السلق يقدر على الذيب

[الــشــايــق]

بسم الله الرحمن الرحيم




السلام عليكم ورحمة الله وبركاته...... صيدنا الأسبوع الماضي


سلوقي وذيب :eek: <<<<< جرو ذيب
http://www.mekshat.com/pix/upload/images9/mk15767_image(102) 1111111.jpg

[ملاعب الريح]

ماشاء الله أخوي (الشايق) ممكن تعلمني السلقه وش نوعها

[قناص الرمله]

السلام عليكم ورحمة الله وبركاته
اخوي الشايق ماشاء الله عليه ذا الجرو اللي توه جرو طرح ذيب الى كبر وش بيسوي بيطر الاسد الله يقوي قلبه ويجعله سبق :good:


بس هاه عاد الى كبر لاتنسانا من جراوته :p عاد اضحك عليك


_____________
اخوك قناص الرمله

[مريوس قدام]

أخي الشايق

بارك الله فيك الذيب هذا موذيك بغنم لك ولا بزر لك ولا مضيق عليك برزقك .ولا الدعوه فقط للمتعه .ان كان
موذيك فهو لك وان كان لغيرها ارجو ان تراجع نفسك لأن هذا الحيوان كبد رطب وليس من الفواسق .ارجو ان
تتقبل كلامي هذا بصدر رحب هداك الله لما فيه خير .

[الــشــايــق]

(((بو سيف))) السلق جرو على التدريب عربي أصيل 100%

(((قناص الرمله))) الجرو ماطرح الذيب 5 سلقان طرحنه لو تبي الجراوه الحين مايغلن عليك

(((مريوس قدام ))) الذيب طرحناه مسافه عن الغنم 300 متر والفسق ماحنا اهله

ومشكووووور على مروركم

[أبـ [مطلق] ـو]

مشاء الله تبارك الله

ان شاء الله ما عور السلق ؟؟؟

ياخي

انا كل ما جاني جرو يموت حظي نحس دايم .....

ولا تالد سلقه واتنقا من جراوته الزين ويموت هههههههه

ا تقصر معنا يالغالي بس من وين انت قل من القصيم تكفى هههههههه
والشايق انت لازم نشبك خخخخخخخخخ

اضفني بالماسنجر يالغالي ولا هات إيميلك اضيفك انا

taeh_alfekr@hotmail.com

[عروق الدهنا]

السلام عليكم ورحمة الله وبركاته
كفو يالشايق مايطرح الذيب ياكود اطلق منه كفوووووووووووووووووووووووووووووووووووووووووو
والسلام خير الختام

[صوعان]

خمس سلق معقوله
لان السلق او الكلب عموما مايقدر الذيب اذا كان وحده
وانا عندي قصه حقيقه خير شاهد وهي في الوقت الحاظر
شباب عندهم ذيب في استراحه وكان يتحدون عليه مع السلق والكلاب وصادفت الامور ان واحد من الشباب يعرف امير وعنده كلب كبر الحمار ضخم ومن اشرس الانواع وقال للأمير وجازت له الفكره وجابه للأستراحه ودخلو العيال في الغرفه وطلع وراعي الاستراحه وفك الذيب على الكلب في الساحه والعيال يتفرجون مع الشباك
المهم ان الكلب وقف مكانه مثل الصنم ماتحرك والذيب يدور عليه اخر شي وانتم بكرامه بال الذيب في اتجاه الكلب بعدها عينك ماتشوف الا النور ماتسمع الا صياح الكلب قطعه الذيب تقطيع لين مات
هذي قصه انا ماحظرته بس الي حاظرينها ثقه وسلامتكم

[أبـ [مطلق] ـو]

لا انا فيه ناسن اعرفهم فكوا سلقهمم على ذيب بس سلقهم واجد لكن تعورت سلقه معهم انشقت رقبتها شق قوي وراحوا خيطوها وشفها الحين مشاء الله عليها


بس السلقه ذيك جزووم الله لا يظرها

لكن يا الشاقي ان شاء الله الجريو ذا لي خخخخخخخخخخ

الشاقي ياليت تضيفني بسرعه ابيك ضرووري

[الــشــايــق]

