ابي الفزعه عندي مشكله في كلبليتر الباترول

[ماجد الهلالي]

بسم الله الرحمن الرحيم


اخوني عشاق الباترول


عندي باترول وفيه الكلبليتر يقطع ويدخن دخان اسود وخصوصا اذا كان الموتر واقف وهو شغال تقريبا ( 15 ) دقيقه او اكثر ما عاد يمشي زين كانه بيطفى لازم ادعس له على شان يصفى وبعدها امشي وديته لورشه بحي الخليج بالرياض لواحد مختص وكل مدحه بس جلس اقل من سنه ورجعت العله مره ثانيه


ابغى واحد ومعروف مره يكون فني مختص للكلبليتر او اي حل ثاني ارجو الافاده لا هنتو

[السلمان2]

اخوي هذا عيب النيسان تبي تريح راسك الله يعينك اشتري لك واحد جديد من الوكاله وركبه او خذ الكلبليتر وروح للوكاله وقلهم
او اشتري لك كلبليتر لسيارة غير النيسان ذكرها لي واحد والله ماني متذكر لاكن يقول والله ريحت راسي
عزم وصرف بنزين يعني توليفه على الجيب وترى اللي يعدم الكلبليتر تعباة البنزين وهو مصفر وشغال لازم تطفيه
لان الوسخ اللي بالتانكي يسحبه الكلبليتر ويعدمه اما مكانيكي قليل ماتحصل واحد تمام يزينه لك لانه صعب النيسان يبيله واحد فني صح
هذا اللي اعرفه ياخوي

[بوه مير نيم12]

مشكلة الباترل
كلبليتره
انصحك قبل لاتشتري جديد
وده عند احد الفنيين يوضبه مع تغيير الاصلاحات

[ماجد الهلالي]

اخوي هذا عيب النيسان تبي تريح راسك الله يعينك اشتري لك واحد جديد من الوكاله وركبه او خذ الكلبليتر وروح للوكاله وقلهم
او اشتري لك كلبليتر لسيارة غير النيسان ذكرها لي واحد والله ماني متذكر لاكن يقول والله ريحت راسي
عزم وصرف بنزين يعني توليفه على الجيب وترى اللي يعدم الكلبليتر تعباة البنزين وهو مصفر وشغال لازم تطفيه
لان الوسخ اللي بالتانكي يسحبه الكلبليتر ويعدمه اما مكانيكي قليل ماتحصل واحد تمام يزينه لك لانه صعب النيسان يبيله واحد فني صح
هذا اللي اعرفه ياخوي



مشكور وما قصرت على المعلومة ولاكن اكيد فيه حل ننتظر باقي ردود الاخوان






ياليت من المشرفين نقل الموضوع الي:


http://mekshat.com/vb/images/myicons/33.gifخيمة أعطال السيارات وإصلاحها

[ماجد الهلالي]

مشكلة الباترل
كلبليتره
انصحك قبل لاتشتري جديد
وده عند احد الفنيين يوضبه مع تغيير الاصلاحات



ما عندي مشكله اغيير جميع الاصلاحات واليات بس وين الفني المضبوط الي ما ترجع له المشكله

[راعي جلمود]

ان كانك تبي النصيحه مر طق لك جديد

والله ماله طب الا التغيير

بيريحك ثلاث اربع سنين

وبيرجع نفس العله

ترى لو تسوي له اصلاح بطوكيو باليابان بيرجع يخرب

اشر راحت راسك وحس بالفرق بالصفاوه والنشاط والصرفيه المعقوله

وغير على دربك البواجي والصفايه والاسلاك كلها اصلي عشان يصبر معك الكلبليتر ولو كنت توك مغيره عشان يصير كل شيء جديد

تحياتي

[ابو عود]

فيه واحد في صناعية الشفا كانك في الرياض

فني ممتاز تخصصه الكلبليتر

بجيبلك رقمه او وصف الورشه وبرسله لك على الخاص

[ماجد الهلالي]

ان كانك تبي النصيحه مر طق لك جديد

والله ماله طب الا التغيير

بيريحك ثلاث اربع سنين

وبيرجع نفس العله

ترى لو تسوي له اصلاح بطوكيو باليابان بيرجع يخرب

اشر راحت راسك وحس بالفرق بالصفاوه والنشاط والصرفيه المعقوله

وغير على دربك البواجي والصفايه والاسلاك كلها اصلي عشان يصبر معك الكلبليتر ولو كنت توك مغيره عشان يصير كل شيء جديد

تحياتي




لا هنت اخوي على النصيحه ويمال العافيه بس سعرالكلبليتر الجديد الي انا اسمع عنه بـ 1800 ريال وما ادري هو صحيح او لا علما باني موديل موتري قديم 1989 م

[ماجد الهلالي]

فيه واحد في صناعية الشفا كانك في الرياض

فني ممتاز تخصصه الكلبليتر

بجيبلك رقمه او وصف الورشه وبرسله لك على الخاص



ياليت تجيب لي رقمه واكون لك شاكر

وهل انت مجربه او تسمع عنه واشتغل في الباترول او لا

[escape_man]

ماجد ..

بادلك على متخصص وشخص قديم وان شاء الله بتدعي لي ..

ورشة ابوعادل بالصناعية القديمة

لاجتك اشارة السالم للزجاج .. تعدها وانت رايح شمال

لاتعديت الراجحي الي يمناك وجاك شارع الجمعية ..

