ارجوا المساعده ( عندي سلوقي وابغى أدربه )

[الهيس الاربد]

السلام عليكم ورحمة الله وبركاته ،،

كيف حالكم ياعيال ..

ياعيال انا عندي سلوقي موب صغير ولا كبير ..

وأبغى أدربه لإنه موب نشيط مره ،

أبغى أعرف من أهل الخبره ، كيف أخليه نشيط وذهين

[الــحـاكــمــ]

يفيدونك الربع

[الفهد الصبيحي]

ياخُوي جزاك الله خيٌر يمكن السلقه ماهي متعوده عليك خلهاا تتعود عليك وششوف ونكاانه ما هو حار بعني مهو نشيط وش تبي فيهااء.ْ}.
تلقااه ما فيهاا خير وشكرن
تقبل مروري اخوك./ الفهد الصبيحي

[الهيس الاربد]

أشكركم على المرور ،

أخوي الفهد ، أناا سمعت أنه فيه حلول لـ تنشيط السلوقي :)

لكن ابغى أعرف وشي :)
هل اني أمشيه باليوم كيلوين او 3

وعندي سؤال ، كيف أعوده على الصيد ؟ وعادي أوكله ( تونه )
؟

[بدوي.]

اسمع ياخوي قبل كل شي لازم تعود السلوقي عليك انت بس وتحدد له اسم معين

ثاني شي دربه على جرابيع ارانب قطاوه اي شي زي كذا قبل لا يعرف ركوب الصندوق

ثالث شي انه يكون مربوط قبل التدريب بوقت لا يكون هامل

وبعدها دبر لك اي واحد من الربع عنده سلق تركب وعوده على الركوب

باستمرار وحط له الاكل با الصندوق عشان يعرف الصندوق زين

وعوده على الكلمات هاذي حوحو للانتباه ياح ياح لتشجيع عيب عيب للخطاه

وبعدها انشا الله يطلع اسد


وانشا الله استفدت

[الذود العفر]

أنتبه لا تهد السلوقي على البس تراه يخرب طبعه ,,

أحتمال يخربش وجه السلوقي وبعدين مايهد على الارانب ..

[الهيس الاربد]

مشكورين وماقصرتوا ،،

وننتظر ردود الإخوان

[بدوي.]

اخوي الذود العفر عادي جدا ان السلوقي تهده على بس اول شي الي يدربون سلقهم على الحصني

قبل لا يهده على حصني يهده على بس يشوف هو قدها ولا لا وانا قصدي ان السلوقي اقوى من البس بعدين

هو لو ماهده على بس بيهده على حصني والحصني اقوى من البس هي نفس اشي

بعدين فرق كثير بينهم البس صغير والسلوقي اكبر حجم

وانشاء الله تكون صراحتي ما ازعجتك

[ابوحمد 2009]

ان شاء الله افاودك الاخواان

[عاشق الكمب]

ماقصرو الشباب

[@قرناص@]

التمشيه عليه 5 كيلو 10 كيلو ..

وتفكله جرابيع وتخليه يتحمس وتطلعه مع سلق مدربه .. افضل الطرق ,,

[LEUPOLD]

وعليكم السلام
اول شي عود السلوقي عليك وكله من يدك ومسح عليه
ثاني شي جبله جرابيع وخله يعرفها
ثالث شي خله مع سلقه كبيره او ذيخ كبير فاهم عشان يعلمه
وعلى طول يتعلم
وعشان يكون نشيط اجرد السلوقي ركضه وذا كان توه لا تكود عليه
وفكله جرابيع نهار احسن شي للجرد ويصير نشيط ويتغير عليك مررررررررره
ارجو اني افدتك
اخوك الباهلي

[الهيس الاربد]

الله يجزاكم خير :)

[امير البر]

خله مع سلوقي او سلقه كبيره ومدربه وبتلقاه يدرب شوي شوي وبس انتبه من البساسه الين يجي عمره 4بعدين عادي

[حمود محمد حمو]

مشكور يا الغالي وفديت كيانك اخوك رمح الشمال 501

[الغلاء كله]

خله يتعود عليك آول شي ثمن خله ينشي معك وصوت له بآسمة ثمن بعد كم مرة تمشية آبد آركض معه ثمن خله يلحقك بآلموتر وصوت له حو حو بس خله على خفيف ثمن كثر آلمسآف وآسرع وكذآآ ثمن رح صد فيه جرآبيع وآشوهآ له وخله يآكلهآآ طبعن آشوهآآ زين مرة وقبل لاتقنص لاتعطيه شي قبل بيوم وآذآ صآآد آلصيدة خله ينزله له بآلآرض وآنتبه يآكلهآآ وخله يسمع كلامك وعطه لحم ولا دجآج وآلآحسن آلي آفضله سته آيآم دجآج ويوم لحم وحطة بمكآآن نضيف مرة وعنده دريشة كبيرة شوي يعني ولا وسط تكفي وكل يوم حطة بحوض خله يسبح رآيح جآي نص سآعه ولا ربع بس لايكون آلحوض غميق ورح كل شهرين للبيطري آكشف عليه وآنبه من آلقرآآد

وهذآ كل آلي عندي وآبي منك آلدعآء لي وآتمنى آفتدك