو طلع اليد واحفظ للطير
تقبل مروري

[أبوفرحان]

السلام عليكم ورحمة الله وبركاته
اوخي الفرق كبير؟؟؟؟؟؟؟؟؟
* الطير اللي يطلع من اليد :-
1_ يتعبك بنقله وخوياك يقصون
2_ ما تحطه على اليد الا اذا لقيت جره جديده
3_ لو طير احد ربعك الحبارى وهي متقيه عنك صعب تلحق بالسياره والطير على يدك
4_ الميزه الوحيد هي انا الطير يكون اسرع بالهدد عن اللي بالتكيه
* الطير اللي على التكيه :-
1_ يريحك وعده خوي بجنبمك
2_ طول المقناص يفتش الارض قشعه قشعه وحصاه حصاه سوى عندك جره جديده او لا
3 _ احيانن يطلع على فاله وما تدري الا هو صايد
4_ يريحك بالطرد والتلحيق



كلام عين العقل واوافقه الرأي

[صياد ليبيا]

السلام عليكم ورحمة الله وبركاته

نحن في ليبيا ومن خلال ما تناقلناه من اجدادنا في نقل الطير الطلع
لا ننقله الا علي اليد وحطة الطير علي التكية غير معروفة بالمرة
ممكن اغلب الصقارة لدينا لم يسمع بهذه الطريقة و ولا يقتنع فيها حتي لو اثبتت فاعليتها بالنسبة لرأي الشخصي ان ثبات الطير علي نقله راعيه ومده حفظه لردود افعال طيره واللي يقول ان نقلة الطير علي اليد متعبة فأنا اقول انها متعة لا تضاهيها متعة وعمري ما حسيت بتعب لان القصة كلها تعود وبعدين الارض اللي تقنصها لو كانت مرية وصيدها وافر ما تمل من شيلته واتشوف حركاته وتعرف حتي من طلبه اذا كانت الحباري دارجة او طايرة لان المعروف في اغلب طيور الطلع انها تصحح برقبتها قبل ما تطلب اذا كان صيدها دارج واذا كان طاير يكفخ عليه مرة وحدة يخلي قلبك يبي يطلع من مكانه وبعدين كل الطيور تمل سواء علي اليد او التكية تلقاه مرة قاعد يفلي ريشه ومرة يعض سبوقه وخاصة اذا كثرت الحركة داخل السيارة يبي يتشتت انتباهه هاذي عوامل مؤثرة في الحالتين مثلا اذا صار شي من هذه مع اطير الحل الوحيد انك تبرقعه واتخليه شوي هاذي تعطيه حافز انه يركز من جديد ويبدا يفتش في الارض اللي قدامه والعملية هاذي اسهل علي اليد وهناك ايضا عامل الخبرة للطير اللي طلع لحباري كثيرة تلقاه يشوفها حتي لو لو تحركت شبر واحد يطلع عليها حتي لو خمرت وتلقاه حط آخر مكان شافها فيها و يروح وينزل عليه الي ان تجي واطيرها له وفي طيور ما تطلع لصيدها بس تطلع لاشياء ثانية مثل القطا والشرياص وفي طيور تنبهك علي هالشي وما تطلعله وفي طيور ثانية تطلع للحباري لكن اذا خمرت تضيع منه ويصير يكسر بالجو ولا تعرف انت الي اي اتجاه كان رايح هذه بعض الجوانب اللي من الصعب تخليك تقول اني لو ناقله علي اليد افضل او انه علي التكيه افضل لكن يبقي امر واحد مؤكد لي ان متعة طير الطلع انك تطالع عيونه وهو علي يدك وتقرا كل ردود افعاله وتحفضها ومن يوم يصير واقف علي يدك ورقبته تطول مرة وحده تصير انت علي اعصابك وبعد ما يأكد علي صيده يطلب عليه واتشفره بره السيارة واتصير تقول يا الله وينها يا الله وينها...
هنا فعلا متعة طير الطلع

سامحوني علي الاطالة لكن انا من عشاق طيور الطلع
وحبيت افضفض معاكم شوي

ايمن مديقش
صياد ليبيا

[راع الطيب]

انا مع اخوي ممدوح والباشا
رائي من رائيكم
والله يوفقنا وياكم

[قنيص غير]

افادوك الاخوان

[طيرالحمــــاد]

الطير يحرص على المقناص اكثر لما يكون على يدك

تحياتي لكـــ

[ناصر بن عبيد]

يعطيك العافيه على هذا الطرح الرائع


اما بالنسبه لرايي الطير يكون طلعه على اليد افضل واثبت من اللي على التكيه


مع ان اغلب الصقاقير الآن كل طيورهم على التكيه راكده وتفر ع اللي يطلع واللي مايطلع


اما الطيور اللي تطلع مسافات بعيده وهذا من واقع تجربه اللي على اليد مافيه كلام مع انه متعب شوي للصقار نفسه


تحياتي للجميع

[الهاجري ج]

مرحبا اخوي




اللي جربناه حنا وشفناه
ان الطير اللي يطلع قبل الطيور سوا كان على اليد او التكايه
ماهو على شان الركلده لا ...ولا علشان كبر............
هو الطير اللي يسمونه معاودي عند الصقاقير القديمين
يعني الطير اللي متمرس متعود على كثر الهدد
تشوفه على يدك او على التكايه نظره قدام يقنص الطير
ما يطالع لوجه راعيه ههههههههه
عيونه تفتش الشجر
هذا اللي انا شفته والسموحه اذا فيه خطاء
وتقبل تحياااااااااتي اخوك


ممدوح العمعوم





لا فض فوك وتسلم يمناك يالعمعوم انت وراعي الموضوع جو الشيخ والقراء



كلام سليم مليون % في الميه


دامه راكد100% وصايد فطلعه يعتمد على حدة نظرة الطير وتطلاعه وفحصه للقاع اللي قدامه


أضف عليها ان الطلاع اللي عليه الكلام مايهمه اللي في جنبه او على كفه .... همه الوحيد كشف الارض ورصد اي حركه من اي طير او حيوان
واذا ثبت طلعه على الحبارى قال وخروا عني .... وين الدريشه


هذا ما اردت اضافته والله الموفق

[راعي غضبان]

مرحبا اخوي والطير الراكد سواء على يد او على تكيه وهذا مجربه بنفسي قبل اعرف التكيه اطلع طيري على يدي ولايطلع قبله طير وبعد ماجت التكيه وتعلم عليها نفس الطريقه والله يطلع مطاليعه الي انا خابر وكم مره انسى مافك اسبوقه احطه بمربطه ماتعودنا على التكيه وماخذ الى وهو يتدلدل مع الباب المعاوني ويالله ارجعه وافك اسبوقه ومشكور اخوي واقول الراكد راكد ولمنه صار متعود على الطلع وتفتيش الارض والقشع ويفلي فليا طيب ولايعاين في وجه راعيه ويتفلى والله يرزقنا وياك ويوفق الجميع بما يحب ويرضى

[القرمازي]

ماقصرو الشباب والطلع واحد اهم شي ان الطير راكد ويفلي الارض ولاعليه من الي يتحرك هذا الطلع الوكاد والاعلى يد اوعلى التكيه واحد ومشكور اخوي

[صاحب نوماس]

الطير الراكد على التكية

[الطرس ممدوح]

السلام عليكم ورحمة الله وانا عندي الطير الي علي اليد افضل