أبو مطلق / عروق الدهنا / صوعان شكراااااا على المرور






خمس سلق معقوله
لان السلق او الكلب عموما مايقدر الذيب اذا كان وحده
وانا عندي قصه حقيقه خير شاهد وهي في الوقت الحاظر
شباب عندهم ذيب في استراحه وكان يتحدون عليه مع السلق والكلاب وصادفت الامور ان واحد من الشباب يعرف امير وعنده كلب كبر الحمار ضخم ومن اشرس الانواع وقال للأمير وجازت له الفكره وجابه للأستراحه ودخلو العيال في الغرفه وطلع وراعي الاستراحه وفك الذيب على الكلب في الساحه والعيال يتفرجون مع الشباك
المهم ان الكلب وقف مكانه مثل الصنم ماتحرك والذيب يدور عليه اخر شي وانتم بكرامه بال الذيب في اتجاه الكلب بعدها عينك ماتشوف الا النور ماتسمع الا صياح الكلب قطعه الذيب تقطيع لين مات
هذي قصه انا ماحظرته بس الي حاظرينها ثقه وسلامتكم

كلامك صح مره كنا طالعين ولقينا ذيب كبير واوي وأرسلنا عليه ثلاث سلقان قطع أثنين
والثالث يوم شاف المنظر رجع ولكم تحياتي ............

[ابو هشام]

التحريش بين الحيوانات حرام

قال نبي الرحمه صلى الله عليه وسلم في كل كبد رطبة اجر

وجاء في الاثر الشريف دخل الجنه رجل من اجل شربة ماء غرفها في حذاءه من البير لكلب في يوم حار.

اذا لم يؤذيك الذيب يجب الا تؤذيه.

اربع ضباع ياكلون اسد رايت ذلك في التلفزيون. ارجو السموحه انا بصراحه مني شايف فيها اي مرجله.وقال العرب العدد يغلب الشجاعه. المرجله راس براس.

[قناص المغرب]

بسم الله الرحمن الرحيم



هذاهوالذئب





http://www.mekshat.com/pix/upload/images9/mk15353_foto_lupo.jpg






http://www.mekshat.com/pix/upload/images9/mk15353_1copia di jakal.jpg



http://www.mekshat.com/pix/upload/images9/mk15353_1.jpg


ذئبكم صغير ـ سبحان الله ـ

[جوكر]

شكرا قناص على الصورة الجميلة ........



بس ترى ذيابتنا صغيرة يسمونها الذيب العربي....تقارنه بالذيب الأمريكي... :eek: .

كأنك تقارن نملة بـ(قعسي)...... :D






............

[قناص المغرب]

بسم الله الرحمن الرحيم
مشكوراخي جوكير على المرور . واظن ان ظروف العيش الصعبة,والبيئة الصحراوية جعلته صغير الحجم
والله سبحانه يصور خلقه كيف يشاء

[الــشــايــق]

أخوي قناص المغرب الذيب عندنا نوعين 1- واوي 2- سرحاني

الواوي الي بالصوره جرو ماهو كبير

السرحاني أكبر حجم من الواوي ويستطيع ذبح الجمل أو الحوار


ومشكور على مروركم.....

[ابو هشام]

العبره ليست بالحجم الذيب العربي اشرس واخطر من الذءاب الاخرى وهذا شيء معروف.

[الــشــايــق]

كلامك صح أخوي أبو هشام .....

[ابو صالح]

اولا السلام عليكم
احب اشارك بهالموضوع بقصة صارت لربع أعرفهم
الربع طالعين لأرض حول المدينة مقناصهم بموسم الرهو ذاك الوقت واخذو معهم سلوقيين طيبات تبعهم واحد عصبه وجرم وواحد ميت قلبه ، الحقيقة ما توفر الأرنب بذاك المكان بس قالو لعل وعسى نلقا نتسلا بالليل ، وهم يدورون وتبرق عيون من بعيد الشباب قالو هذا حصني نبي نلحقه ، يوم وجهو يمه طبعا قالو نبي ننزل السلق نبي نشوف وش يصير ، اول ما قربو يمه راسلو اخوياهم كان السلاح مع السيارة الثانيه ، العلم نزلو السلق ودعسن الصدق السلق جابنه من ناحية السبق هن طيبات يوم وصلن لمه ، ألتفت الذيب وهو يركض عليهن وكشر عن انيابه (( عر عليهن يعني )) والله واحد من السلق وقف مكانه والثاني بدى يلحق وهو يهرول من الخوووف ،، هذي حالة السلق لا شافن الذيب خاصه لا صار عود كبير .. وسلااامتكم

[ابو صالح]

