طعم التانكي واكثر من حل ماهو الافضل وعطونا حلول زياده

[اسير الغضا]

السلام عليكم ورحمة الله وبركاته

اخواني الكرام اثناء بحثي عن مشاكل الكشاته مع روائح التانكي وجدت ان الكثير يعاني من هاذي المشكله

واحصل ردود واقتراحات حول الشي هذا وقلت اجمهن لكم هنا لعله تحصل الفائده وحتى لايتعبون الاخوان في البحث عن الحلول
وان كان احد عنده طريقه لايبخل علينا


الحل الاول

الريحه والطعم تزول باضافة كاس عصير ليمون وكاس خل على نصف التانكي ماء ووضعه بالسياره خلال المشاوير اليوميه وتكرار العملية ثم غسله وتزول الرائحه والطعم.

الحل الثاني
واظنه وقائي لا علاجي

بعد الكشته وانت راجع للبيت
وقبل ماتدخل الديره بشوي
جنّب عند اطرف شحنة رمل
وفض التانكي من الماء الين يبقا نصفه تقريبا
وحط شوي رمل بالتانكي يعني تقريبا 20% من التانكي
وادخل الديره مع ذكر الدعاء واتركه لمدة 3 ايام( ادوران )
وبعدين اغسل تانكيك واتركه مكشوف واول ماينشف صكه باحكام

الحل الثالث

و عليكم السلام و رحمة الله

تجيب كيسين ملح خشن سعره ب4ريال تقريبا

و تفرغهن بالتانكي و تعبيه ماء و تخليه اسبوعين تقريبا

همن تفرغه و تغسله بالماء

و ان شاء الله يروح الطعم و الصدا و النكهة

بعضهم يدهنه بزيت قار و يخليه حتى ينشف

ترى بعض الليات لهن طعم او حتى الحنفيات

الحل الرابع
وأشآر واحد عليه بـ (خل الطعآم ) يعني انه يحطه بالتانكي مع المويه ويرجه مع هالشوارع وروحآت وجيآت ويفضي التانكي ويعبيه مره ثانيه ويفضيه لمين يروح طعم الخل

الحل الخامس

السلام عليكم ..
أنا عندي تانكي ستيل حق هايلكس , ومرة من المرات عبيته بالغلط ديزل , وطل فيه ريحه وتغير طعم الموية مرررة وبغيت أنطلة , ولكن ولله الحمد بعد مشاورات كبيت فية بريق شاهي كبير (وحاااااار طبعا)ورجيت الموتر وسويت هالحركة كم مرة والحمدلله الحين طلع زي الحلاوة .... مافيه أي ريحة .
الحل السادس
حط فيه ملح خشن و خل الماء نصف التانكي و اتركه مدة يومين او ثلاثة - ليقتل البكتيريا
----------------------------------------------------------------------------------------------
ثم فرغ الخزان و اغسله - ثم توكل على الله
========================
كل 3 اشهر يلزمك تسويها مرة
===================
و السبب في وجود البكتيريا هو تركك الخزان فارغا - انت تظنه فارغ و هو فيه ماء قليل راكد ننما يوفر بيئة للبكتيريا تتجمع ثم يتعفن الخزان
======================
الحل السابع
انا عندي تانكي فيبر واستخدمه من سنتين ومافيه ريحه ولا طعم ....

بتقول شلون ؟؟؟


اول ما سويت التانكي قالي صاحب المصنع عشان تروح الريحه والطعم جب كاس عصير ليمون طبيعي ونص كاس خل وصبهم بالتانكي وحط التانكي بموترك وعبي ثلاث ارباعه مويه همن استخدم السيارة بمشاوريك العاديه وبعد 24 ساعه بالظبط لا تزيدها فضي التانكي من المويه والعصير والخل طبعا وعبي ثلثينه مويه عاديه بدون اي اضافات واستخدمه 24 ساعه ثانيه همن فضي التانكي ... وطبقت نصيحته وبالفعل سنتين ما له ريحه او طعم .... مع اني انزل التانكي بالبيت واخليه شهور ما استخدمه ولين جيت استخدمه بس اغسله بشوي مويه واكبها واعبي التانكي واتوكل على الله ......


