فزعتكم ابغا طريقة لتربية الكلب للحراسة

[...المغيدر...]

بسم الله الرحمن الرحيم وبعد:
الله يكرمكم انا مسكت كلب جعري صغير وحطيته بالمزرعة ( عند الغنم والحلال ) واعطيه اكل وشرب بس مدري عاد يصلح للحراسة ولا لا واللي يخبر طريقة لتدريبه للحراسة يخبرنا الله يجزاكم خير
احس انكم بتموتون ضحك ( يبي يخلي الجعري للحراسة )

[اسد غامد]

عطنا صورته تكفى عطنا صورته تكفى تهز الرجال يمكن يكون الضبع العربي
المهدد بالانقراض حط صورته تكفى

[بريداوي اصليm]

وعليكم السلام
لا بالعكس ما أبضحك أنا وواحد يقرب لي مسكنا وأنت بكرامه كلب جعري صغير
وخليناه ما يشوف ولا أدمي غيرنا كبر صار عمره 4 أشهر بغرف ونطلعه بالحوش يلعب بس
لاشاف أحد يناابح ووده يهجم عليه وفي ناس يربون كلاب بشهر شراسه وطاعه
أبحاول أعطيك رقم واحد يربي كلابه أعزكم الله

[...المغيدر...]

الله يهديك يا اسد غامد اجل تقول ضبع هو كلب وجعر بعد وين ضبع معه ولونه اسود وبعض البياض في بطنه

[...المغيدر...]

الله يجزاك خير يا بريداوي اصلي رفعت المعنويات والله وان شاء انه يبي يغطي على البوليسي

[بريداوي اصليm]

أمين وياك بس نسيت أقولك
طعمه عند بيطري لا يعضك ويجيك لاقدر الله مرض ولا شياً كايد
طبعاً أعزك الله الكلب الي ربيناه نطعمه كل فتره

[ابوحمد 2009]

ان شااء الله يفيدوونك الاخوان

[قلم5]

الطريقة التي تجعل الكلب للحراسة والتربية حاول ان تخصي الكلب مثل (التيوس )
اخي هذه الطريقة اسمع بها ولم اجربها

[هدد9999]

اربطه خلف الحلال في اليل وفي انهار فكة مع الحلال وشرط يصيررقم واحد ÷÷

[SHQRDI]

اربطه خلف الحلال في اليل وفي انهار فكة مع الحلال وشرط يصيررقم واحد ÷÷



صح لسآنك :good2:

مثل ما قآل آخوي هدد9999 آنا جربت الطريقه هذه قبل كم سنه والحمدلله الجعري ( آكرمك الله ) صآر بوليسي من الطرآز الاول :good:

[العون]

شف خيمة السلق هم أهل الإختصاص ولا هو قصور بالإخوان ...

[الصارم1]

اقول خله شهر في غرفه ظلمه والا لا تخليه يشوف احد

[سرطوقا]

طيب تفاهم انت وياه قله انا بعطيك الاكل بشرط تحرس

< من آثار الصووم هههه

مووفق اخوي

[عصاقيل الدخله]

بعطيك تجربتي ،،، عندي استراحة الوالد الله يطول عمره وفيها حلال من جميع الانواع المهم سرقت مرتين والشرطه كالعاده لا حياة لمن تنادي قلت ابيجب كلب الله يكرمكم ونصحني واحد بطريقه الله يجزاه خير وقال خذ لك جرو جعري من تحت امه احسن وفعلاً اخذته
نجي للطريقه
سكر عليه لا يشوف احد غير اللي يعطيه الاكل انت ولا الحارس
بعد 3 شهو خل واحد من اخوياك يدخل عليه بعصا يلين ظهره ثم تعال انت وفكه منه وخل خويك يركض للباب وانت ماسك حبل الكلب وتركض وراه ثم ارجع وسكر عليه 3 شهور بنفس الطريقه وبعدها وخلاص
بس الله يعين اللي يقرب منه
جهز الديه من الحين هههههههههه

[طائي الجبل]

كلب وجعري صغير
شوف أخوي أنا واحد اعطاني طريقة قبل مدة ونجحت وهي :
أن تربط الكلب بالليل عند المكان اللي تبيه يحرسه في المستقبل واذا جاء الصبح تلقاه نيم من كثر المنابح طول اليل
قم واقعده بعصا خيزران وخل العامل يسرح به حول المزرعة واذا ماعندك مزرعة خله مع راع الغنم لاتعطيه فطور الا الظهر واعطه بريك استراحه ساعتين هو والعامل لاتنسى تربطه بعدها تلقاه نيم لاتقعده بصوتك بالخيزران ثم فكه وخله يسرح مع العامل حتى المغرب واذا رجعت اربطه بمكانه الأول وعشه عشاء خفيف (لاتزودعن وجبتين باليوم واليله ) عشان مايفسق وينام بالليل وعلى هذا البرنامج مدة شهر يمار هو صاير خوش كلب اطلقه أسأل مجرب