يوسف الخليفة1
19/08/2010, 01:54 PM
مريت انا مطلق قبل عدة اعوام=يوم القميري يلقى باول قدومه
كم فات من موسم عليه الكرك حام=ما ينزل الا في مشارف حزومه
واليوم باشجاره ذعاذيع الانسام=ما توحي الا قوقسيه وبومه
ان دارت الدنيا ترا الصيد ما دام=حتى لو الاقوام دامت سلومه
راحت علوم الريش تذكار واحلام=ما باقي الا خاليات معدومه
ما غير دخل ما تجي كيلو ايدام=والا الغرانيق بزفرها زخومه
راجعت بالي وش بلا احوالنا جثام=مثل الهدام اللي على راس كومه
لعلها فعل المعاصي والاثام=وامخالف المسلم نظام الحكومه
والجور والاسراف واسلوب الاعدام=من غير تبصير النفوس اللهومه
حتى المكون بجحرها جتها الاضيام=من الضحى لين المسا في خصومه
تحاشقوها بالخلا خلف وقدام=واكيد ناتجها المرير مهزومه
اللي بمسحاته على الجحر هدام=واللي يصور مجزرتها بزومه
حتى الارانب قد غدا عظمها رمام=الجيب والبارود تخفي رسومه
في كل قاصي جاها سفاح الاجرام=ما يترك من الصيد غير الدمومه
متى نشوف من العفاري والارام=وابدون ضلعان الشمال وتنومه
متى الحباري تكثر بعرق لزام=وابساق والجلعب وتذكر علومه
عسا مصيدن فات يرجع لقدام=وايامنا بامر العظيم محكومه
بارادته تمضي تصاريف الايام=والادمي بامره يحقق حلومه
راجيك يا ربي من الخير باكوام=وامزون بالمنشا تزايد ردومه
وسميتن فيها الهماليل كالخام=من ضيق وبلن نازلن من خشومه
مداها من صنعا اليا قاصي الشام=تقضي على القيظ الطويل وسمومه
يوسف الخليفة ( أبو عبد الله )
كم فات من موسم عليه الكرك حام=ما ينزل الا في مشارف حزومه
واليوم باشجاره ذعاذيع الانسام=ما توحي الا قوقسيه وبومه
ان دارت الدنيا ترا الصيد ما دام=حتى لو الاقوام دامت سلومه
راحت علوم الريش تذكار واحلام=ما باقي الا خاليات معدومه
ما غير دخل ما تجي كيلو ايدام=والا الغرانيق بزفرها زخومه
راجعت بالي وش بلا احوالنا جثام=مثل الهدام اللي على راس كومه
لعلها فعل المعاصي والاثام=وامخالف المسلم نظام الحكومه
والجور والاسراف واسلوب الاعدام=من غير تبصير النفوس اللهومه
حتى المكون بجحرها جتها الاضيام=من الضحى لين المسا في خصومه
تحاشقوها بالخلا خلف وقدام=واكيد ناتجها المرير مهزومه
اللي بمسحاته على الجحر هدام=واللي يصور مجزرتها بزومه
حتى الارانب قد غدا عظمها رمام=الجيب والبارود تخفي رسومه
في كل قاصي جاها سفاح الاجرام=ما يترك من الصيد غير الدمومه
متى نشوف من العفاري والارام=وابدون ضلعان الشمال وتنومه
متى الحباري تكثر بعرق لزام=وابساق والجلعب وتذكر علومه
عسا مصيدن فات يرجع لقدام=وايامنا بامر العظيم محكومه
بارادته تمضي تصاريف الايام=والادمي بامره يحقق حلومه
راجيك يا ربي من الخير باكوام=وامزون بالمنشا تزايد ردومه
وسميتن فيها الهماليل كالخام=من ضيق وبلن نازلن من خشومه
مداها من صنعا اليا قاصي الشام=تقضي على القيظ الطويل وسمومه
يوسف الخليفة ( أبو عبد الله )