جربها وبتدعي لي ولصاحب المصنع
الحل لثامن
: صب فيه خمس قوارير خل ابيض وخل في التانكي لمدة ساعه وخذبه كم مشوار عشان ينخض المحلول وبإذن الله انك بتدعيلنا



للمعلوميه ياخوان انا ماغيرت شي بالاسلوب علشان اخلي المسؤليه:d وجميع الحلول من موقع مكشات

[ارتست]

بيض الله وجهك على التوجيهات الممتازة وعسى الأخوان يجدون حلولهم هنا لمشاكل التانكي عند بعضهم

[الخيمة والذرا]

أخي اسير الغضا


بيض الله وجهك والمتابعين


لكن ما مرت علي طريقة(( الفحم في التانكي )) حيث ان للفحم قدرة كبيرة على عملية اسمها(( الإدمصاص ))((adsorption))


ما تشوف العجز من اول يحطون في الثلاجة لامن صار فيها ريحة شوي فحم ؟؟


الفحم يسحب الروائح والسموم حتى انه يستخدم في حلات كثيره من التسمم لدى البشر يعطونهم فحم طبي يسمى (activated charcool) يساعد على سحب السموم ..وهذي معلومة علمية معروفة ومثبتة .
تقبل تحياتي وتقديري


النقرة اللي بتوقيعي ترا كلها غضا ;)

[قنااااص]

الله يعطيك العافيه

[كاند كين]

مشكور على هالموضوع الرائع
لكن سؤالي اذا كان مشكلة في اللي
عندي اللي يطعم وش رايكم وش حله
وهل فيه لي خاص وما فيه طعم
ارجو ان تدولني عليه

[اسير الغضا]

ارتست (يعطيك العافيه
الخيه والذرا (واحد من ربعي طب بمنقع كبير ور يدخل الماء بالسجاد بموتره ويوم دريت ولا هو مالي السجاد فحم حق البخور
قناص(واياك
كاند كين(اتوقع مع الشموس تصير له ريحه

[نفود الطوقي]

جزاك الله حير على الحلول الجميلة

[أ ب و ع ل ي]

السلام عليكم ورحمة الله وبركاته

كيف حالكم ومبروك عليكم شهر رمضان وجلعلنا الله ممن يصومه ويقومه إيمانا وأحتسابا

واحد من الربع عنده تانكي حديد وله فتره ماعباه ماء والتانكي الحين فيه حلا شوي
هل من الممكن تنظيفة ولا بس يطق جديد

[اسير الغضا]

يعطيكم العافيه

وقله يهج من الحديد صدا ومرض

عليه بالستلانس ستيل او الالمنيو او الفيبر جلاس

ودور بالشيخ قوقل عن الزين

[abo-lma]

مشكور على هالموضوع الرائع
لكن سؤالي اذا كان مشكلة في اللي
عندي اللي يطعم وش رايكم وش حله
وهل فيه لي خاص وما فيه طعم
ارجو ان تدولني عليه



نفس المعاناة هل من حل ؟

[ابوعبدالكريم1]

بيض الله وجهك اخوي ما قصرت

[الدوسي الاصيل]

الخل ممتاز بس حذاري انه يطول اكثر من يوم والا بتخسر التانكي وخاصه ان كان حديد

[fof6666]

اذا التانكي فيبر اجدعه لأن ماله حل

[اسير الغضا]

لرفع الله يرفع مقداركم

[سمرقندي]

بيض الله وجهك أخوي اسير
ما قصرت على هالمعلومات

[العاذر]

الملح ممتاز ومجرب

[اسير الغضا]

منورين الموضوع

[أبوباسم455]

تــســلـم أخــوي وبـيـض الله وجـهــك ومــاقـصرت جـبت كـل الـحـلـول !!


http://dc03.arabsh.com/i/00113/5cvbd8pn7ipm.gif
http://dc03.arabsh.com/i/00099/fz6vdqqe8do9.gif

[اسير الغضا]

الله يحييك يابعدي

[ابوصالح77]

من أسباب الطعم :
الليات ( الهوز)
وتخلصت من الطعم بطريقتين :
1- لا تخلي الماء أكثر من أسبوعين بالتانكي لازم تجدده .
2- ليات ذات جودة عالية . وأستخدم بعد التجارب نوعين :
(أ)- ليات السخانة الإيطالي .
(ب)- لي العايد الأسود مثل لي المكيف الصحراوي ( الكنديشة) .
تقبل مروري

[اسير الغضا]

من أسباب الطعم :
الليات ( الهوز)
وتخلصت من الطعم بطريقتين :
1- لا تخلي الماء أكثر من أسبوعين بالتانكي لازم تجدده .
2- ليات ذات جودة عالية . وأستخدم بعد التجارب نوعين :
(أ)- ليات السخانة الإيطالي .
(ب)- لي العايد الأسود مثل لي المكيف الصحراوي ( الكنديشة) .
تقبل مروري

ارحب مليون ابو صالح:D:D

ماقصرت يابعدي على اثرائك الطيب
وتواجدك الدايم بمواضيعي شرف لي


هنا سؤال :good: لي السخانه مب قصير ويجي باطرافه صاموله مشبوكه باللي
تقل يبي يشغلك بالتشبيك

[AMERALNET]

ياليت صوره للي السخانه الايطالي يالغالي

[اسير الغضا]

حياك الله وانت وحظك اذا رجع ابو صالح ولا مرجع:D


عموما رفع موده ينتبه

[عاشق السيل]

الحمد لله مفصا تانكي ألومنيوم من سبع سنين وماشفت منه أي مشكلة !!

