سلقتي تبي تموووت :( عطوني حل

[الهيس الاربد]

السلام عليكم

عيال انا أمس دخلت منتدى مكشات وطلبت حل عشان أخلي السلوقي حقي نشيط .. وقالولي أربطه بالسياره وأمشي فيه 3 كيلو كل يوم

المهم ربطته ومشيت فيه بس مايركض وللعلم أني ماشي فيه سرعه ( من 10 الى 30 )

وبعدين وانا أسحبه طاح وجريته وانا مدري وانجرحت رجله وصب فيها دم ( والجرح موب كبيير مره ))

بستفسر .. كيف أعود السلوقي على الركض ؟ وكيف أداوي الجرح ؟

(( مع العلم أن السلوقي مايعرج بعد الجرح ولاشيء ))

تحياتي لكم ;)

[راعي تاحوف]

مرحبا يـــالهيس الأربد :)

الحين ايش الخرافات هذي الي يقولك آربطه وسحبه بالسياره

طبيعي آن السلوقي يبي يتعور من الربط والسحب بالسياره

لاتاخذ بكلام اي واحد تعور سلوقيك وتكسب آثمه بشغلتك هذي

الحين جيت مره ثانيه تقول كيف اداوي السلوقي !!!

نبغا صوره لسلوقيك ولا عليك آمر

[nmr.nmr]

اخووي الحل تبيه يمشي طلعه مع سلق متعوده وراح يمشي من على خشمه

والجرح في بخاخ ازرق عند البيطري ولا زيت زيتون وانشاءالله راح يتعود ويطربك

[الهيس الاربد]

مشكورين على المرور ،

أخوي راعي تاحوف ،، ألصور بكرى بإذن الله راح أنزلهاا ..

بس أبغى طريقه غير إني أحطه مع سلق مدربه .. أبغى طريقه ثانيه عشان ينشط :)

لاهنتوا

[الــحـاكــمــ]

الله يهديك بس
أخذت ذنبه في رمضان
اللي قالك هالكلام مع إحترامي الشديد
مـا عــنـدهـ ســـالـفـه
عالج جروح السلوقي ولا تتعودها من طريقه
لأنها تصرفات غشم
يا خوي إذا صار السلوقي لحاله ما عندك سلق مدربه
صوت له بأسمه وأنت تمشي بالسياره
وإلا خل الأكل بالصندوق وإن شاء الله إنه راح يتبعك
تبي الصراحه قهرتني بسواتك ذي
آآآسف على الإطاله

[عاشق الضامي]

السلام عليكم ورحمة الله وبركاتة
عندي حل احتمل ينفعك اربط اي شي فالسيار يلفت انتبهه وامش بالسيارة وحاول ان السلق يتبعك ولا ادري ينفعك ولا لا
وتقبلوا مروري

[الهيس الاربد]

حياك الله أخوي خفاا :)

والله يالذيب انا قريت الاشياء هذي بالمنتدى هنا ..

بس تحسفت :(
والحين الجرح طحنت حبتين بندول وحطيتهم على الجرح :) وان شاء الله يطيب *_*

بس الله لايهينكم ابغى طريقه كامله كيف أخليه يتعود علي .. + كيف أخليه نشيط لإنه الحين بس يحب يجلس :(

تحياااتي لكم

[الهيس الاربد]

هلا أخوي عاشق ..

ما أتوقع أنه بيركض لإني امس حطيت عنده حمامه ولا سوالها شيء :(

وانا ما أبي أفرط بالسلوقي :(

[مشبر البران]

حمامة؟
وش فايدتها
جب جربوع وشف

[عاشق ضبيا]

اجل اذا تبيه يلحقك بسياره حطله اعضام او لحم اودجاج بكيس واربط الكيس بحبل طويل وامسك الحبل بسياره وامش شوي شوي لين يتعود بس اذا وصل لاخر شي عطهياه

[راكان الظاهري]

اولا:وش قصدك ((ابى اخليه نشيط)) تباه طول الوقت ينقز ويلعب
ياخوي ترى بعض السلق تلقاه هادي ودايم قاعد لكن لاشاف
الصيده تنقلب حاله ويسير نشيط وانا اتكلم من واقع تجربة
ثانيا:اذا تبيه يلحقك ورا الموتر سوي مثل ماقال اخوي عاشق الضامي
او تنزله مع سلقان متدربة

[الهيس الاربد]

مشكورين على المرور ، وراح أجرب الطريقه عاشق .. وراح أرد لكم خبر :)

وننتظر ردود الإخوان ^_^

[LEUPOLD]

السلام عليكم
جب لي سلوقيك واخليه بسبوع يطرد
ويصير نشيط ولا توثم فيه وتسحبه با السياره
اخوك الباهلي

[الهيس الاربد]

الباهلي ,.. كانك ساكن بحفر الباطن إتصل علي :)

0508406636

[LEUPOLD]

والله يالذيب انا في حايل واذا تقدر تجيبه الله يحييك

ومالك الا من يدربه احلى تدريب

انتظر اتصالي

[عقيد حرب]

بالنسبة للجرح وانا اخووك ترى خبره بمعالجه
اذا كان مافية ورم ولاصديد والجرح سطحي يكفي بخاخ ازرق عن البطري

اذا كان فية ورم ارسلي خاص

[بدوي.]