تعده واول لفة لف معها من عند البنشري

شف فيه ورشة على يشارك ووجهك شرق كلها جيوب وجموس .. عليها لوحة صغيرة مكتوب عليها ابوعادل

لاتقول عندي مشكلة بالكلبريتر .. قل ابي تصفية وتشييك الليات الهواء وهم بيعطونك علة الموتر

[ماجد الهلالي]

ماجد ..

بادلك على متخصص وشخص قديم وان شاء الله بتدعي لي ..

ورشة ابوعادل بالصناعية القديمة

لاجتك اشارة السالم للزجاج .. تعدها وانت رايح شمال

لاتعديت الراجحي الي يمناك وجاك شارع الجمعية ..

تعده واول لفة لف معها من عند البنشري

شف فيه ورشة على يشارك ووجهك شرق كلها جيوب وجموس .. عليها لوحة صغيرة مكتوب عليها ابوعادل

لاتقول عندي مشكلة بالكلبريتر .. قل ابي تصفية وتشييك الليات الهواء وهم بيعطونك علة الموتر



والله انك جبتها :good2: ناسي ابو عادل ما جاء على بالي ابد وازيدك من الشعر بيت ترا ابو عادل يقرب لي بس ناسيه :D:D:D


الله يطولي بعمرك وربي يوفقك ويسعدك دنيا واخره

[رحال نجد]

حبيبي أنا صارلي مثل سالفتك بالظبط رحت لأكثر من واحد كلو احد يقول لي راي المهم أني اكتشفت أن واحد من ليات الهواء منفصل وركبت جديد بخمسة ريال وصفا الموتر ولا عندك أحسن منه شيك على الليات وكانها مضبوطة خذ هذا رقم راعي ورشة سعودي لعبته النيسان يرهم له كربريتر حق تايوتا بـ 1700 ريال ماجربته بس هو يمدحة والجديد حق النيسان بحول2500 ريال وعسى ربي ييسر أمورك ولا يخسرك

[ماجد الهلالي]

حبيبي أنا صارلي مثل سالفتك بالظبط رحت لأكثر من واحد كلو احد يقول لي راي المهم أني اكتشفت أن واحد من ليات الهواء منفصل وركبت جديد بخمسة ريال وصفا الموتر ولا عندك أحسن منه شيك على الليات وكانها مضبوطة خذ هذا رقم راعي ورشة سعودي لعبته النيسان يرهم له كربريتر حق تايوتا بـ 1700 ريال ماجربته بس هو يمدحة والجديد حق النيسان بحول2500 ريال وعسى ربي ييسر أمورك ولا يخسرك




الله يجزاك خير وما قصرت بس وين رقم راعي الورشة الي تقول

[راعي ذرف]

المشكلة ان شاء الله سهلة لكن لازم تصفي كل مجرى البنزين التانكي الكلبريتر تغير الصفاية
والاهم ليات الهوى لان الكثير من الناس يلغيهن وهو خطأ وانت طبق الليات اللي على الرفررف
من اي سيارة باترول من 89 الى97 واحرص على البليتين والبويبينة اللي بالديلكو
لكن غير اصلاح اصلي للكلبليتر ولا ترهم فيه ابر ، تنظيفة وتغيره عند فني تثق فييه اهم من انك
تدور الفني الممتاز والشغلات هذه ماتكلف كانك مسوي صيانة وانا استخدمت 90 و 93
ومامر علي مثل المشاكل اهم شي ابتعد عن الترهيم
ملاحظة اذا كان الكلبريتر نظيف لاتغيره بس غير اصلاحات واصلية لانه عكس التايوتا
كلبريترة تغير كامل ولا يصلح

[ابن العيون]

مشكلة الباترل
كلبليتره
انصحك قبل لاتشتري جديد
وده عند احد الفنيين يوضبه مع تغيير الاصلاحات

واهم شي اوبرالكهربة اهي اهم حاجة

[فرخ قطا]

فيه واحد ببريده ممتاز لعبته الكلبليتر بالشارع التجاري
سوداني اسمه جبريل خذ الرقم ودق عليه وذا تقدر وده لمه ازين
هذا الرقم0553231764 اتمنى اني افدتك واي شي تبي انا حاضر
تقبل تحياتي فرخ قطا

[ماجد الهلالي]

الله يجزاكم خير على الافادة

ونطلب المزيد

[مازن الصعب]

السلام عليكم

اخبارك ياماجد

شف وانا اخوك يمدحون كلبليتر التويوتا وسعره رخيص مقارنه الباترول

سعره جديد 750 اذا ماخانتي الذاكره

وتركيبه مايكلفك 300 ريال لانه يحتاج تفصيل قاعده

واعرف رجال مركبه بالزلفي ولا اشتكى منه

على العموم مو لازم تاخذ كلبليتر تويوتا جديد خذ مستعمل ارخص لك

واذا تبي رقم راعي الورشه راسلني على الخاص وابشر بالسعد

اتمنى اني افدتك

فمااان الله

[ابوسعودد]

حياك الله اخوي ماجد
بالنسبه لموضوعك انا صارت لي مثل مشكلتك قبل فتره وحسيت ان المشكله كنها طوق على رقبتي وفيه واحد عندنا في القصيم متخصص فيها وحلها لي .
اولا : انصحك انك تقلبه بخاخ
ثانيا : ارسله للقصيم وان شاء الله تلاقي الحل هناك وانا مستعد افزع معك باللي تبي .