بيض الله وجهك يالنشمي وجعلها بميزان حسناتك ....

[jgjc]

بيض الله وجهك على التوجيهات

[اسير الغضا]

الحمد لله مفصا تانكي ألومنيوم من سبع سنين وماشفت منه أي مشكلة !!

بيض الله وجهك يالنشمي وجعلها بميزان حسناتك ....

طيب يابعدي فيه شي تسويه يعني مثلا ماتفضي التانكي ابد اواي شي :D:D
ونستفيد منك

اللي بعده ماعرفت معنى اسمك لاكن منور:good:

[عاشق السيل]

طيب يابعدي فيه شي تسويه يعني مثلا ماتفضي التانكي ابد اواي شي :D:D
ونستفيد منك

اللي بعده ماعرفت معنى اسمك لاكن منور:good:

أنا مستحيل يفضي التانكي عندي بالصيف والشتاء ،، وبنفس الوقت الماء مايطول فيه يعني استخدامي للتانكي بكثرة وخاصة بالشتاء أما بالصيف ممكن يوصل لأكثر من أسبوعين بس مايكون فاضي مرة ،،،

أما اللي بعدي اسمه ( عزوز ) ;) !!!!

[اسير الغضا]

أنا مستحيل يفضي التانكي عندي بالصيف والشتاء ،، وبنفس الوقت الماء مايطول فيه يعني استخدامي للتانكي بكثرة وخاصة بالشتاء أما بالصيف ممكن يوصل لأكثر من أسبوعين بس مايكون فاضي مرة ،،،

أما اللي بعدي اسمه ( عزوز ) ;) !!!!

الله يعطيك العافيه

خخخ توي انتبه لاسمه ×

[ابوصالح77]

ارحب مليون ابو صالح:D:D

ماقصرت يابعدي على اثرائك الطيب
وتواجدك الدايم بمواضيعي شرف لي


هنا سؤال :good: لي السخانه مب قصير ويجي باطرافه صاموله مشبوكه باللي
تقل يبي يشغلك بالتشبيك

مرحبا بك عداد النجوم
توجدي في مواضيعك شرف لي وأنا اخوك إني أشارك فيها
بالنسبة لـ لي (هوز) السخانة يجي مقاسات والنوع الإيطالي غالباً ماتحصل إلا مقاسين :60-90 وميزته أنه عضل ما ينكسر
ومثل ما تفضلت في كل طرف صامولة ، إما تشبكها كل طرف محبس(حنفية +بزبوز) أو في طرف نبل وفي الطرف الثاني محبس (اللي يمك)،
أما لي العايد فهو متوفر تقول : أبغى لي كنديشة مصنع العايد
وسيكون هناك صور بأقرب فرصة .
تقبل مروري

[اسير الغضا]

مرحبا بك عداد النجوم
توجدي في مواضيعك شرف لي وأنا اخوك إني أشارك فيها
بالنسبة لـ لي (هوز) السخانة يجي مقاسات والنوع الإيطالي غالباً ماتحصل إلا مقاسين :60-90 وميزته أنه عضل ما ينكسر
ومثل ما تفضلت في كل طرف صامولة ، إما تشبكها كل طرف محبس(حنفية +بزبوز) أو في طرف نبل وفي الطرف الثاني محبس (اللي يمك)،
أما لي العايد فهو متوفر تقول : أبغى لي كنديشة مصنع العايد
وسيكون هناك صور بأقرب فرصة .
تقبل مروري

يامال العافيه يابوصالح

والصور على السعه:D

[الوانيت1]

موضوع مفيد وتم قراءة كل الردود ومنها استفدنا جزاكم الله كل خير ....../////.

[الصــرح]

السلامة ما يعدلها ثمن !!!

في نظري [الإستانليس]من أفضل التوانك بشرط عدم تعرضه للإنطعاج

وأحرصوا على السماكة حتى وإن كان سعره بأضعاف قيمة الخامات الأخرى

لأن الألومنيوم ضاااار وكل الأبحاث تشير إلى أنه لا يتحلل بالجسم

ويسبب أمراض نحن جميعاً في غنى عنها (( حفظ الله الجميع ))

لابد من نشر الثقافة الصحية والتناصح فيما بيننا

[بيليه9]

انا مشكلتي بتانكي الحديد
له طعم
ومختار بين اشوف له حل
والا اجدعه واشوف بداله
وش السوات