رأيكم في دلة السيف

[أبوعبدالرحمن الأسعدي]

السلام عليكم ورحمه الله

صباح او مساء الخير للجميع

يا اخوان انا كنت عند واحد من الشباب اليوم باستراحته ولقيت عنده 3 دلال مصفوفات على رفوف المجلس وطلبته وحده منهن وماقصر عطاني علما انه مايعرف للدلال اصلا وانا اردى منه وكان بالاول يقولي خلهن زينه !! قلت ابي هذي لاتردني :D قال تدري خذهن كلهن ههههههه المراد ان فيه دلتين نفس الشكل منقوش عليهن (رسلان) على خصر الدله وفي قاع الدله مكتوب (ماد ان باكستان) بالانجليزي طبعا وفيه دله منقوش على خصرها بشكل صغير (دله السيف) وشكلها قديمه وفيه بقاعها منقوش made in R.O.K وبالعربي (دلة رسلان) ومنقوش بالنجليزي كلمه ستيل وعلامه نجمه ومكتوب ايضا عيار 8-18 واذا فتحت غطا الدله منقوش عليها ايضا (الوكيل العام شركة السيف) طبعا الدلة (فضيه) على قولتكم بيضاء
انا هنا استفسر هل الرسلان الباكستاني افضل ولا رسلان السيف الي معي الان لان لو طلعت الباكستانيه افضل ابرجع السيف واخذ الباكستانيه

وهذا النقش الكتوب بالانجليزي

STAINLESS STEEL
BEST QUALITY
25 YEARS GUARANTEED

وترجمته

الفولاذ المقاوم للصدأ

أفضل جودة

25 سنوات ضمان
وجزاكم الله خير

[أبوعبدالرحمن الأسعدي]

للرفع لعل الله يجيب لنا راع العلم البين

[العاذر]

ما شاء الله
الله يهنيك ويبارك فيك
والله ما عندي علم بس الأخواااان بيطلبون صورة
فاقترح انك تنزل صورة لها يامال العافية

[اخو سعود]

السيف كويسه افضضل

[ثورة الشك]

وقع المكتوب على دله السيف made in p.o.r.c يعني صناعه صينيه

اما صناعه الرسلان الباكستاني تلاقيها صفر و سعرها رخيص

وافضل انك ترجعها مكانها افضل صاحبك انصح منك تبي تسنغله كشفك الحين وش وجهك معه ياليت تعطي الصداقه حقها

ههههههه امزح

[الناب]

خلك على السيف إلي معك
وترها ممتازه وهي من أفضل المتوفر في السوق

أما الباكستانيات خلهن للزينه في المجلس

موفق خير
أخوك
بن فهد

[عتيق]

وفيه دله منقوش على خصرها بشكل صغير (دله السيف) وشكلها قديمه وفيه بقاعها منقوش made in R.O.K

هذي يالغالي دلة السيف الاصليه

يعني مابعد دلة العساف الكورية الزينه الا هذي

وااما الرسلان اللي مكتوب عليهن باكستان فهن عاديات حيييييل

بالتوفيق

[نزاع]

السلام عليكم


بلا منازع السيف الكوريه لها سنين عندي .... يعني على قولتهم تتوارثه الجيال ...
الصينيه هي افضل الموجود في الوقت الحالي وانا والله ماجربتها بس اذا ستانستيل من نوعيه جيده رايح تكد معك (( جب مغناطيس ومرره على الدله )) اذا مسك المغناطيس على الدله ترى الستيل مضروب ...

[أبوعبدالرحمن الأسعدي]

الف شكر للجميع وماقصرتوا ومازلت متابع للآراء وماعلى الاخوان قصور

اما بالنسبه لك اخوي ثوره الشك انت تقول مكتوب عليها made in p.o.r.c وانا اقول مكتوب عليها made in R.O.K فيه فرق ياخوي الي معي كوريه لاني ترجمتها واثبت الكلام هذا بعض الاخوان هنا جزاهم الله خير وانت الي حطيت يرمز للصناعه الصينيه

وشكرا للجميع

[قنااااص]

ماقصروا الاخواااااااااان

[أبوعبدالرحمن الأسعدي]

شكرا لك ياقناص

[أبو براك]

وعليكم السلام ورحمة الله وبركاته

هذه الاختصارات

جمهورية الصين الشعبية

People Republic of China

P.R.O.C

-

جمهورية كوريا

Republic of Korea

R.O.K

[أبوعبدالرحمن الأسعدي]

شكرا لك اخوي ابو براك

ودي اسألك والسؤال للجميع هل يوجد دلة الان السيف كوريه؟؟ ولا تعتبر من النوادر الان وكم سعرها لو تكرمتوا

[عتيق]

اذا العساف الكوري موجود الين هالحين فمن باب اولى انك تجد السيف الكوري

والاسعار على هوى التاجر

ماله سعر معين

بالتوفيق

[القلب الطيب]

مشكورين على المعلومة

[كاشخ 24 ساعه]

دلة السيف السابقه جيده ولكن الموجود في الاسواق الان رديئه جدا ولا انصح بها

ان كان ولا بد لا تاخذ الصفرا وخذ الستانلس ستيل