ايه نسيت أكمل وبعد ما جو اخوياهم رموووو الذيب يوم تكرفس وماات السلوقي اللي ميت قلبه قرب شوي يعني مترين تقريبا أما الثاني الظااهر ولا عنده نيه يشوف الذيب ذل ،،، شوفو سبحان الله الذيب من نظره وحده ذلل الكلاب ،،، وعلى فكره يذكرون والله اعلم ان فيه سلوقي مر على واحد من ديرتنا والله ما اعرفه بس قالو فلااان ،، المهم يقولون عنده قلب مهب طبيعي
يذكروون والله أعلم انه قد طرد ذيب بس مو عود يعني صغير شوي ،، المهم يقرب للذيب الذيب طبعاا ما يقدر ياقف خايف من المووتر اللي ورااه مو من الكلب ،، والكلب يقرب وينهش الذيب من ظهره ورجلينه ، اذا التفت الذيب رجع السلوقي شوي وذا عطاه الذيب ينهشه وعلى هالحااال لين ما تعب الذيب خلاص تقطع مع ورى وكملووو عليه بالمووتر دعسوووه
وهذي سالفه والله اعلم انا سمعتبه والله اعلم وشكراااااا وياخوي الشايق ابي اميلك الله لا يهينك وشكراااااااااا

[الببر]

يعطيكم العافيه ارحموامن في الأرض يرحمكم من في السماء
لاتحارشون الحيوانات على بعض واللي حارشهن كانه رجل يطب مكانهن
لله درالأولين المهلهل وواحد ذبح أسد وهومربوط اليد والرجل بسيف شجاعه لماربطه الحجاج وجوع أسد3أيام
وأشكركم حبايبي

[الظبي]

الف شكر على جهودك

وتقبل تحياتي

[ابو صالح]

يا هلا باللي ردو اقول اخوي الببر انت بلاك ما ذقت اللي ذاقو الناس من الذيابه راحت غنمهم وراحت حواشيهم بسبب الذيابه ،، مرينا على بدوي ذاك اليوم وحنا ندور الأرض اللي نبي نقنص فيهااا قال تكفون يا شباب فيه ذيب مذيني هنا عجزت اذبحه يجي وياكل من الحلال وينحاش تلقاه ينحاش ومعاه جفره صغيره ولا تويس صغير ،، يقول اذا منكم درتو باليل وحصلتووه اذبحوه وابشرو بحقكم ،، بس للأسف ما لقيناه بذيك الليله .. يعني الخلاصه انه الذيب الموذي لا اذبحه ولك اجر بعد
وشكرااا

[ابو صالح]

صح نسيت اخوي الشايق ضفني عندك بالماسنجر ابيك اوكي
الاميل بالتوقيع
7
7
7

[النمر22]

أخي الشايق

بارك الله فيك الذيب هذا موذيك بغنم لك ولا بزر لك ولا مضيق عليك برزقك .ولا الدعوه فقط للمتعه .ان كان
موذيك فهو لك وان كان لغيرها ارجو ان تراجع نفسك لأن هذا الحيوان كبد رطب وليس من الفواسق .ارجو ان
تتقبل كلامي هذا بصدر رحب هداك الله لما فيه خير .
(مريوس قدام احسنت )

[الاكلبي]

شوف الدلال وشبت النار بالليل $$$ ونور القمر ساطع يشق السحابة
في رأس ضلعِ حاير وسطه السيل $$$ تشفي عليل يشتكي من عذابه
باليل أنا عيني تهل الهماليل $$$ ودي بشوف اللي ذبحني غيابه

[الاكلبي]

أخي الشايق

بارك الله فيك الذيب هذا موذيك بغنم لك ولا بزر لك ولا مضيق عليك برزقك .ولا الدعوه فقط للمتعه .ان كان
موذيك فهو لك وان كان لغيرها ارجو ان تراجع نفسك لأن هذا الحيوان كبد رطب وليس من الفواسق .ارجو ان
تتقبل كلامي هذا بصدر رحب هداك الله لما فيه خير .
(مريوس قدام احسنت )

الاكلبي


http://www.mekshat.com/pix/upload/images10/mk2126_fs%20copy.jpg

صلى الله عليه وسلم

[الببر]

أبوصالح كلامك هذا ماعليه اختلاف لاستنجد بك واحد انجده وأذبح الذيب الموذي بس ماتحطه باستراحه نيشان
اشكرك علىالرد

[قناص السليمي]