انا بعرف الدلخ الي قالك اربطه في السياره منهو ووانت مصدق رابطه في السياره ههههههه

الله يهديك بس 600 طريقه لتدريب السلق ما لقيت الا تربطه في السياره انا قلت لك في

موضوعك الاول الي قبل هاذا ارجع للموضوع الاول واقرى كتابتي وطبقها وانشاء الله يزين

[الهيس الاربد]

والله ياعقيد .. مهب ورم ..

الجرح تقدر تقول خفيف نوعا ماء ..

(( وانا كسرت حبتين بندول وحطيتهم على الجرح ولفيته بشاش )) :)

تحيااتي لك وننتظر إخواننا

[بوسيف 22]

يخووي اربطه من عندك وقووده شوي شوي ونت تنااديه وتشجعه ::: ومن غيير سحبب والسحب برووح مفاصله

[الهيس الاربد]

أخوي الكنج ،، عطني طريقه غير إني أوديه مع سلق لإن ماعندي اقرباء عندهم سلق :)

أبي أعرف ،، بكرى أدز للبر وأجيب له جرابيع ؟ (( وهو على جوع )) ؟

[الذود العفر]

فيه طريقه حلوه يالغالي ممتازه ومجربه :

أربطه ورا الموتر وأمش 200 بعد خمسه كيلو وقف أنشالله يظبط معك ,,

هاه تصمع هالنصيحه لو قاله لك أحد !!؟ شلون تسمع أي كلام يقال بالمنتدى ,,

وين يالغالي تربط السلوقي وتمشي به طبيعي أن السلوقي يتعثر بالمشي تنزلق رجله

أو تزل مع الركض وأنت تبي تسحبه من دون ماتدري هاذي طريقه فاشله 100 %,,

بالنسبه للجروح شف البخاخ الأيدين الأزرق ينشف الجرح ويبرا أنشالله وتأكد من السلوقي

لايكون به كسر أو بالمفاصل تفحص جسمه بالكامل أظغط المفاصل وراع السلوقي يصيح

ويتألم ولا لا وأنت اللحين عالج السلوقي ولاطاب له حلاااال ,,

ترا السلوقي بذمتك ولو صار به شي تراك تأثم به ,,

[الهيس الاربد]

حياك اخوي الذوذ ..

بإذن الله براعي السلوقي مراعاة كامله :(

الله لايهينكم .. وننتظر حلول أخرى :(

[الذود العفر]

الله يشافي سلوقيك ويطيب أنشالله ,,

بس ماقلت لنا كم عمره وهل هو سلوقي ولا سلقه ,,

وأذا هو كبير مدرب يوم هو جرو ولا جايك كذا كبير

ومايعرف شي ولا مدرب ويطرح الأرنب والجربوع !!؟

[الهيس الاربد]

أخوي الذود ..
السلوقي مهب كبير ولا صغير .. يعني أتوقع عمره بين السنه او سنه ونص

وانا صراحه جاني عطيه ولا أدري إذا هو مدرب ولالا ..

انا هديت عليه حمامه فقط ولا سوالها شي :(

أهد عليه جربوع ؟

ياريت تضيفني al56er_22@hotmail.com

[الذود العفر]

الحمامه ماهي دليل شف الجربوع هو اللي يبين لك حرارة السلوقي وطالما أنه ماتجاوز

السنه وست شهور أنشالله أنه ماراح يتعبك زي السلوقي الكبير اللي ماهو متعلم ,,

شف السلوقي يبي له سلق كبار معه ثنين وخله معاهن وكل يوم فك له جرابيع مع السلق

الكبار وأنشالله مع الوقت يبي يتعلم منهن ويطرد معاهن ..

[الهيس الاربد]

الذود .. الله لايهينك تعبتك معاي :)

اذا تبيع جرو عمره بين ال5 الى 6 شهور ..

إتصل علي (( 0508406636 ))

<< أدري إن البيع حرام .. بس مضطر والله لإني محتاج جرو وبتكسب فيني أجر :(

[الذود العفر]

الذود .. الله لايهينك تعبتك معاي :)

اذا تبيع جرو عمره بين ال5 الى 6 شهور ..

