الله يستر من مكينة الإكسبديشن , وش رايكم يااخوان في كلام الورشة

[اي ام اوتايبي]

بسم الله الرحمن الرحيم

حياكم الله أيها الإخوة ..
السالفة ومافيها اننا كنا ماسكين خط أنا والوالد على سيارتين ..
وبعد 800كم كانت سيارة الوالد الاكسبديشن يجيها زي النتع ..
ووقفها وحاول يشغلها ولكن مافي فايدة ..
قلنا يمكن بطارية - لأنه سبق طفى بسببها - وسوينا اشتراك ولكن مافي فايدة ..
ودينا السيارة على سطحة لصناعية عنيزة ويوم كشفوا عليها قالوا الزيت ناقص مافيه الا الربع ..
كيف ماكيف , قالوا هذا العلم ..
قلنا الحرارة ماارتفعت ولا شي قالوا ماندري والله ..
قال ابويمن احتمال انه من السبايك أو انه من السلف ..
واحتمال المكينة جيمت ..

الحقيقة يااخوان ان كلامه أهمنا وضايقنا , مكينة مرة وحدة :(
وش رايكم بهالكلام ؟
مع الشكر الجزيل ..

[اي ام اوتايبي]

المكينة ماتدور إذا دقيت سلف .. بس تسمع تك تك ..
الورش يقولون المكينة مجيمة , وحنا شاكين بالكهربة ..
خصوصا ان مسجل السيارة شاشة جي بي اس , مايشتغل لأن ماتجيه كهربة زي الناس ..

رحنا ثلاث ورش بعنيزة , قالوا مكينة ..
كلهم كذا من خلال رؤيتهم ودقة السلف ..

واحد يقول توضيب وواحد يقول مكينة ثانية
وش قاعدين يقولون والله مجانين وش اللي توضيب ومكينة
الان قاعدين بعنيزة اللي مانعرف فيها لاشي ولاأحد ..
ومعنا عائلة , ياشينها اي والله ياشينها :(

[اي ام اوتايبي]

اللي يعرف ورشة جيدة أو عنده خلفية وسبق صارت له المشكلة يقول لنا الله لايهينه ..
وديناها ثلاث ورش , الأولى مدري وشهي والثاني البقعاوي الظاهر والثالث الطريف وهي عند الطريف الآن ..
يقولون بنشيك عليها أكثر .. والله يستر من هالورش

[اي ام اوتايبي]

نسيت اقولكم السيارة : فورد اكسيبدشن 2005

[فهد الميهوبي]

راي وانا اخوووك لا تستعجل مر على وورشه موثووقه
وان شا الله يفيدونك الاخوان

[مسفر الاكلبي]

كم ماشيه السياره ؟؟؟

وغريبه ما ولعت لمبة الزيت عند النقص !!!!!

وتأكد لا يكون عطل كهربائي

والله يكون في عونكم

[اي ام اوتايبي]

اخواني فهد ومسفر حياكم الله جميعاً ..
والله ياخواني ماعندي الا هالهندي سواق السطحة
اقوله ودني ورشة كويسة وهو ينقل بي بين هالورش ..
عنيزة ماأعرف فيها شي ..

إن كان أحد يعرف ورشة والا يخبر وش السالفة ..
الله يبارك فيكم جميعاً ..

[MZON 01]

ودها لورشة المسند والسويل.. قبل اشارة المعارض يمين بالزاويه او اسال عنها مشهورة ومعروفه بعنيزه


وشغلهم امانه . وبالتوفيق

[سهومي]

اسأل الله ان يفرج كربتك وهمك ويوصلك انت وعائلتك بصحة عافية ولالا تهتم الحمد لله في السيارةولا بالصحة
ولالا تنسى ان تتجه لله في تفريج الكرب.

[رحال7]

الله يسهل طريقكم

هذه المكينه حساسه جدا لنقص الزيت

[mgs71]

اذا الميكانيكي لف العمود وما لف معاه مرره تكون المشكله من المكينه انت جرب بطارية جديده لانه احتمال القديمه منتهية حتى لوسويت لها اشتراك ماتشتغل

[اي ام اوتايبي]

هلا بكم ياشباب ..
وديناه ورشة الشلال وقال بينزل المكينة بكرة وبشوف ..
واحتمال بنسبة 90% يكون فيها توضيب ..
والله المستعان

[اي ام اوتايبي]

والآن اليوم الثالث لنا في عنيزة ..

نزلوا المكينة وفكوها ..
قالوا يبيلك عمود كرنك وأربع اذرعة بساتم ..
الكرنك يقول في الوكاةل ثلاث الاف وفوق ..
والذراع الواحد 250 ريال ..
وش رايكم يااخوان ؟
واحد يخبر لي شي من هذي ؟

[خبير رديترات]

لازم تعرف كم سعر الماكينة في التشليح
اذا هي اقل من سعر التوضيب لا تتاخر في شراء من التشليح

[تناهيت]

الحمد لله على كل حال ونا اخووووووووووك

مقدر ومكتوب

اموركم طيبه وبين اهلكم وفي وطنك

وسع خاطرك واطلب ربك انه يفرجها عليكم

انصحك تركب مكينة من التشليح بضمان اقل شي 3 شهور

تحياتي وبالتوفيق

[رايق من جد]

نصيحة اخوية واضب الماكينة اصرف لك الماكينة اللي بالتشليح ماتدري وش في بطنها
حنا في رمضان وامس مطلع سيارتي من ورشة مسقط ماكينة سيارتي(يعني ما وضبت) نوعها شروكي الله يكرمك
ويوم وصلت للبيت ويطلع فيها صوت يروع برجع للورشة والله يعين انتظار 4 ايام ثانية.
قدر الله وما شاء فعل....التوضيب افضل بكثير قطع جديده ومكينة مخروطة بس عيبها انها اغلى من المكينة اللي من التشليح بس ان شاء الله اضمن ....الله ييسر امركم .
وبالنسبة لعنيزة تره مدينة ممتازه وونيسة
روحوا للمسوكف-وقصر البسام الاثاري-واعتقد يوجد بيت فية اشياء تراثة بيت الحمدان

[mgs71]

الظاهر انها الميكانيكي بيغير اللي كان خربان بس نصيحة قبل لا يغيير لازم يعرف سبب اللي صار عشان لا يصير مره ثانيه واي قطعه من اللي تغييرها احتفظ بالقديمه معاك والله يعينك

[المهمام]

الله يعينك أخوي

[MZON 01]

الافضل لك التوضيب .. اضمن من التشليح وبالتوفيق.

[السياف@]

ياخوي ليتك مار ورشة المسند والسويل اللي قال لك عليها احد الاخوان تراهم مختصين بالامريكي وهذا النوع من السيارات او على الاقل القرعاوي قبل لا تفك المكينه عموما موفق ان شاء الله وان بغيت شي ترانا حاضرين وما نقصر باذن الله