صوعان]خمس سلق معقوله
لان السلق او الكلب عموما مايقدر الذيب اذا كان وحده
وانا عندي قصه حقيقه خير شاهد وهي في الوقت الحاظر
شباب عندهم ذيب في استراحه وكان يتحدون عليه مع السلق والكلاب وصادفت الامور ان واحد من الشباب يعرف امير وعنده كلب كبر الحمار ضخم ومن اشرس الانواع وقال للأمير وجازت له الفكره وجابه للأستراحه ودخلو العيال في الغرفه وطلع وراعي الاستراحه وفك الذيب على الكلب في الساحه والعيال يتفرجون مع الشباك
المهم ان الكلب وقف مكانه مثل الصنم ماتحرك والذيب يدور عليه اخر شي وانتم بكرامه بال الذيب في اتجاه الكلب بعدها عينك ماتشوف الا النور ماتسمع الا صياح الكلب قطعه الذيب تقطيع لين مات
هذي قصه انا ماحظرته بس الي حاظرينها ثقه وسلامتكم
صوعان يعطيك العافيه؟
وهالقميريات أعجبني بصورتهن؟
لاكن مثل ماجبت قصة عندي قصه بس عكس ماتقول
فيه واحد مربي له كلب أعزكم الله لحماية غنمه من الذيب ويعطيه من هاللحم لين صار كبر الحمار ولاجاء الليل نام الكلب وترك الغنم وكل ليله مأكوله نعجه المهم مايدري كيف يسوي بهاالكلب؟
بالصدفه وهو يمشي بالصحراء ولاهاك البير قدامه ماهي بطويلة ويوم شفى يطالع بالقليب لمار الذيب بوسطها مقدر الله عليه وصاقط بالقليب !!!!!!!
يوم شافه قال ياشوفت السعد تطري عليه فكره قال مافيه الا اجيب (سمران)اللي هو كلبه اسمه سمران وأخليه إما يأكله الذيب ولا يطلع له قلب والله وينادي على كلبه ويأتي الكلب يوم دعاه ويمسكه ويحذفه بوسط البير على الذيب
يقول يوم نزل بوسط البير ياوالله يوم طلع الصياح والصباح الأقشر قال يوم غدت البير تقل مثور فيها دنميت غبار ماتشوف شي
قال يوم أخذت لي تقريب ساعة لمار الصوت يوم انقطع اتسمع أغدي اسمع صوت كلبي ياوالله البير تقل خلا مابها أحد الا هالغبره قال يوم هدى الجو وسكنت الرياح ياوالله هذا سمران متشدق فمه من الدم والذيب ميت !!!

ايه قال والله يوم أغليته ودي انزل وأحب خشيمه؟؟؟؟؟؟ (ترى ضحكه هاذي اكرمكم الله)
قال بس انا خايف انزل ويلحقني الذيب قال والله يوم خفته قال واتركه يوم واحد لين سكن الغضب عنه وعطش وادعيه لمار هو موالف وأطلعه من البير وأحطه عند الغنم قال وبعده والله مافيه الذيب اللي يمر حول مراح غنمنا
خلاص قال صار هالكلب داهيه من الدواهي
وهاذي القصه وسلمتم
اخوكم قناص السليمي[/B]

[ابو صالح]

يا هلا فيكم
صدقت والله اخوي قناص السليمي سمعت فيهاا ذي والله والعالم انها حقيقيه اكيده وشكرااااا على المشاركه

[جارح العين]

مرحبا اخوي الشايق انشالله يذبح ام الذيب ابيلي جرو عندك الله لايهينك

[KoKaToo]

ياهلا بك يابن العم
صوره قويه عساكم على القوه
تسلم يمينك يالرجباني

[القحطاني505]

مشكوور اخوي الشايق على مجهودك الطيب والمعلومات الطيبه والله لايهينك

[(القناص)]

يعطيك مليون عافيه اخوي الشايق
والله انك ذيبان وفعلك فعل ذيابه
وكان ما عليك امر ابيك تضيفني عندك

[sasasasas]

مشكووووووووووووووووور اخوي ماقصرت والله يعطيك العافيه

[رفيق الأمل]

ههههههههه مشكور علي الصورة

[القـــناص]

اخوي : الــشــايــق

شـــكــراً لك على هذي الصوره

وانا اعتقد ان هذا ليس ذئب....

فهو ابن اّوى على مااعتقد...

[كشات نجد]

صادق القناص ولاهنتو