بديت اشك في مراوح السوبارو

[بترووول]

السلام عليكم كيف احوال الربع
اخواني انا بديت اشك في مراوح السوبارو انها
تخرب الدينمو لنه اكثر من واحد قاله
ونا قبل 6 شهو غيرت الدينمو مرتين
واخر شي قالو نزلها ومارضيت قلت
تاكدو ان مافيه التماس
وفحصوه لقو فيه التماس وصلحوه
قبل فتره ومقدر اقيم هو صلح او لا الا بعد فتره
وذ ا صدق يخرب نبغا حل يهل البترولات
لنا مانستغني عنها

[فهد773]

اخوي ركب دينمو لكزز لان دينمو الباترول ضعيف ومراوح الكهرب تبي لها كهرب مزبووط

[يا سلام سلم]

يا بترووول ،،،

مدري عن هذي المراوح لكن سمعت اكثر من واحد يقولون انها تعطب الدينمو ،،

شفني ودي اركبها وخااااايف ،، لذلك الله يعينك ،،

[brgawy]

السلام عليكم ورحمة الله وبركاته
اخوي اذا كنت ماتبي الحنه نهائي ركب مراوح كهرب

وانواع المراوح الزينه الي اعرفها سوبارو وتجي سرعتين ونوعين كبار وصغار على حسب المساحه عندك وسعر الصغار قبل كم شهر مستعمله نضاف من130الى150 الواحده واحسن شي تركب لها كتاوت عشان تدور اسرع

واذا كنت تبيها تعيش اكثر عمر خلها على حساس اذا احتما الموتر تشتغل

وعليك باالكهربائي الجيد:good2:
والله يكتب الي فيه الخير


اااااااااسف على الاطاله


اغلب الشباب يقولون ركب دينما غير دينما اللي تركب بالبترول
واللي يقول ركب حساس

انا مثلك سمعت ان الدينمو تخترب ومازلت محتار وبسأل عن الاسعار

ومشكلتي معي بترول 90 مالقيت محل اركب فيه مراوح سوبارو؟؟ فيه موضوع شرح كيف تركب مراوح سوبارو مدري ماكسيما بس شفت الصوره فيه مجال كبير وفتحت كبوت سيارتي مافيه مجال وش الحل؟

[لاتكب البيالة]

السلام عليكم
المصنع اذا صنع سيارة بيحاول يقلل التكاليف قدر الامكان ومثال
هل تعلم ان الترس الاول بالقير مصنوع من معدن اصلب مما صنع منه الثاني والثاني معدنه اصلب مما صنع منه الثالث وهكذا لماذا ما يصنعونهن من معدن الترس الاول هنا التقليل من التكلفه
هذا مثال والدنمو ايضا مصنوع من ماده للملفات وماده للعزل بحيث تحمل احمال السيارة فقط وتزيد شي بسيط مثلا السيارة تبي90 امبير يحطونه يتحمل 100 طبعا يقدرون يحطونه يتحمل 150 لكن لتقليل التكلفه
انت عندما تركب مراوح كهرب او ثلاجه او غيره زدت الاحمال فوق طاقة الدنمو وعلى المدى الطويل بيخرب اول يستهلك وهذا المدى يعتمد على مقدار الزيادة على طاقته
اذا المطلوب منك انك تركب مولد بحيث يتحمل هالاحمال اللي انت اضفته او انك ما تشغل الاحمال كله بوقت واحد وهذا صعب بعض الاحيان
وصلى الله على نبينا محمد

[العابر2222]

السلام عليكم ورحمة الله وبركاته

أخوي اي اضافة كهرب في السيارة لابد من اضافة كتاوت مناسبة للشي الي ركبه

هل انت مركب كتاوت للمراوح ؟؟

فائدة الكتاوت تنظم الكهرباء للقطعة الي انت مركبها ... يعني كمية الكهرباء الداخله والخارجة ولو طلبت المراوح كهرباء زايدة الكتاوت نفسها تدبل الكهرب بدون الضرر على البطارية والدينمو ..

اهم شي كتاوت مناسبة لكمية الكهرباء للمراوح

[ابوفواز1000]

ركب دينمو الباترول الجديد لانه فيه مراوح كهرب انا معي باترول 90 وقالي كهربائي ركب دينمو الباترول الجديد يقول يركب يعمله ترهيم بسيط وقوته تقريبا 100 امبير تقريبا

[بترووول]

مركب وقوت الدينمو حقه 100 امبير
لازم نرهم له دنمو اقوى عشان بعد الترهيمات
شوفو لنا حل تكفون

[محيسن1]

السلام عليكم
يااخوان كان معي باترول 91 الله يسقي ايامه
مركب مراوح كهرب وبطاريه اضافيه
وزي اللوز ولكن مركب له دينمو باترول 4500 يجي قوة 100 امبير طبعا اصلي
وبعدين يركب بدون اي ترهيم علي طول فك وركب طبعا سعره عند الوكاله ناااااااااااار
بس اخذته مستعمل 500ريال
وبعت الموتر له فترة والي الان مع راعيه ماشكي منه شي ابد

اتمني اني افدتكم

[الثويرات]

عند تركيب مراوح الكهرباء لازم تركب حساس بس شف وش البلف الي عندك على كم يفتح . عشان تركب الحساس اعلى درجه منه شوي.

يعني اذا كان البلف درجة حرارته 76% ركب حساس 80 على 85 وهاكذا.

لان اذا ماتوافقت الحاجتين ذولي يشتغلن المراوح ولايوقفن ابد الى الا الصبح بس اول ماتشغل وهذا هو الي يتعب الدينمو.
او ان السيارة تحتمي والمراوح واقفه ما اشتغلت يعني لازم تقيس الامور.

وكذالك الدينمو لازم يكون 100 امبير اقل شي.

وكلامي ذا عن تجربه وتجريح اصابع هههههههههههه ارجو اني افتك

[ابوصالح77]

يمكن الكهربائي ماسلك لهن زين ، وعشان كذا يصرف كهرباء
وديمنو الكهرباء لاتركب غير الأصلي
بالتوفيق

[يكفيني نظرة]

انا كان معي هايلكس 2006 دفرنسين وركبت مراوح وسيدا لقطع الغيار اشتري دينمووووو علطول خرب عندي..