إتصل علي (( 0508406636 ))

<< أدري إن البيع حرام .. بس مضطر والله لإني محتاج جرو وبتكسب فيني أجر :(


الله يسامحك بس أنا أبيع سلق ,, هذا اللي يقول أفعل خير تلقى شر ,,

[الهيس الاربد]

الله يسامحك بس أنا أبيع سلق ,, هذا اللي يقول أفعل خير تلقى شر ,,

لا والله يالذيب ماهوب قصدي

بس ماودي أقولك ابغى سلوقي (( عطيه )) خبرك هذي بجاحه :)

والا والله حشاك يابعدي ومعليش :(

[الذود العفر]

يابعدي يوم شفت نكك الهيس الأربد وأنا غاسلن يدي منك

ولا وتسحب السلوقي بالموتر وتبيه يتعلم ,, لا أنشالله كله

عشر سنين وتزين أموورك يالذيب ..

[الهيس الاربد]

ليه زعلت يابعدي قسم بالله اني ماكنت قاصد ..

الله يسامحك بس :)

معليش أدري إنك عصبت .. روق يابعدي ،،

الله يوفقك ومشكور على تعبك معي :)

[صقار الحدقه]

اخس يالمنتهي اوك كيف تسحب السلوقي بالسياره؟
لاكن يالهيس الأربد شكلك تمزح منت صادق
لاكن انا عندي حل اذا انت صادق
اسمع جوع السلوقي 20 يوم لاتعطيه اكل بس عطه ماء وبعد عشرين يوم اطلع وخذ السلوقي معك وجب لك حبه علي الفحم مع نفرين رز وحطه بصندوق الموتر وخله يشوفك ورح تراه بيلحقك اكيد اذا كان فيه حيل
وشكرن يالهيس الأربد

[ف ي ص ل]

ههههه عطنيه وراتح ههههه

[قناص الوسطى]

هلا أخوي عاشق ..

ما أتوقع أنه بيركض لإني امس حطيت عنده حمامه ولا سوالها شيء :(

وانا ما أبي أفرط بالسلوقي :(

اذا تبي الحل دام السلوقي ميتبع السيارة معتقد انه راح يركض لو فكيت معه سلق وركضت ورى الموتر
مالك الاتشتري لفه حبل من10متر وفوق وتربط السلوقي بطرف الحبل والطرف الثاني خلك ماسكه بيدك عشان لو وقف السلوقي فجأه تفك الحبل من يدك ولايصير لسلوقيك اي اذى اما لو كان مربوط الحبل في الموتر احتمال تنكسر رقبه السلوقي مع قوه سحبت السيارة وانتبه تخلي سرعه السيارة تزيد عن 20 ولا تركضه في اول اسبوعين اكثر من 4كيلو او3 وعليك بتشجيع السلوقي وذا وقفت تركبه بعد التمرين امسح على راسه ونادة بسمه وبكذا انشا الله راح تتحسن لياقته ملاحضه لاتخليه يشرب مويه الا بعد ساعه من التمرين

[ابوحمد 2009]

الله يهديك بس

[العاذر]

نبغا صوره لسلوقيك ولا عليك آمر

[إْلٍنإْدرً]

إللـه يهديك ههههه

[كشتة بدوي]

يارجال كلام اخوي نمر صحيح

ومشكور علي ذا الرد يانمر

[كشتة بدوي]

ماشاء الله عليهم الشباب ماقصروا معك

[حكيم زماانه]

صراحه الموضوع فله هههههههه

[ابو خليل 503]

اذا تبي الحل دام السلوقي ميتبع السيارة معتقد انه راح يركض لو فكيت معه سلق وركضت ورى الموتر
مالك الاتشتري لفه حبل من10متر وفوق وتربط السلوقي بطرف الحبل والطرف الثاني خلك ماسكه بيدك عشان لو وقف السلوقي فجأه تفك الحبل من يدك ولايصير لسلوقيك اي اذى اما لو كان مربوط الحبل في الموتر احتمال تنكسر رقبه السلوقي مع قوه سحبت السيارة وانتبه تخلي سرعه السيارة تزيد عن 20 ولا تركضه في اول اسبوعين اكثر من 4كيلو او3 وعليك بتشجيع السلوقي وذا وقفت تركبه بعد التمرين امسح على راسه ونادة بسمه وبكذا انشا الله راح تتحسن لياقته ملاحضه لاتخليه يشرب مويه الا بعد ساعه من التمرين
انا اشهد انكـ وافــي يذذيب